Pasal 9
YESUS Ekispar Para Rasul Ma
1
Samo Yesus ehimri lu Snafut natun rimat sop urfri fendu mat kuasa sop otoritas roh-roh fetes so ema rurfri bebu enduwalo.
2
Et ekispar fendu mat urfri ofe erseya kerajaan Arpame rasnanyak.
3
Esrak ri ebope fendumat Baen yamatur ao endu es sop taheneitao,baen turao endu aitoti tapo are endu edoisen saet lu baju.
4
Sop limu finta sop sael yam ecil aen sihaet sop tafun yam aop sop aenpele mat.
5
Hofa fendumat tapse bou aturfiam sop tani afei sao mat sop afokpari bafu en ae fehaet fanggomu aene fendumat."
6
Aen noro ritetiak para rasul saet riyal en desa-desa saet sop esrak rifenti alo memimanar tamtori mehalen eyalen.
Popapar e Herodes Fe YESUS
7
Herodes sang dabu wilayah oflae samo endu penyek enofei enihi sop et saet popare saet enmnai tamtori resrak e fe Yohanis Pembaptis deyak etiak aha rentomtu pare.
8
Saet sop felus esrak hofa Elia saet oma erispar sop aen feha et sop esrak ehla tamtorimat ren para nabi saet enon sop tainon samo Esrakri samo matan delyak etiak aha.
9
Herodes esrak,"Yau delyak yeilale ebope Yohanis ofei hanta tamtori tit sor feyau yo fla fentialo sop fehofa?"Samo Herodes ahauter mehufia enautare sop pelarome Yesus.
Tanpana Lima Ribu Tamtori
10
Samo para rasul resrispar fendu resrak e Yesus hofa penyek edues sop fendumat rifeinar sop et sahuk e fendumat romnas sao tes ebeha Betseida.
11
Samo mat tamtori mat sefa romnase endu so fendumat ren ritaanen sop samo rite fendumat Yesus esrakri ebope samo Kerajaan Arpames sop saet rima rihime bebu.
12
Samo waheto derdinare pani lu snaful Yesus omap ebole yat yisrak yam yaar tamtor mat aen sao-sao sop pedesaan sop.Eyalen ihitit saet sopape pele en sop panayam meihitit mim menon men pele enukpa."
13
Samo mat Yesus esrak ebope fendu,"yam sop saet urfri fendumat pana,"Esrak ri aop ofti pana ri penyek sop penyek sehe tamtorimat."
14
Sat eno enon ayale lima ribu tamtori tomtu Yesus Esrakri ebope naturi aari fendumal rameros ren rikie enon tes-tes renon lima puluh tamtori."
15
Fendumat ren rifei fe saet sop Yesus esrak ri sop eyaari penyek tamtorimal sop rameros.
16
Saet Yesus it lima are sop inalu saet farebon en onofu,mat ebonfri eryak-eryaknar,sop urfi ebope para natunrimat rima fendumat aturfriri bope tamtorimal sefa.
17
Sop fendumat sefe rinpana sop melida samo,wilu-wilunternar are mat rikim oma enlu belas keranjang dah.
Petrus Boufe Yesus Sae Kristus
18
Samo tes sop Yesus ofei mesou tontues etu en natunrimat enon rikienon etsop et enimtare ebope fendumat,"Hanta yautit yatak yamri tamtori sefa?"
19
Ehimtari fendumat,"Yohanis Pembaptis sop lus resrak e Elia saet sop lus lo esrak utfe tes en nabi-nabi en samo matan sop etiak ahap oma."
20
Samomat sae Yesus esrak ri ebope fendumat,"yam atak aine,yautit hanta?"Petrus boufe ut enon Kristuss en Arpames."
21
Saet sop Yesus fenggomu ifri fendumat,somne sop aari fendumat saet tapse turfri yomnas hanta sop afei endumatit.
Yesus Esrakri Pelepar War
22
Esrake,"Natun tamtori mat utomnas femarmori seta endu endu sop ahakpar u tua-tua iman dobri sop ahli-ahli Taurat sop riafun parem sop tafun etiak aha aen waheto toul."
23
Yesus esrakri ebope fendumat penyek saet tamtori enautare etak aene yau saet sop taniafe tani sop erfar hiatai pani waheto atak aenyau.
24
Saet hanta sop saet ahautar aop aenfia tani netur tafun afilnar ait.Tani netu,saet sop edues hanta ritit tani netu ao afeyau sae ao aenfia.
25
Saet itenma saet tomtues aiten penyek sehe fendu warilon tit aper tani netu tapse mal ehakbehe?
26
Yibope tamtori yam momnas meni boufe tamtormal samo et oma warilon momlomal-momlomase mam auren yam para malaikat fia.
27
Yau yisrak pe melmalse ribope ut ainon lus tamtormal enfe yam sop atuan sop hitit yam tapse sop erper tafu arome Kerajaan Arpames."
Yesus Rilat Musa Sop Elia
28
Angker-angker waheto limfao saet delyak Yesus esrarat ri fetifioriebe so et sahuk e Yohanis sop Yakobus aha salomat sop riafei mesou.Samo Yesus en ofei mesou.
29
Samo Yesus enofei mesou cafu erispar sop mayo mat enofei fe lipurani belbenar.
30
Samo mat sae tamtori mat ren Musa rilat Elia.
31
Yang menampakkan diri dalam kemuliaan dan berbicara tentang kematian Yesus yang akan segera digenapi di Yerusalem.
32
Samo mat sae Petrus sop tani maro tani maro rit dikuasai saet ommas endu mat mafo saet sop samo fendumat melmal-melmal omnas-omnas onase fendumat rirome kemuliaan Yesus sop tamtorilu mat rifar enon reklat sop et.
33
Samo fendumat sop tendi refei Yesus,Petrus esrak,"Guru fiamal re tainon hitit mim sop mediaha toul kemah tes ube,tes ube Musa sop tes ube Elia."Saet sop Petrus tapse omnas ensampana et esrak sael.
34
Samo Petrus enon enenesrak endumat sop oma en melfe teltil fendumat tafun Petrus,Yohanis sop Yakobus renofe enari samo fendumat recilen warilon melfe mat.
35
Samo roflaok rori en melfemat,"Titi sop matuk Be,etop yau yofir oflae et."
36
Delyak rorimat omnapar Yesus sop iten tamtori ehak behe fendumat memimnar sop tanse urfri omnase fendumat ren samo waheto-waheto sop omnapar ensana saet fendumat rirome.
Fendumat Natun Tomtu Rifokre Roh Fetes
37
Amer waheto samo fendumat rabesrus ren salo warfu dwahe tamtorimat rime ribope saet.
38
Tes-tes tamtorimat ren tamtori sefe sop riletnar,"Guru yau yohimu yibope sop arispar yabe matuk saet e enon sop yabe natuk tes-tes sebe.
39
Yorome enon roh mat hecile saet makfe et ilambrarmar roh sop saet ema hesrispar-hesrispar sop saet warifnoufe omo roh sop mblaohe ofei enahi sop tapse bou tani afeie.
40
Yau sop hensene ebope neturimat eheurimat saet fendumat tapse iten sop ofeinar."
41
Yesus boufe,"Hai Yam mihiyak tan yam tapse snanyak saet fetes! Aman senam sop yau saet feyau yainon takiaen sop taenfan taen yam aittao natumrisop marimahet.
42
Samo natun rimat sop raruk se ebope Yesus roh fetes mat ofiak waresop ainon sesrispar-sesrispar.Saet samo Yesus ofe roh najis sop ofei ribebu natu tamtori-tamtorimat sop iferer ebope taman pe.
Yesus Esrak Rirer Perwar
43
Penyek tamtori romnase takjub afo dwahe mal Arpames saet samo fendumat ren rapopraptan endu penyek sehe ofei Yesus,et esrak ebope naturimat,
44
Oflae esrak e fia-fia natun tamtormal tafun ritifri den mori tamtori afo.
45
Saet sop para naturi romnase ebe fentimal sop saet aen meminar fe fendumat tafun fendumat tapse aitaen omnase haet fendumat menari ahimtare ebope Yesus omnase hofa esrak en aentes samo riafei.
46
Wihi tafun saet ainon sat enner neturi Yesus anon hanta sop etsop fedwahe aen antara fendumat.
47
Samo mat Yesus omnas ribe fanggomu rebe fitut afa fendumal sop et sahuk tamtor abori netu sae ainon sihaet etiak aha aen lifurya.
48
Fehaet esrak ebope natunri-natunri,"Saet tTamtorimat urfri natun netu it warilon hakyau,et murfia yau sop hamta ut sop murfe yau et yama murfe yau et sop ekispar yau saet sop etop edar ini enihi feyam etop saet matan."
Aeine Sop Kiaoni
49
Yohanis bou fri sop esrak,"Guru,mim mirome tomtues eheu roh fetes warilon ube ham sop mim mifetare atuahi mifeima saet Tapse mim penyek mikientit."
50
Saet sop Yesus esrakri ebope,"Baen yam atuahi tap saet hanta yam tapse eyorpar et wihi wahuk fe.
YESUS RIHAK PARE EN SAMARIA
51
Saet samoma itoma raruk se saet Yesus sop ainon,et etomnapar fituafo sop pelau Yerusalem.
52
Eyaari lus Ekispar yam aomatan.Saet Ekispar-ekispar mat sop riunar matan reul endesa pelemat Samaria saet amiaknar endu penyek saet ebe.
53
Saet sop tamtorimat ren pele tapse urfrima Yesus samo et op etak nare sao Yerusalem
54
Samo naturi-naturimat Yakobus,Yohanis riome endu tit fendumat resrak,"Tuhan ensampana et fanggomu mim saet esrak erer yafu apor aen anotani sop sohus ferer fendumat?"
55
Samo mat sae Yesus erispar sop esrak ri fendumat.
56
Saet sop Yesus ri natu-natunri sop riao aen desa mat lus.
FETAET AMAP TATAKTAEN YESUS
57
Samo fendumat rimi warilon raramblamat tontues esrak ebope Yesus yau sait yatak yainu pelao ahifa ut pelao."
58
Yat yisrak u yebope,:Rubah sae ebama en fnou sop renon mani-mani ren onotani rimaren lelyo.Saet sop natunmal tomtori tapse ebema pele pe omnaopar aen."
59
Yesus esrake ebope tamtori lus,"Ritaan Yau!" Saet sop tamtorimat resrak,"Tuhan,afok paryau yao sop yai yita yabe mam yabon lipi warilon fen."
60
Saet sop Yesus esrak ebope tafun tontu pare ayinon biabon tomtu pare fendumat sop yam ao sop esrak ao fenti Kerajaan Allah."
61
Sael sop tamtori mat lus resrak yat sop peyau yatak yaen u Tuhan saet yao yisrak riyabe lafukri.
62
Yesus esrak e ebope,Tap tomtu es saet sop abon mam sop bope bajak saet ainon ecook datiwar saetafu aen Kerajaan ARPAMES."