Pasal 11
SAKSI LU
1
Saet, urfe yat ebope aen matan saro aenofe aitoti angker ait, saet fenti-fenti.''Pelao sop angker ait Bait Arpames sop ebe altar rilat fendumat riafei mesou aen warilon.
2
Saet aen aenbofa afei ehla Arpames bait sait aen melamuar falwarse, baen angker tit tap fehaet sop delyak aurfri bope fendu-fenduhe: Sop fendumat saet erislolau-erislolau saofiamat saet aensomsamo 42 mado.
3
Et yau sop yaifu tapul ebope yabe saksi lumat sop fendumat sop bernubuat aen samomal 1260 waheto saet aene nafei mayo kabung.''
4
Fendumatit rianon 2 ai zaitun sop 2 aedian saet atuan sop safen Tuhan saet aur aenri fendu warilon.
5
Et ema riaen tamtori saet riwari ahim riafei eye nahi fndumat, yafu omrak ri werifnou fendumat sop risohus ri bare-bare fendumat, riaen hambe aen afeiri fendumat nahi et sop riatut prari saet aenofetit se.
6
Rilat en ureni tapul ebe teltilfan onotani fehael mbrofi tap apor aen waheto-waheto fendumat nubuat, sop aur aen tapul fehat rani afo saet arispare aenofe sila sop saet afun fendu warilon tit rilat ut uma aenfeles, sesering fendumat riwaryak yahim.
7
Et ofetit fendumat fehaet riafeiaopar ema boufri fendumat, raukirya saet omrak oma en warilon flaflifu rerperwa sop bare rafakfiak tan ur fendumat sop riatut fendumat, ren riatut prari fendumat.
8
Saet fendumat prarilumat saet rameruren sao dwahe saet enofe simbolis ridete Sodom rilat Mesir, pele mimbe Tuhan saet en ai slatai.
9
Et ren penyek fendumat saet tapunlaba mat sop fenti etma sop penyek sop riarome tomtupare rilat senamse 3,5 waheto saet tap ritifri tamtorimatprari rilat romtawen lipi.
10
Saet enon rerfenduwarilon sop ritit owari aen afofendumat sop tit momlo sop fendumat aenfia riturfri hadia tes rilusma haet nabi lumat afeiri fetes fendumat riaenon fendu warilon.
11
Saet aofetit 3,5 waheto fanggomu aenon ri Arpames ahil aen warilon rilat pare sop saet fendumat rifar enon ae afo sop fendumat riainon sop ricaritataaene fendumat saet riaen nenari.
12
Aenero fendumat renroflae ilasaet erasnar en surga esrak eboge fendumat, '' Aha ataahae!'' Saet fendumal ri ahap aosurga warilon sop melfe, rima aronrip aenri fendu bare-bare amtori.
13
Saet aenero afei fendu atop saet dwahe haet riturfri snafut sao saet lelelnar sop tuju ribu orang mati haet sop fendu atop saet sop tap rerperwar aenofe momlo nenari afei, aholok aenfia aene Arpames surga.
14
Bencana lu delyak eholok tarom e bencana saet toul sop sesiahop oma.
Trompet limlumat sop tanit dmu
15
Haet malaikat limlu rifpar trompet saet sop roflae ila dwahe en surga saet esrak, "Ratupul en fendu warilon aenofehaet aen tapul aen Tuhan memsop e saet aenrurapi et sop aari aen samsenam-senamse.''
16
Aensamoma dua puluh empat tua-tua saet rameros en papo afo sop fendumat ri ren Arpames tanirya rifahi sop moritife Arpames.
17
Enon esrak emim mahautare ebope nim Ut Tuhan Arpames saet tapul erer, saet aenon sop saet delyak aen nofehaet yau yait yitapul yan saet dwahe sop aen yitapul yam.
18
Et fendu-fenduhe ren ribet, aenfeit aiferinar yam ama, sop samo aenofe ri tamtori-tamtori mimbe, nabi-nabi ren tamtori-tamtori fiamal fia saet sop nenari ren ebeha, saet sop netwe sop saet dwahe sop omolarer para aen omdarer fenduit!''
19
Aensamoma afok Bait Arpames en surga sop riarome tabut Arpames perjanjian enwarilon baitmat sop omrak oma sop en ari ila sop fenduit atop sop mbrofi es tam sefa.