¹ Cando Iahveh teu Deus te teña introducido na terra na que vas entrar para tomares posesión e teñas botado de diante de ti a moitas nacións - os hititas, os xerxeseos, os amorreos, os cananeos, os ferezeos, os heveos e os xebuseos - sete nacións máis grandes e máis poderosas ca ti, ² e cando Iahveh teu Deus chas entregue diante de ti e os teñas derrotado, destruiralas por completo. Non farás alianza con eles nin terás piedade deles. ³ Non *arranxarás matrimonio*emparentarás con eles nin darás a túa filla ao seu fillo, nin tomarás a súa filla para o teu fillo. ⁴ Porque apartaría os teus fillos de seguirme para servir a outros deuses; entón a ira de Iahevh encenderase contra ti e te destruirá inmediatamente. ⁵ Pero así é como faredes con eles: destruiredes os seus altares, destruiredes as súas estelas sagradas e derribaredes as imaxes de Asera e queimaredes no lume as súas imaxes talladas. ⁶ Porque ti es pobo santo para Iahveh teu Deus, Iahveh teu Deus te escolleu para ser pobo da súa propriedade, de entre todos os pobos que están sobre a superficie da terra. ⁷ Iahveh non vos amou nin vos escolleu por serdes máis numerosos que outro pobo, xa que erades o máis pequeno de todos os pobos, ⁸ mais porque Iahveh vos amou e por gardar o xuramento que lles fixo a vosos pais, sacouvos Iahveh con man forte e rescatouvos da casa de escravitude, da man de Faraón , rei de Exipto. ⁹ Entón recoñece que Iahveh o teu Deus é Deus, o Deus fiel que garda o seu pacto e a súa misericordia ata mil xeracións cos que o aman e gardan os seus mandamentos, ¹⁰ mais aos que o abominan daralles a recompensa na súa mesma cara para destruílos, e sen facerse esperar; dá o seu merecido ao que o aborrece na súa mesma cara. ¹¹ Polo tanto, garda o mandamento e os estatutos e os decretos que eu che mando hoxe para cumplilos. ¹² Porque sucederá que por ter escoitado estes decretos e telos gardado e postos por obra Iahveh o teu Deus gardará o seu pacto contigo e a misericordia que xurou a teus pais. ¹³ Amarate, bendicirate e te multiplicará. Tamén multiplicará o froito do teu ventre e o froito da túa terra, o teu cereal, o teu viño novo, o teu aceite, as crías das túas vacas e as camadas do teu rabaño na terra que El xurou a teus pais que che daría. ¹⁴ Serás máis bendicido que todos os pobos. Non haberá varón ou femia estéril, nin no teu gando. ¹⁵ Iahveh apartará de ti toda enfermidade, e non porá sobre ti ningunha das pragas*epidemia* malignas que coñeciches en Exipto, senón que as porá sobre os que te odian. ¹⁶ Destruirás a todos os pobos que Iahveh o teu Deus che entregue, o teu ollo non terá piedade deles. Tampouco servirás os seus deuses, porque isto será unha trampa para ti. ¹⁷ Se dixeras no teu corazón: Estas nacións son máis poderosas ca min, como poderei desposuílas? ¹⁸ Non teñas medo delas, recorda ben o que Iahevh teu Deus fixo con Faraón e a todo Exipto, ¹⁹ as grandes probas que viron os teus ollos, os sinais e as marabillas, a man poderosa e o brazo extendido co que Iahveh o teu Deus te sacou. Así fará Iahveh o teu Deus con todos os pobos aos que temes. ²⁰ Ademáis Iahveh teu Deus enviará avespas contra eles, ata que perezan os que queden e se agochen de ti. ²¹ Non teñas medo na súa presenza, porque no medio de ti está Iahveh teu Deus, Deus grande e temible. ²² Iahveh o teu Deus botará estas nacións pouco a pouco de diante de ti. Non poderás terminar con elas axiña, non vaia ser que as feras do campo se multipliquen contra ti. ²³ Mais Iahveh o teu Deus entregaráas diante de ti, e as confundirá con grande confusión ata que perezan. ²⁴ Entregará os seus reis na túa man de xeito que fará desaparecer os seus nomes de debaixo dos ceos. Ningún home poderá facerche frente ata que os teñas destruídos. ²⁵ Queimarás con lume as esculturas dos seus deuses. Non cobizarás a prata nin o ouro que as recobren, nin o collerás para ti, non sexa que por iso caias nunha trampa, porque son abominación a Iahveh o teu Deus. ²⁶ Non traerás cousa abominable a túa casa, porque serás maldito coma ela. Aborreceralas e as abominarás , xa que é maldición*anatema*.