Pasal 12
Mofni saet ebon et naga
1
Aen samoma tanifnau aen fare saet dwahe enon ono tani tamtorimal amfendi reisor mayo fe fro sop mado ri abon aen aefu sop torena renlu smafut lu betwi ren dabu afo.
2
Mofnimat sop aen tentanima sop warilon fedori saksi tan haet sop abon natun, et ilambrarnar sop omnas nah.
3
Aensanoma tanifnau aenon fare lus ren onotani: raukirya naga dwahe belbelnar fedara saet auren limlusop dobri sop snafur tanduk aennofe limlu torena ren dobri.
4
Naga ekumat eyoktanti enofetout betei en o notani ait atepar aen fenduwarilon, nagamat ettiak aen matan mofni mat saet aen abon fehaet sop nafetit ainon saet pela bonnatu, et omiak natun.
5
Mofni saet pelabon natun-natun tomtu saet sop tapul fendu-fenduhe enri tapul aitoti besi fetit natun mat riafetare sop rititaoe aene Arpames sop aen tanirya papo afomat.
6
Mofnimal sop alof afetare witilon belantara sop pelemal saet Arpames aboaenfri fehaet sop riainon, saet riaf senam seribu duaratus enam puluh waheto.
7
Et aen afei bare singa, Mikael sop ri malaikat ma riaonar bare rifene naga saet, naga mat ritilut rifei bare rimamalaikat ma,
8
Afetit fendumat tap dapar blori, aenatu tap ainon aen nero lasma pele aryak fendumat ren surga.
9
Naga dwahe mat ait atepar aenfuhe ut matomia tua riadete iblis foman saet afeiri fendu warilontit, et aen atepar aen fendu warilon sop para malaikat tit riatepar aen atepar aen fendu warilon sop para malaikat tit riatepar aen fuhe telut.
10
Saet yat yifla ilamat somne en surga sop esrak : Arahap saet yomi yaenfia sop yatapul Arpames sao yau yaen yitapul Kristus sop fetit daen lafun-lafunri ebe saet fafobiti seahori fendumat aen Arpames tanirya waheto sop pani delyak ait atepar aen fuhe.
11
Fendumat riahuktan ren Domba Natun tani sila, Sop et esrak boufri fendumat; Fehaet fendumat tap ri hensene fendumat taninetu haet samo aenri rerperwar.
12
Fehaet sop tait momlo hai surga sop saet penyek sehe taene warilon! Saet taenfetes fenduwarilon sop matilon haet foman enon opar ebofupe warilon kilosaet dwahe ebofu yat yomnas bope samo saet atur aen sisya.''
13
Aenfetit nagamat sop arome bofu et sop riatepar aen fenduwarilon et elori saksitan amfendi sop saet arahap riabon tomtu.
14
Aen nofetit amfendi mat sop riturfri mami rajawali pou saet dwahe aenhofa et ait aporok witilon belantara, saet pele, en nihifa et eyaf esamotes aen lu samo aen molmal se samo alot ri matomia.
18
15
Mato mia saet farfur rani saet aenofe rani enehoen mofni mat ebe erok ao sop mofnimat aenriwarilon.
16
Aen fenduit sorok e mofni sop, fendu warilon afok warifnou sop omyak ranimat saet sop naga mat farfur.
17
Haet naga aen afei saet kilo afun ebofupe amfendi mat sop riao ebe mela atepar abori-abori saet lus aenri amfendimat sop aimon tamtori-tamtori saet aur aene. Arpames aari-aari sop ritapul aen sen-sene Yesus.