Pasal 15
Limlu malaikat saet ritoma limlu bencana
1
Yat yorom farelus en onotani, saet dwahe enajaib, limlu malaikat saet ritomo limlu bencana saet ofeibiti, renfewarilon limlu bencana saetsop Arpames murka atuahititse.
2
Haet yat yorom endues enofe matilon kaca domdomtan yafu sop fendumat saet aen ahuktan betwimat saet patungma saetma edi hamalatuaen matiwariharo kaca sop saet tapul aen kecapi Arpames.
3
Fendumat ralalokfe lao Musa Arpames be tomtu sop elok lao fe Domba Natun;" Dwahe sop ajaib penyek sehe erseyaube, ut Tuhan Arpames saet tapul en, aenfia sop melmal penyek sehe ube rara, ya dabu fendupenyek sehe fendu it.
4
Hambe saet tap nena afeifa Ube-dabu, ya Tuhan sop tap tas nanyak Ebe ha? Fehaet en Ube saet fia penyek fandu-fenduhe haEt riama sop moritaifri sop taen tanir ya haEt taenfia haet enon mabe.''
5
Aenofetse penye endutit, yat yaromfe Bait Arpames limu ema boufe Arpames aenpe afok surga.
6
Limlu malaikat saeritoma bencana saet omrak en bait Arpames, reisor linen saet fepamo sop bebelnar ma, sop eisor salempang emas enfendumat fatroriafo.
7
Tes enfau torena urfe ebope en limlu malaikat sop limlu rapo emas daen murka Arpames ainon aenfan samsenamse.
8
Bait Arpames daen en metarfe ren pelefia Arpames sop tapul En; sop tap tomtues ait ahilok bait Arpames tafun limlu bencana en limlu malaikta sop etuihi.