Pasal 21
Onotani sop fenduit haet fafou
1
Aensamo ma haet yat yorom onotani saet fafou sop fenduit saet fafou haet onotani haet enmatan sop fenduit haet enmatan deyak fetapse; sop matiit delyak tap aen nero.
2
Eholok yat yorom e sao haet fia, Yerusalem fafou opor ehi en onotani, en Arpames sop aen abonfaene aenofe frorur mofni tentanima sop ehon be.
3
Yat yifla rori haet somne enpapo afo sop esrak, ''Yorom e limu netu Arpames enon ni molmal-molmalse tamtormal, et sop aenon fi fendumat sop aenofe fendumat ribe Arpames.
4
Et sop sohustes-tes coriraniren corimana fendumat sop rerperwar fetap ainon ero, tap ainon ero riakin ama riatin, afe omnas mahi aenofe haet matan delyak it eholok.''
5
Haet maros en papo sop esrak, " Yorome yat yenofe penyeksehe fafou!" Esrak en nero, '' Eteren tit haet esrak-esrat entit ait snanyak e sop melmal.''
6
Aensamoma et esrak yau, ''Delyak opar dik! Yat yenon Alfa haet Omega, haet arahap sop haet biti, yat sop yurfri mesmus bope tomtues sop broni harak corani ainon nofe haehe-haehe.
7
Haet sop matan sop tapul aen penyeksehetit; Yat sop aenofe Arpames sop ut sop aenofe yabe natuk.
8
Haet aenofa, fendumat nenari afei, tap snanyak e haet keji, ''Atut prari tamtori-tamtorimal sundal, afenar napo, ren rasnanyak e mauhaet penyek radel datar, haet ait aen las fendumat aen mati warilon haet aen yafu malatano-malatano sop belerang titi sop rerper aen lu.''
Yerusalem fafou
9
Samo, tes ren limlu malaikat haet tapul limlu rapo haet daen renon limlu endufetes aenbiti sop omap esrak ebope yau "Amap, sop yifnauu yibope yam frorur mofni ehon Domba Natun haet.
10
Eholok, et itoyau fanggomu warilon ehoenon salo haet et dwahe sop enaha, aen ofmau yau bope saoes fia haet Yerusalem, haet en onotani, en Arpames.
11
Daen renfiahe Arpames sop mela atepar aenofe permata haet sop weyan enaha aenofe permata yaspis aenfia aenofe kristal.
12
Saomat ebema tembok haet dwahe sop enaha relat snafut lu ramtan gerbang aen ramtan-ramtan gerbang haet enon snafutlu malaikat sop hari-hari ratarter en afo, fehaet snafutlu suku Israel.
13
Aen toul ramtan gerbang enfalwarse semiar toul ramtan gerbang enfalwar ripu, sop toul ramtan gerbang en falwar se semar.
14
Tembok sao sael aureni snafutlu fondasi sop en afo fati-fati fondasi sop ater aenha snafut lu rasul Domba Natun.
15
Malaikat haet esrak enon ebope yat yitapul endues aitoti engker ait haet riafei aen emas haet angker ait sao saeh ramtan-ramtan gerbang sop tembok haet.
16
Sao mat saet enofe segifau, mblamal eno rer baba et angker it sao haet ren aitoti snafut lu seribu stadia,''Mblamal sop baba sop enaha enofetse.
17
Eholok et angker it tembok saohaet seratus empat puluh empat hasta, aenfehaet angker ait tamtormal haet ema aenofe angker ait malaikat.
18
Tembok sao haet rifeien permata yaspis sop sao haet rifeien emas mur ni sebening kaca.
19
Fondasi tembok sao haet etuen afo penyek endu-enduhe permata haet weyan en naha. Fati fondasi haet enmatan enon fati yaspis haet en lu fati safir haet aen toul fati minah haet aentoul aenon fati zamrud.
20
Haet enlim fatu unam haet enlimtes fati sardis haet limlu fati ratna cempaka haet limtoul fati beril haet en limfau fati kristolit, haet snafut fati krisopras, haen snafut en snafut fati krisopras, haet ensnafutlu tes fat lazuardi sop haet snafut lu aenon fati kecubung.
21
Ensnafutlu rantan gerbang enon snafutlu mutiara ofirnar-ofinar ramtan gerbang rifei en mutiarates. Rara sao haet rifei en emas murni belbelnar kaca.
22
Yat tap yorom Arpames limu sao warilon matit fehaet mam Arpames haet dwahet sop ehaemal Arpames limuen sao.
23
Sao haet tap omnase fro afemabu fehaet mela atepar ahi haetse Arpames melaatepar sao haet sop Domba aenon lampu.
24
Fendu-fenduhe haet rahenei melawarilon sao haet sop dobri-dobri ren fenduwarilon haet titama aenfia fendumat aen warilon.
25
Ramtan-ramtan gerbang haet tap riberimfan aen waheto sop tap aenpani waheto ento.
26
Fendumat ritoma pelefia sop mori taife fendu-fendu he aen sao warilon haet.
27
Yomnas pe endutes sop najis haet ahilok aen sao warilon ento yam tamtormal haet afeinar endu-enduhe keji aen afeinar fradeldaltar aenero haet sop hamat ater aen aiwali warilon ainone Domba Natun.