Pasal 19
Tamtori sefa ren surga rasnanyak e Arpames
1
Fehaet sop yat yiflarori erasnar enofe rikien dwahe tamtormal ren Surga resrak, ''Haleluyah! Aenfia ferinar, aenfia sop tapul aenon Arpames aur aen mim.
2
Fehaet penghakiman mat melmal sop aenfe haet sop mengadili pelacur dwahe saet sop afeifetes fendu warilon rilat kebejatan sop fehaet ait arisparfone tendisila hamba-hamba mat ebope pelacur saet.''
3
Ube wentara lu fendumat esrak, ''Haleluyah metarfe pelacur hae sop ahap aen aha samsenam-samsenamse.''
4
Aholok snafut lu pele tua-tua sop faurau kirya sop afahi sop dabu aote Arpames sop maros enai papo afo so esrak ''Amin! Haleluyah!''
5
Ait tamasamoma, oflaok rori ren aipapoafo, ''Snanyake Arpames mim hai yam penyeksehe melayani ut, fia saet netu afedwahe sop moritaife!''
Domo frorur Domba Natun
6
Eholok yat yiflarori enofe rikientamtorisefa, enofe rani bah tanit dmu enofe aritanit dmumat dwahe, sop esrak. ''Haleluyah! Fehaet Tuhan Arpames mimbe haet dwahe pemerintah.
7
Taur aenfia sop taitmomlo ferinar aenfia bope fehaet waheto frorur Domba Natun delyak aen, sop pengantin mofni mat delyak enfanri.
8
Bope fehaet yaurfian moyo linen beleamue sop fia sop mehufia, ube eisor enhaet mayo linen sop aen nenafei melmal sop aenenafei tamtori-tamtori fiori.''
9
Aen samoma malaikat sop resrak ebope yat,''Yater yaentit'' mat apaaha aufri tamtorimat saet ahimri aen jamuan frorur jamuan frorur Domba Natun!'' Ut uma esrak ero ebopeyau tit aenon esrak-esrak haet melmal ene Arpames.
10
Eholok yat yofahi en aefu malaikat sop ube yofahi yaene fehaet esrak bopeyat.''Baen nenyafei sop haet yau yama feueto lafuk-lafuri haet yetapul bope boufe Yesus tafahie Arpames haet taboufe Yesus aenon fanggomu ehauok.
Ito kuda fepamo
11
Eholok yat yorom surga firifok, omrak oma raukirya kuda fepamo; Et sop maros en afo ehat fia sop melmal, sop warilon melmal se et menghakimi so bare.
12
Comana enofe yafu opornar sop dabumat enon sefa torena, sop et aur aenha haet ater, saet tap omnase tamtormal haet aenofe tendir-tendir rebe.
13
Et reisor jubah fehaet sop ahorok aensila warilon, sop hamat aen Arpames fentialo.
14
Penyeksehe bare amtorimat saet aensurga riataan ut riaha kuda fepamo sop riesor mayo linen beleamuen saet fepamo sop fia.
15
Ren warifnou omrak endues noba mata haet ait afei aen atut fendu-fenduhe tapul fendumat aen afo aitoti besi, et sop afortan anggur warilon fati kilangan saet aen Murka Arpames haet tapul aen.
16
Haet jubahmat sop pu sop ater aen hatit: DOBRI PENYEK SEHE REN AFO DOBRI SOP TUAN PENYEKSEHE REN AFO TUAN.
17
Ensamoma, yat yorome tontues malaikat etuen fro et rori ri ila dwahe ebope penyek mani ren rabesrus ren anotani amap riakiaen ut ataane rikin pana dwahe Arpames.
18
Feyae yam atit pana tendimana para dobri, tendi mana para dabu bare, tendimana tamtori-tamtorimal bilu tendimana kuda-kuda sop fendu saet rameros en afo sop tendimana penyeksehe tamtormal fia sop tamtormal afok pari boufri tamtori merdeka tamtori bombane boufri tamtori dwahe.
19
Ahol ok yat yorom betwi saet sop para dobri ren fenduwarilon ribare amtori fendumat riakinama ribe pelao bare fafiaktur et saet maros enafo kuda fepa mo sop fafiakturbare amtorimat.
20
Aen betwi saet sop riedot kerkirtan nabi fatsu haet sop riafeinar fare-fare ajaib sop aen bet witarniya sop, saet rilat e rifemori fendumat sae ritite betwi saet sop fendumat riafeibebli patungmat penyet riatepar kalkilo-kiloma aenmati warilon yafu haet malatano-malatano en belerang.
21
Et en las riatut prari rit noba saet omrak en warifnou Et sop maros afo kuda fe pamo saesop penyek manimat meuda ri sop fendumat menari.