Pasal 13
Raukiryamat sop omrak en mation
1
(12-18) Nagamat saet etuwen rimatilon (13-1) Aensamoma yat yorome raukirya kilomalse omraken mati warilon urenri snafut tanduk sop dabu limlu entestes tanduk mat itentes saet torema sop ehoen ribe dobrimat eteren ribe hari-harimat rihite.
2
Raukiryamat kilo saet yat yorom e enofe macantutul haet enofe ero beruang sop warifnou singa, naga saet ifri raukirya kilo sop tanibilu ehoen torena sop tapul en saet dwahe.
3
Yat yorome rentes dobri-dobrimat refone fone wamarsaet ait endu aenohofa sop rerperwar, aen nofetit wamarsop afei bebu, penyek fenduwarilon popraptan sop rima raboufe riatak aene raukirya kilomalse.
4
Aen fendumat riafahie nagamat haet sop delyak aurfri tendirbilu ebope raukirya kilo tit sop fendumat moritife betwimal kilo tit rilat esrak ''Hambe sop aennofe betwi buas matit hambepe ait bare fafiyaktan et?''
5
Et ebopeyam, aurfe endues warifnou aen esrak-esrak sombong sop ahite tapul aensop afeinar senam 42mado.
6
Et afok warifnoumat warilon ahite fafiaktane Arpames saet ahite ebeha mat riam kemah mat, sop fendumat sop aen surga.
7
Et ema rititaoesop saet mela afeiri tamtori-tamtori fiori sop fendumat riahuk tanri sop ribope ri turfe tapul laba. Labasri fenti etma, sop fendumat.
8
Penyeksehe renon fenduwarilon sop morirife fehaet aen tomtues saet hatapriate en samo fenduit tap riafei warilon aiwali warilon ribema Domba Natun saet sop riakispar.
9
Tamtori les ren t lorirau haet sop rima oflaetit.
10
Aenon tomtues riediep aenofe tawanan, et sop aenofe tawanan aenofe tomtues ria funpare saet noba hebe, et riafunpare.'' Afehaet yamaomase sop iman tamtori-tamtorifiori.
Betwi saet omrak en fenduit
11
Eholok yat yorome endumat raukirya kilo lur omrak enfendu warilon, mat raukirya saet ureni lu sonadabu aenofe Domba Natun, haeet ut wisrak e aenofa raukirya naga.
12
Et aitsa lile penyek tapul betwikilo mat saet matan saet aentanirya, sop afei fenduwarilon sop fendumat saet ainon warilon sop moritife betwi kilomat matan saet wamar parahnya ofetit sop saet bebu.
13
Et afei fare-fare ajaib saet dwahe, bofeipe ait apor yafu ren o notani sop fendu warilontit sop aen tanirya tamtori-tamtorimat.
14
Et sop eskiakri tamtori-tamtorimat saet riaen fendu warilon saet riafei patung raukirya kilo saet matan, saet wamar fehaet noba aenihi aenon saet.
15
Et aifri saet aurfri werimaro bope patung raukirya kilosaet aohofa patung raukirya kilo saet sop esrak e ofeibebu tamtori-tamtori mat tap ribebu patung mat riafunpare.
16
Et sop ripenyesehe bebu tamtori bombane sop rimiorima, kaya afe miskin, budak hofa tamtorimal meroleka aurfri farees aen ma maon saet blou afo,
17
Aen ofe haet tap tomtues aen ait aotiait hofa menjual hofa menjual aenhofetit aur aenfare sop haet betwi kilo sop hofa ma aot harimat.
18
Ensanpana utpetit hakim feaetse tamtori momnari moriaot mneifa betwi kilo hofa mnaifa sop ainon mneifa tamtormal tomtues; sop omnaifa limtes ratus limtes snafur limtes.