¹ Israel, agora escoita as leis e os decretos que eu vos ensino para que os cumprades, e para que vivades e tomedes posesión da terra que Iahveh, o Deus dos vosos pais, vos dá. ² Non engadiredes nada ás palabras que eu vos mando nin quitaredes nada delas, para que gardedes os mandamentos de Iahveh o voso Deus que eu vos mando. ³ Os vosos ollos viron o que Iahveh fixo en Baal Peor, xa que todo home que seguiu a Baal Peor, Iahveh, o voso Deus, destruíuno do medio de ti. ⁴ Mais vós, os que vos mantivestes fieis a Iahveh o voso Deus, seguides vivos ata o día de hoxe. ⁵ Velaí que tal e como mo orenou Iahevh o meu Deus, vos ensinei as leis e os decretos para que así os cumprades en medio da terra na que ides entrar para posuíla. ⁶ Así que gardádeos e poñédeos por obra, porque esa será a vosa sabedoría e a vosa intelixencia diante dos ollos dos pobos que ao escoitar todos estes estatutos dirán: "Esta grande nación é un pobo grande e intelixente". ⁷ Porque, que grande nación ten un deus tan perto dela como está Iahveh o noso Deus sempre que o invocamos? ⁸ Ou que nación grande ten estatutos e decretos tan xustos como toda esta lei que hoxe poño diante de vós? ⁹ Polo tanto, cóidate e garda a túa alma con dilixencia, para non esqueceres as cousas que os teus ollos viron e non se aparten do teu corazón en todos os días da túa vida, senón que llas transmitas a teus fillos e a teus netos. ¹⁰ Recorda o día que estiveches diante de Iahveh o teu Deus en Horeb, cando Iahveh che dixo: Xúntame o pobo para que Eu lles faga escoitar as miñas palabras, para que aprendan a respectarme todos os días que vivan na terra e llelas aprendades aos vosos fillos". ¹¹ Entón achegástesvos e permanecestes ao pé do monte e o monte ardía con un lume que chegaba ata o mesmo ceo: escuridade, nube e densas tebras. ¹² E falouvos Iahveh desde o medio do lume e escoitastes o murmurio, mais non percibiades figura algunha, senón unha voz. ¹³ E revelouvos o seu pacto, co que vos mandou cumprir os dez mandamentos, os que escribiu en dúas lousas de pedra. ¹⁴ Iahveh ordenoume naquela ocasión que vos ensinara os estatutos e decretos para que os cumprirades na terra na que iades entrar para posuíla. ¹⁵ Así que tende moito coidado, xa que non vistes figura algunha o día que Iahveh vos falou en Horeb desde o medio do lume, ¹⁶ non sexa que vos corrompades e vos fagades un ídolo en forma de estatua masculina ou feminina, ¹⁷ ou de calquera animal que está na terra ou semellante a calquera ave que voa no ceo, ¹⁸ imaxe de calquera animal que se arrasta pola terra ou semellante a calquera peixe das augas subterráneas. ¹⁹ Non sexa que cando levantes os ollos ao ceo e vexas o sol, a lúa, as estrelas e todas as constelacións celestes, te sintas impulsado a adoralos e servilos, xa que Iahveh o teu Deus deullos a todos os pobos debaixo dos ceos. ²⁰ Pero a vós escolleuvos Iahvehv e sacouvos do forno de ferro, de Exipto, para que sexades a súa herdanza como o sodes agora. ²¹ E Iahveh enfadouse contra min pola vosa culpa e xurou que eu non pasaría o Xordán nin entraría na boa terra que Iahveh o teu Deus che dá como herdanza. ²² Eu morrerei nesta terra e non cruzarei o Xordán, mais vós pasaredes e tomaredes posesión desta terra boa. ²³ Tende coidado, non sexa que esquezades o pacto que Iahveh o voso Deus fixo con vós, e fagades imaxe de talla da figura de calquera cousa, porque Iahevh volo prohíbiu. ²⁴ Porque Iahveh o teu Deus é lume consumidor, Deus celoso. ²⁵ Cando enxendredes fillos e netos e teñades permanecido moito tempo na terra e vos corrompades e teñades feito un ídolo coa forma de calquera cousa e fagades o malo diante dos ollos de Iahevh o teu Deus para provocalo a ira, ²⁶ poño hoxe por testemuña contra vós o ceo e a terra, que pronto seredes totalmente exterminados da terra onde ides pasar o Xordán para posuíla. Non viviredes por moito tempo nela, senón que seredes totalmente destruídos. ²⁷ Iahveh espallaravos entre os pobos, e quedarán moi poucos entre as nacións onde vos levará. ²⁸ Alí serviredes a deuses feitos pola man do home, de madeira e de pedra que non ven, nin escoitan, nin comen, nin ulen. ²⁹ Mais desde alí buscarás a Iahveh o teu Deus e acharalo se o buscas con todo o teu corazón e con toda a túa alma. ³⁰ Nos derradeiros días, cando esteas agoniado e te sobreveñan todas estas cousas, volverás a Iahveh o teu Deus e escoitarás a súa voz. ³¹ Xa que Iahveh o teu Deus é Deus compasivo; non te desamparará nin te destruirá, nin esquecerá o pacto que El fixo con teus pais. ³² Pregunta desde un extremo dos ceos ata o outro sobre os días pasados anteriores a ti, desde o día que Deus creou o home sobre a terra. Aconteceu algunha vez ou foi oída cousa semellante a esta? ³³ Escoitou algún pobo a voz de Deus falando desde o medio do lume, coma ti a escoitaches, e seguiches*seguiu* vivo? ³⁴ Procurou algún deus tomar para si unha nación de entre as outras con probas, sinais e prodixios, con guerra e man forte, con brazo extendido e feitos aterradores, como Iahevh o teu Deus fixo en Exipto diante dos teus ollos? ³⁵ Amosóuseche para que soubeses que Iahveh é Deus, e fóra del non hai outro. O Señor fixo que ouvises a súa voz desde os ceos para te disciplinar, ³⁶ fixo que viras o seu grande lume sobre a terra e escoitaches as súas palabras de entre medio do lume. ³⁷ Porque El amou a teus pais, por iso escolleu a súa descendencia despois deles, e te sacou coa súa presenza de Exipto co seu grande poder, ³⁸ botando de diante de ti nacións máis grandes e máis poderosas ca ti, para facerche entrar e darche a terra deles por herdanza, como ata hoxe. ³⁹ Polo tanto, recoñece hoxe e reflexiona no teu corazón que Iahevh é Deus arriba nos ceos e abaixo na terra, non hai outro. ⁴⁰ Así pois gardarás os meus estatutos e os meus mandamentos que eu che ordeno hoxe, para que che vaia ben a ti e a teus fillos despois de ti, para que prolongues os teus días na terra que Iahveh che entrega para sempre. ⁴¹ Entón Moisés sinalou tres cidades ao outro lado do Xordán, ⁴² ao oriente, para que fuxira alí o homicida que, sen querer, matara o seu veciño sen telo odiado previamente, *e fuxindo a unha destas cidades, salvara a súa vida*e vivise fuxindo aunha destas cidades: ⁴³ Beser no deserto, sobre a meseta, para os rubenitas, Romot en Galaad para os gaditas e Golán en Basán para os de Manasés. ⁴⁴ Esta é, entón, a lei que Moisés puxo diante dos israelitas. ⁴⁵ Estes son as testemuñas, os estatutos e as ordenanzas que Moisés deu aos israelitas cando saíron de Exipto, ⁴⁶ cerca do val do Xordán no val frente a Bet Peor, na terra de Sehón, rei dos amorreos, que vive en Hesbón, a quen Moisés e os israelitas derrotaron cando saíron de Exipto. ⁴⁷ E tomaron posesión da súa terra e da terra de Og, rey de Basán, os dous reis dos amorreos que estaban ao outro lado do Xordán cara o oriente, ⁴⁸ desde Aroer, que está na beira do val de Arnón ata o monte Sión, é dicir, Hermón, ⁴⁹ con todo o Arabá ao outro lado do Xordán, ao oriente, ata o mar de Arabá, ao pé das faldras do monte Pisga.