¹ Fillos sodes vós de Iahveh o voso Deus; non vos rasuraredes nin vos raparedes a vosa fronte como sinal de dó polos mortos. ² Pois es un pobo santo para Iahveh o teu Deus, e Iahveh escolleute para serlle un pobo de exclusiva propiedade de entre os demais pobos sobre a face da terra. ³ Non comerás nada abominable. ⁴ Estes son os animais que poderedes comer: o boi, o año e o cabrito, ⁵ o cervo, a gacela o corzo, a cabra salvaxe, o antílope e o carneiro montés. ⁶ E poderedes comer de todo animal rumiante que teña os cascos partidos e fendidos en dúas partes. ⁷ Dos rumiantes, ou dos que teñan os cascos fendidos non comeredes o camelo, a lebre e o coello, porque mesmo que rumian non teñen os cascos partidos en dous. Estes serán inmundos para vós. ⁸ E o porco tampouco, porque aínda que ten os cascos fendidos, non rumia, será inmundo para vós. Non comeredes da carne deles nin tocaredes os seus cadáveres. ⁹ De todo o que hay na auga poderedes comer isto: todo o que teña aleta e escama, ¹⁰ pero todo o que non teña aleta ou escama non o comeredes, é inmundo para vós. ¹¹ Comeredes toda ave limpa. ¹² E estas son as aves das que non comeredes: a aguia, o voitre barbado, a aguia mariña, ¹³ o crebaosos, o miñato e ningún dos falcónidos, ¹⁴ e ningún dos córvidos, ¹⁵ a avestruz, a curuxa, a gaivota e o falcón, ¹⁶ o moucho, o ibis e o cisne, ¹⁷ o pelícano, a grúa, o corvo do mar, ¹⁸ a cegoña e calquera tipo de garza, a bubela e o morcego. ¹⁹ Todo insecto alado será inmundo para vós; non se comerá. ²⁰ Comeredes toda ave limpa. ²¹ Non comeredes ningún corpo apodrentado. Poderasllo dar ao estranxeiro que está nas túas cidades, e el poderá comelo, ou véndello a un estranxeiro, porque ti es un pobo santo para Iahveh o teu Deus. Non cocerás o cabrito no leite da súa nai. ²² Fielmente darás o décimo de todo o produto da túa sementeira e todo o que produce o teu campo cada ano. ²³ No lugar que El escolla para que habite alí o seu nome, comerás o décimo do teu gran, do teu viño e do teu aceite, e das primicias do teu gando e do teu rabaño, para que aprendas a temer a Iahveh o teu Deus todos os días. ²⁴ Pero se o camiño é moi longo par ti, de xeito que non o podes levar por mor de estra lonxe do lugar onde Iahveh o teu Desu escolla para que habite alí o seu nome, cando Iahveh o teu Desu te bendiga, ²⁵ entón cambiaralo por cartos, e collerás os cartos e levaralos ao lugar que Iahveh o teu Deus escolla. ²⁶ E poderás empregar os cartos en todo canto desexe a túa alma: en bois, en ovellas, en viño ou bebidas fermentadas e en todo canto che apeteza. E alí comerás diante de Iahveh o teu Deus, e alegraraste ti e maila túa casa. ²⁷ Non desampararás o levita que viva nas túas cidades, porque el non ten parte nin herdanza contigo ²⁸ Ao final de cada tres ano, apartarás o décimo de todos os teus produtos daquel ano e gardarédelos dentro das túas portas; ²⁹ e virá o levita que non ten parte nin herdanza contigo, e o estranxeiro, o orfo e a viúva que vive nas túas cidades, e comerán a fartar, para que Iahveh o teu Deus te bendiga en toda obra que fagas coa túa man.