Pasal 17
Amfendimat, ren, betwi mat afo
1
Samo mat saet tes limlu malaikat saet ritapul limlurapamat ao rarukse sop esrak ebope yat, yesrak.'' ama mar, yat sop yisrak pe yifnauyam ebope hukuman saet fetes dwahe saet, sop rameros ren sefa rani afo,
2
Saet rilatri dobri-dobri ren fenduwarilon sop riberzinaanya saet fendumat saet renon ren fenduwarilon sop anggur moritut perzinaannya.''
3
Malaikat saet ritoyau fanggomu warilon sop en witilon belantara, sop yat yorome tomtu mofni mat maros en raukirya en afo belbelnar fedara sop daen ribe hari-hari rihite saet urenri limlu debrisop snafut tanduk.
4
Amfendimat sop reisoe mayo belbelnar ma ungu sop fedara haet rasehie maki emas, fati-fati permata, sop mutiara, et tapul endutes rapo emas saet daen rilat kekejian sop kenajisan perzinaan.
5
Haet ramoha eter enon endutes ha endutes memimnar: "Babel saet dwahe, amfensi renrifeinar ok ehla saet kekejian ren fenduwarilon:
6
Yat yorom amfendi saet moritut saet tendisila tamtori-tamtormal fiori saet ribe tendisila rabou-rabou Yesus, las yat yorome, yat yomnas yapopraptan.
7
Haet malaikat esrak ebopeyau. ''Ensanpana yam mapopraptan? Yat sop yisrak yibofian memimnar mofnimat sae memimnar raukiryat sop ediahae, saet dabumat limlu sop tanduk snafut saet.
8
Betwi mat yorome sop tap yomnas aen, ofetita arahaptit delyak tap aenon haet sop sisyahe omrak en flatflifu rerper ahoaen fetes sop fendumat saet riaen fenduwarilon haet hatap farean aiwali warilon aenon samo fendu it riafe sop popraptan aen riarome betwi saet tap aenon hae arahap delyak aen sop fehaet omrak amaero.
9
Endutit membutuhkan momna sop hakim dobri limlu sop aenon salo limlu haet amfendi mat meros aen afo.
10
Dobri limlu saet ema aenahi dobri limlu, lim aene rer saet alot, dobri mat tes enon ihi, sop dobri mat tes enon tap ama haet aenihi las et ama et tafun aenonahi las ma.
11
Betwi saet en matan en oma enon, haet arahap tap ainon ero saet aenahi dabu enlimtaul haet et ahil, aen warilon limlu dabu aenahi dabu enlimtoul haet et ahil, aen warilon limlu dabu arahap sop et ahoaen pelefetes.
12
En snafut tanduk haet yam arome aenon ahi snafut dabu saet tapse ritite pemerintah, haet fendumat ritife tapul aenofe dabu samsenamse fro aelani riakiaen raukiryamat.
13
Fendumat ribema aop aentehe, sop fendumat ritife tapul aen penyeksehe fendumat ribofupe raukirya mat saet.
14
Fendumat saet rifeibare frara fafiatani ri Domba Natun, haet Domba Natun sop ehuktan fendumat fehaet riaene Tuhan aenpenyek afo Tuhan saet dabu penyet aen afo dabu sop fendumat saet riakiaen sop riahime, afirsop aenfia.''
15
Samomal malaikat saet resrak ribofupeyau, ''Rani saet yam arome saet aen pelacur afo saet maros aenon masyarakat, tamtormal sefa, fendumat sop ribe fenti.
16
Snafut tanduk saet yam arome betwi mat saet sop riahite pelacur, fendumat sop riafei popapnar sop ao mblaohe, haet melahap menari mat sat riatuna en yafu.
17
Fehaet, Arpames aenri abonahi endues sop aen fitum fenduwarilon aen afo mat saet aofone sop ema bou etsop aurfutapul fendumat ebope betwisaet aenone fenti alo Arpames aenfone.
18
Amfendi saet yam arome sop aenon sao dwahe sop tapul anri afo dobri-dobri ren fenduwarilon tit.''