Pasal 10
Malaikat sop Ralalu Aiwalinetu
1
Aholok, yat yorom e malaikat tes bilu saet lus opor ihi en surga eisor mayo melfe sop fe boetate enon dabu afomat sop waja enofe fro sop ae it enofe yafu malatano.
2
Malaikat mat tapul en aiwalites netuen. Sop afok et en ae helolau ae maontit en matilon sop ae solu en wanafo.
3
Saet ilambrarmar e saet ila materasnar enofe singa saet mengaum; sop fehaet ilambrarmar e limlu arimat eho saet riofla ri fendumat rori.
4
Nafetit limlu ari matsop ilaetepar, yat yohautare sop yoter aenofe yat yifla ila en surga sebe esrak: Segel mat ensampana et aenfetit esrak enon pe limlu arimat baen atertao!''
5
Aensamo malaikat mal saet ria rome atuanen matilon sop aen wanafo saet ediait ma maon aen onotani.
6
Sop obore Et ebe saet enon samsenamse-senamse saet afeinar onotani sop endu-enduhe renwarilon sop fendu sop penyeksehe renwarilontit sop matilon sop penyek sehi renwarilon enfafa tap sop tani afei aen,
7
afeiti aen samo tani mit mdmu malaikat lumlu, nafetit aen aok trompet saet saet aenfone endu memim nat Arpames aennofetit saet esrak e bope fendumat saet: para nabi.''
8
Aensamo ilama saet yat yoflaa en tanit esrak ero bopeyat yisrak.''Omrarmop saet ait aiwali ralaluk mat sop afok aen malaikat morilalo saet rifar en matilon afo sop wonafoto.''
9
Saet yau yao yibope malaikat saet sop ehimya yaurfe aiwalimal ralaluk net saet ebopeyau, et malaikat saet esrak ebope yat, ''yait yao aiwalitit sop yam, saet sop afeiya malyak tit mere fetit sop waryak fnu yabe saet wimnase afei ofede tafisila sop madu.''
10
Afetit yau yait aiwali metu en malaikat mori saet sop ait yam saet en waryak fnou yabe tit ayei ofe madu sila sop aenafetit yau saet sop yan, molyak afei ofe mere.
11
Aenet esrak yabofu yam maen esrak ahis e lus aen fendu sefa corifuar sop yamlus sop fenti saet dobri-dobrimat.''