Pasal 20
Sao seribu yame
1
Aensamoma yat yorom ri malaikat mat rabesrus ren surga ritoma kunu flaflifu rerperwar aentehe rantai dwahe mat en morihe.
2
Et edot nagamat sop simatomia saet enon foman sop iblis afou aen senamse seribu yame,
3
atepar ok aen warilon flaflifu rerperwar, sop teltilfan, menyegelnya et tap aen afeirifetes fendu-fenduhe en ero aen seribu yame sop aen ahitit fehaet sop, et aen afokpari hae aenerori.
4
Eholok yat yorom ri ren aipapo-aipapo sop ren afo tamtormal-tamtormal saet urfi ratopul en hakimim, yat yoromri tendi netu tamtormal-tamtormal saet ritapul aen dobri haet boufri Yesus sop aenon fenti alo Arpames, sop fendumat saet tap moritife betwimat sop hofa patung mast sop tap tife fare betwisop aen ramoha afe mori fendumatk fendumat aen erispar sop aari aki aen Kristus senam seribu yame.
5
Aenofetit tamtormal-tamtormal rerper lus tap aen nero aensamo seribu yame sop aen ahititse, ritit etiak aha sop aen matan.
6
Mat apal aha sop aenfia tamtormal-tamtormal saet riaenofe falwar warilon etiak aha aen matantit tendirya tamtormal-tamtormal entit rerperwar enlu tap tapul fetit fendumat tapul akim aen et senam seribu yame.
Ahuk tan Iblis
7
Fehaet samo seribu yame atuahi, iblis sop afokpari ren kawalimu.
8
Et sop aop afei rifetes fendu-fenduhe aen enfau penjuru fenduwarilon, Gog sop Magog, sop akiaen fendumat haet afei bare, moriaot fendumat renofe wane ren matilon.
9
Fendumat riha ren naha afo fenduwarilon sop aopfone limu en tamtormal-tamtormal fiori sop ren sao saet aur aeni, namun yafut apor ahi aen onotani sop yafu yampar fendumat.
10
Eholok fomanmat sop haet ofeinar fendumat riatepar ok matilon yafu sop belerang en moklo betwi sop nabi fetes sop ema riatepar ok fendumat saet aenfetes waheto sop pani samsenam-senamse.
Penghakiman aentanirya papo fe pamo
11
Fehaet sop yat yorom papofepamo haet dwahe haet sop maros en afo, haet ren tanirya fenduwarilon sop onotani fetap tap aron ero pele fendumat ren.
12
Umayat yorom tamtormal-tamtormal rerper miori sop bombane, rifaren tanirya papo afo sop eholok, riafok aiwali-aiwali sop aentes aiwali saeh lusma haet aiwali tainone sop tamtormal-tamtormal rerper haet wihi aiet af ensanpana haet ater aen warilon aiwali-aiwali saet fone fendumat endu riafe.
13
Matilon turfri tamtori-tamtorimat rerperwar haet renon ren warilon rerperwar sop Hades ema aurfri tamtor-tamtormal rerper war haet enon en warilon sop fendumat enhakimites-tes atak aene endurifeinar.
14
Eholok sop Hades riatepar ok matilon yafu warilon tit rerperwar sop lu matilon yafu.
15
Ensanpana tomtues ha tap riateren aiwali warilon, et sop atepar ok matilon yafu warilon haet.