Pasal 14
Fendumat rilokfe Arpames lao fafou
1
Samomat saet yat Domba Natun etuen salo Sion sop ritilut renon (144ribu) fendumat, saet uren ni mambe hamat en blou fendumat.
2
Yat yifla rori ren surga ofeiofede rani ehur ema saet sefa sop afeiafede ari tanit dmu saet somne hafetit ila sae yat yofla sop aenofe tanit dmu riraherki kecapi fendumat renraherki kecapi.
3
Fendumat rilok laotes lao foifou ren sop en cofuar endaumakwk, aenon corifuar tapun-tapunri sop tamtori ren riten rihitnare rilok saet lus renseratus fau snafut fau ribu tamtori saet ainonfia aofia aen fenduwarilon.
4
Fendumat renon tamtori-tamtormal saet tap riafei ehla tendir ren amfendi-amfendi haet fendumat perjaka. Fendumat denon tamtori-tamtormal saet riataaene Domba Natun et pelao ahifa, fendumat saet sisri ri aenere tamtormal anofe fo-fo matan aenofe Arpames sop Domba Natun.
5
Tap aen adaltar werifnou warilon fendumat; fendumat tap aen ehla.
Faok ri malaikat toul
6
Yat yoromri malaikat rabesrus ren molmal-molmalse onotani ritoma fentialofia senam saet resrak bope fendumat saet aenon re fendu warilontit sop bope penyek fendu-fenduhe suku fentiema sop rikienon.
7
Sae esrak ri rori dwahe, ''Nena afei Arpames sop urfri aenfiahe bope yam aen samo penghakiman mat haet ama; moritarfe et sop afeinar onotani fenduit matilon sop penyek ranibleloaha.''
8
Eholok malaikat saet lus, saet ehla rihiaktane sop resrak.'' Merkur fehaet merkur babel saet dwahe sop haet hofa afei penyek fendumat ramesmus anggur nafsu seksual saet fetes.
9
Samo malaikat sop lus, sop entou rihyaktane malaikat lumat tafun, sop esrak enri ila dwahe, haet hambe hop moriaurfri betwimat saet sop tapungsaet, sop ritite tes fare abon ramoha aenhofa mori warilon.
10
Tamtorimat sop ramesmus anggur murka Arpames saet riapal aen afei tendiblori daen cawan warilon murka mat saet sop rimaboufe riren yafu sop belerang encofuar malaikat-malaikat ferinari sop en cafuar Natun Domba.
11
Et metarfe femori fendumat rihaha samsenam-senamse, fendumat tap tapse samo ebe omnapar aen, fia waheto afe panifeha et fendumat saet morifife betwi saet sop patung haet hambe pe ait fare hamat.''
12
Aentit uma aenfia tamtori-tamtormal fia saet aur aensop iman fendumat rene Yesus warilon.
13
Haet yat yofla rori ren surga et esrak,'' Melmal saet fendumat tit monapar, aen ren makmoki femori haet fendumat riaen nenafeinar-afeinar fendumat atak aenfendumat.
Fenduwarilon riakin
14
Haet, yat yorom entes melfe fepa saet maros en melfe afo sop tamtus aenofe fendumat, eisor en torena emas en dabumat so soble saet mata en malalo warilon.
15
Haet malaikat lusren Arpames bait, sop ilatetmar sop saet ila dwahe bope et saet maros enmelfe afo, ''Totiu mare soblemat ferum fehaet samomat saet dapar e sop ferum ren fenduit matan delyak.
16
Saet sop rameros en melfe afo sop ritotiu soble mat enfeduafo, sop fenduri ferum.
17
Samosaet malaikat lus ramarak ren Arpames be bait sop ren surga sop saet ema ureni soble saet mata.
18
Et mlaikat lus lasma, saet ratupul en yafu afo, omrak en altar. Et ilateletnar saet ilasomne bofipe malaikat mat saet ritapul soble matamat saet,'' Kokiunare soble mata mat saet sop riakin ama ara anggur fo ren ai anggur ren fenduwarilon.''
19
Saet malaikat mat ritotiue soblemat en fenduwarilon tit sop akimar gugusan anggur fo ren ai anggur aen fenduwarilon sop ait atepar aen fati warilon kilangan dwahe Arpames be murka.
20
Rafarfortani anggur fo sop riafei aen saomelamuar sop silat ahal aen endumal rafarfortan anggur saet angker ait angker ait enaha kekang kuda be mblamal seribu limtes ratus stadia.