¹ Fehaet penyek tit arome malaikat lusre surga heberasru, haet aur aeni tapul, saet dwahe, sop fenduwarilon mela atepar haet aenfiamal. ² Et teletnar rilat ila saet somne esrak.''Merkur delyak merkur Babel saet dwahe mal et en nofei pelemat enaha foman-foman saet kawa limu eryak saet fanggomu najis, lelyo aen mani-manihe saet najis sop saet riahite. ³ Haet, penyek fendumat saet anggur mori nafsu zinanya, dobri-dobri renfenduwarilon renofe kaya haet yamotutu saet dwahe.'' ⁴ Haet yat yifla rori lus en Surga esrak. ''Hai fendumat yat, yimrak yaen pele fetes yam tap yatak yae yam ehla warilon sop tap yauryam bencana saet sop foni. ⁵ Fehaet ehla-ehla haet babok en enonen onotani sop Arpames haet fanggomo aife recole-recolema. ⁶ Endu afei aen sao saet renon aenafetit et haet yafeinari, ait arispare ebofianpe saet afei aen lakilu afo afeinari-afeinari sop aenrapo warilon saet afeiaen haet ahyak alel-ahyak alel aen lakilu. ⁷ Sefa et hat snanyak u sop aurfu tapul aen haeet tanim irya ube tanim irya, yaurfa boufri sop akin ama ebope sefa sop et esrak en fituafo warilon; Yat yimaros aenhofa tamtormal ratu, yat tap yaen adak sop tap sop lahap yarom u akim amari.' ⁸ Aen haet sop, warilon waheto tes saet bencana-bencananya haet yomi yibope fetit rikieno rerperwar. Sop feklotut et sop yafu yam rilat yafu fehaet Tuhan Arpames sop yabou fahie et sop tapul.'' ⁹ Dobri-dobri ren fenduwarilon fehaet sop berzina sop ainon warilon fia fiahe sop riakin aen sop riatim sop fe marmori aen fendumat riarome yafume tarfe yafu anpar. ¹⁰ Rofar aento-aento haet nenari afei ainonrip rima boufe sop riaun, ''Anfetes-fetes malse sao haet dwahe Babel sao saet bilu malse! Hofa warilon fro aelami afiak tes aen penghakimanmu delyak ama!" ¹¹ Pedagang-pedagang renfendu warilon tit sop riatin sop riakinama fehaet sao sop hae tap totues saet tap ofei dagangan fenduhaet ero. ¹² Ento emas, perak, permata, mutiara mayo linen belemayo ungu mayo sutra mayo kirmizi, falwarse endubarsa rifei en ai haet mihufia ahemat andubarsa-endubarsa haet rifei en gading en ai saet weyan enaha entembaga, besi marmer. ¹³ Ai tafihila, rempa-rempa mehufiori, mur, kemenyaan, anggur, minyak halus, gandum, lembu sapi, domba, kuda, kereta haet tamtormal tendinetu. ¹⁴ Fendumat sop resrak,'' Fo haet wariahim tanim netu delyak taniafei ube tanim, penyeksehe aenfia sop fia haet ut tanim afei sop tap arom eroe.'' ¹⁵ Ripedagang endubarsa-endubarsa tit saet afei ai haet sao saet sop atuaento-aento haetsop nena afei ane femori sop omnas eroe sao saet sop atan sop riakin aen. ¹⁶ Fendumat risrak, aenfetes-fetesmal sao dwahemalse sop eisor mayo linen mone; Haet eisor mayo ungu sop mayo kirmisi, sop rau afeiye emas, fati-fati permata sop mutiara! ¹⁷ Hofa, warilon fro aelami ofiak tes aenpenyek endubarsamat saet sop lelelnar!'' Penyek faho daba renwafo riren wo, sop penyek tamtormal saet rahopap panawilu ren matilon sop rifarento, rento, ¹⁸ Sop ilameno fehael fendumat riarome metarfe riatun saotit,''Sao,'' Saofinta aenofe sao dwahe tit?" ¹⁹ Fendumat riarampar bafu aen dabufendumal sop ilameno aen atansop riakin, esrak,'' Aenfetes! Fetesmal sao dwahematit, haet rianon penyek ebe womal en matilon haet aenofe ai ren safsefahe! Warilon froae lamites, saet aen sao saet aenenafei aen etdmi tapse!'' ²⁰ Rit momlo dwahe, ut aen afo, hai surga hai tamtori-tamtormal fiori rasul-rasul sop nabi-nabi! Haet Arpames ait alot u Hukuman sao afo mat saet. ²¹ Haet malaikat tes saet bilu ediait endu fati saet dwahe enofe fati kilangan sop atepar ao matilon aenep esrak.'' Aenofe haet Babel sao dwahe sop alot ahi sop tap afeinar arom ero e. ²² Rori riraher kecapi rifpar seruling, rifpar trompet sop endu musik lus ma tap riofla ero en yam warilon, tap aenon pengrajin saet ait afei penyek kerajinan, saesop riarome enyanwarilon rori lolau tap sop oflae ero enyam warilon. ²³ Lampu melatap sop melaatepar ero en yam warilon. rori pengantin tomtu-tomtuma sop pengantin mofni tap sop oflae ro enyam warilon fehaet pedangan-pedangan mu renon dobri-dobri renfendu warilon fehaet penyek fendumat haet it etnoti en yambe napo. ²⁴ Et en sao warilon saet sop arom tendi sila nabi-nabi fendu-fendumat fiori sop sila penyek fendumat haet ri ren prariren fendu warilon.''