¹ Aen samoma malaikat saet ri ofnawe yat yibope ehal ehi rani tainon haet bening aenofe kristal ahal ehi aen Arpames papo sop Natun Domba. ² En molmal-molmalse rara sao it enlu ehyak enrani ai poti, ainon menghasilkan snafutlu jenis fehaet aurfian fohaet mabu, rau-rau haet afeinar haet ribebu fendu-fenduhe. ³ Tapse sop ainon ero kutuk aen papo Arpames sop Domba Natun haet ainon ri sao warilon sop hamba-hambamat haet riafahi e. ⁴ Fendumat sop riarome cofumat haet hamat sop riateren fendumat ribe ramoha. ⁵ Pani tapse haet aen nero aenon fendumat tapse ritit lampu mela afeifro haet Tuhan Arpames melaa tepar fendumat sop fendumat haet ritapul aen samse-namse.

⁶ Malaikat sop esrak yam ebope.'' Penyek tasrarak etit tait tasnanyak e sop melmal. Tuhan Arpames en fanggomu para nabi, eyaari malaikat mat riofnauri ebope hamba-hamba mat ensanpana haet aen sisya afei. ⁷ Ofla, yau sisyap yama! Mat apalaha tamtormal haet riataane fenti srarak fenti srarak, nubuat aiwalitit. ⁸ Yat Yohanes, haet yen yifla sop yarom penyeksehe tit, aenhililas yat yoflaok sop yoromi penyek, yat yofohi haet yibope. ⁹ Enohofa et esrak ebope yat, baen afeitap haet! Yat yaen nofe hamba fetse aenofe yam sop lafun-lafunri para nabi aenen aenofe fendumat haet oflae esrak-esrakri aiwali warilontit, tafahie Arpames. ¹⁰ Ensamoma malaikat haet esrak ebope yat, ''Baen menyegel esrak-esrakri auok aiwali warilontit enhaet samo delyak rarukse.'' ¹¹ Afokpari tamtormal haet afei aen afei ehla tamtor haet tap ferinar aentap fernar tamtori haet tap riafeinar melmal aen tamtor mal haet fia aenfiahe tanirya.'' ¹² Oflae, yat sisyahap yama! Et yau yitoma yabe endusaet arispar tomtues atak aen nenafeinar. ¹³ Yat yenon Alfa sop Omega haet matan sop haet enbiti, haet matan sop haet biti. ¹⁴ Mat apal aha, fendumat haet ferinari jubah fendumat aenri fendumat ribema aienonri sop et ahilok sao haet atak aene ramtan-ramtan gerbang. ¹⁵ Haet aenri sao mela-muar haet elwe-elwe tamtormal haet afeinar mapo tamtori-tamtormal haet waryak ahimdeldaltar. ¹⁶ Yat, Yesus haet yaar ebe malaikat boufri yam yibope aenhofa penyek tit ero jemaat-jemaat, yat aboit aha sop apor ahi Daud sang betwi seminar haet femelahe.'' ¹⁷ Fanggomu haet amfendi frorur haet esrakri rimi!'' Aomfehatse tamtori haet broni arak omap; aofehaet tamtormat haet aboaen ritit rani ainon nafeihaet titao-titao.''

Teltil Fan

¹⁸ Yat yaboufro ebope penyek tamtori haet roflae esrak eyai ok aiwalotit: " Haet enon haet aife lusma tesma esrak-esrakri Arpames haet aferori ebope yam penyek bencana haet ater aen aiwali warilpon tit. ¹⁹ ut fetit ainon haet auriendues renon ai aenonri ren sao fia sop ren e du-endu haet etepar aiwalitit.'' ²⁰ Ut haet boufe aene endu-enduhe esrak, ''Ya yau sisya yomi,'' Amin! Yomi U Tuhan Yesus! ²¹ Serba Tuhan Yesus urenmi penyeksehe. Amin.