¹ Moises e os anciáns de Israel deron orde ao pobo , dicindo: Gardade todos os mandamentos que eu vos ordeno hoxe. ² O día en que pasedes o Xordán para a terra que o Señor, o teu Deus, che dá, erixirás para ti pedras grandes, branquearálas con cal ³ e escribirás en cada unha delas todas as palabras desta lei, cando teñades cruzado para entrares na terra que o Señor, o teu Deus che dá, unha terra na que flúe leite e mel, tal e como o Señor, o Deus dos teus pais, che prometeu. ⁴ Cando pasedes o Xordán, erixirás estas pedras no monte Ebal tal e como che mando hoxe e as branquearás con cal. ⁵ Ademáis, edificarás alí un altar ao Señor, o teu Deus, un altar de pedras e non usarás ferramentas de ferro sobre elas ⁶ Construirás o altar ao Señor, o teu Deus, con pedras enteiras e sobre el ofrecerás holocaustos ao Señor, o teu Deus, ⁷ e sacrificarás ofrendas de paz e comerás alí e alegraráste alí diante do Señor, o teu Deus. ⁸ Escribirás claramente nas pedras todas as palabras desta lei. ⁹ Entón Moisés e os sacerdotes levitas falaron a todo Israel, dicindo: Garda silencio e escoita, Oh Israel. Hoxe convertestes no pobo do Señor, o teu Deus. ¹⁰ Polo tanto, obedecerás ao Señor, o teu Deus, e cumplirás os seus mandamentos e os seu estatutos que che mando hoxe. ¹¹ Tamén Moisés mandou nese día ao pobo, dicindo: ¹² Estes son os que van a estar sobre o monte Xericim para bendicir ao pobo: Simeón, Leví, Judá, Isacar, José e Benxamín. ¹³ E estes son os que estarán sobre o monte Ebal para maldición: Rubén. Gad, Aser, Zabulón, Dan e Neftalí. ¹⁴ Entón os levitas responderán e dirán en voz alta a todos os homes de Israel: ¹⁵ Maldito o home que faga ídolo ou imaxe de fundición, abominación ao Señor, obras de mans dun artesano, e a poña en lugar escondido. E todo o pobo responderá e dirá "Amén". ¹⁶ Maldito o home que menosprecie ao seu pai ou a súa nai. E todo o pobo responderá "Amén". ¹⁷ Malito o que cambie o marco do seu veciño. E todo o pobo responderá "Amén". ¹⁸ Maldito o que faga desviarse do seu camiño a un cego. E todo o pobo responderá "Amén". ¹⁹ Maldito o que torza o dereito do estranxeiro, do orfo e da viuva. E todo o pobo responderá "Amén". ²⁰ Maldito o que se deite coa muller do seu pai, porque deixou ao descuberto o a vestidura do seu pai. E todo o pobo dirá "Amén". ²¹ Maldito o que se deite con calquera animal. E todo o pobo dirá "Amén". ²² Maldito o que se deite coa súa irmá, a filla do seu pai ou da súa nai. E todo o pobo dirá "Amén". ²³ Maldito o que se deite coa súa sogra. E todo o pobo dirá "Amén" ²⁴ Maldito o que mate ao seu veciño en secreto. E todo o pobo dirá "Amén". ²⁵ Maldito o que acepte un suborno para quitarlle a vida a un inocente. E todo o pobo dirá "Amén". ²⁶ Maldito o que non confirme as parabras desta lei, poñéndoas por obra. E todo o pobo dirá "Amén".