Pasal 8
Afendi Amfendi Mat Rasorek E YESUS
1
Samo amer wahete Yesus poeyale sao-sao sop desa desa saet urfrifenyisop esrak ri fenti alo Kerajaan Arpames lusnaful easul rin rikienon saet tit.
2
Saet yam lus amfendi saet sop ofeinari bebu Yesus enpenyek roh-roh fets sop penyek mehal et enrifendumat saet Maria saet ride te Magdalena,et rifokpare Yesus en elot roh fetes.
3
Saet ema Yohana ehon khusa Bendahara Herodes,Susana sop ren sefa amfendi mat luslo saet ureiren kekayaan fendunat tes-tes sop rediana e.
Esrak Rihise Saet Rifas Aifo
4
Samo tamtori mat sefa rikienon amtori rino sao saohe rimi ribope Yesus sop esrakri ebope fendu mat enfo mofnimat.
5
Witilon tomtu op ofas aifo samo enon ofas lus ren ren rara lifurya sop eris ralolau-ralolau saet mani-mani he ren tatse itrim.
6
Endu ennohofa lus rame ruren yatse fati afo saet samo aifo mat afei oboit aha,fomat sat den nofe sarak saet ranitapse.
7
Eryak narlus ramerur mol-mal se walo dori saet oboit aha riki enon sihaet walodari ofau ri.
8
Las folus ramerur enwane mat mehufia sop eha-ha saet sop urfer hasil seratus eyot ero sefa,"Delyak ekispar ini fentialo sae Yesus esrak," Tit sop yam men tolorim rau saet oflae,saet sop yama oflae fia-fiahe!"
9
Saet sop matunri Yesus rihimtare en nohofa be ribope ahare fentialo mat.
10
Et ehimtare," Ribope yamyama esraka ahare Kerajaan Arpames.Saet ribope tamtori lus riresrak epe warilon fentialomat saet aino anon ahi corim aofendu mat tapse riarome sop ainon ahi tofla e fendu tap ri amnas."
Esrak Eyor Nare YESUS Fehofe Fentialo Fo
11
Tit sop eyak nar ehise sop fomat enonhi fetialo Arpames.
12
Fomat alot rara lifurya so ainani fendumat mat riflae fendtialo Arpames samo mat foman omap pelaitri fenlialo mat enri fatoriafo fendumat saet Baen snanyak sop riaenfia.
13
Fomat elot ini wane fetfatima saet tamtori mal rofla fentialo Arpames sop ureni eit momlo saet tap wao etcil fendumat rasnanyak e mane saet samo fetes eto fendumat sesya esrispar ao e Arpamas.
14
Benimat alot aen walo dori ainon tamtorimat roflae fentialo Arpames saet abon aenhe fendumat oboit aha,fendumat rikis sop omnase riture ebe endubarsa saet fiamal enon saet fendumat tapse pakaurfri fo saet fia.
15
Saet sop fo tam elot ini wane fia hae ainon tamtori saet rofla fenti alo Arpames sop ur opalok warilon fituafofia sop fia saet fo warilon ainonfia.
Ofnawe Melamat
16
Tapse sop tamtori sop etdelyak etiakpar pelita samo teltilfan sop gantan oboen fune pele ehuhar Eris pare et sop obaen pelita mat en yatse ai pelita sop tamtori yam mecillok warilon limu ait arome melamat.
17
Saet tapse ainon sop endus memimnar sop Tapse sop esrah ehi,sop tapse saet abonok saet tapse sop pak esrak aen fune ebope mela.
18
Saet sop yam corimaen du ennohofa mofla saet hanta sop endumaturfri sefalus saet sop hanta sop aurabonnok sap aur endunat abonok."
Lafunri YESUS Femelmalse
19
Ehol,tinan sop lafuri Yesus oma erome tam fendumat tapse aop derdirnar fendu.
20
Afei esrak ri saet sop." Tinan sop lafun rimatsop saet rifar enon melamuar,fendumat yonautaru yaromu sop yau."
21
Saet feya ey Yesus esrak rifendumat,yabe nen sop lafukri rennofe fendumat roflae fentialo Arpames sop afeima."
YESUS Eit Omnapar Maro Dwahe
22
Samo waheto tes Yesus eha en warilon wo rikin noma naturi sop et esrakri ebope fendumat amap rerma tao tan pelee ourowar tit amap rermatao fendumat riunar.
23
Saet somo fenduma riok rau,Yesus ehuhar.Sop ehuroma maro ehur en ourowarma sop wo fenduma rani ehil samo fendumat renon warilon fetes.
24
Samo naturi rimi e ribope Yesus uma etiakaha rimi e esrak e Guru Guru min tit binasa!" Sop Yesus mat etiak sop ofeiri maro dwahe sop moro beltama dwahe malse saet maro dwahe malsop omnapar so ourowarmat enofe eyaf par it.
25
Saet esrak ebope fendu,"Tit enihifa Imanuel?" Fendumat renofe menari sop rapopraptan sop resraktes ferilus "Hanta tomtu matit?" Tit ut yur fri perinta ebope maro sop ranimat fendu ritaden e.
Tamtu Gerasa Ofok Pare En Roh Fetes
26
Sop etuihi Yesus ri natunrima en wilayah tomtu Gerasa en falwar Galilea.
27
Samo mat sae Yesus opor edar ohuhus et eromi saet tamtori tomtu ensao mat sop foma roh-roh fetes,tamtori mat delyak matan Tapse eisoror mayo sop tap ainon limu saet feainon lipi.
28
Samo tamtori mat rirome Yesus itisop ilambrar mare so ofahi maife encorifuar saet ila mat fia et esrak ensampana urusan fe ut sop yau.Hai Yesus Arpames benatu ut wenaha? Yau yohimu yibope ut,baen omnas yau!"
29
Endumat afei ebope Yesus esrakri roh rima marak ren tomtumat sop foman memie ao ait tomtuma sop rante se aen fuhe sop foman aitau pele etmamu rarak.
30
Samat saet Yesus ehimtare ebope tomtumat hat santa Tomtumat,"Legion" Saet enon sefa fomanmat ehile.
31
Foman-foman rahensene ribope sop saet baen esrak ri fendumat riao flaflifu raprar permat.
32
Et pele mat saet rikienon dwanet palo renon ri rahopa pana etatu foman-fomanmat rahensene ribope Yesus ofok par fendumat.
33
Saet foman-foman mat sop ramarak ren tamtorimat mat sop recili ren warilon palo-palo lus rikienon palo saet roflof riu salo sonap saet fetes ritaknaren ouro war sop ratarok.
34
Samo saet radar dar palo riromri,fendu roflof riunar resrakri endumat saet sop sao sop ren kampung eyalni.
35
Saet tamtori mat sefa rimi sop rirome ensan pana fendumat rimi ribope Yesus sop auraeyan tamtori saet sop afokpari ren foman-foman mat lit renon rameros renraruk se Yesus be ae saet eisormayo,sop delyak hak fenggomu ofei sop esrak ri.Hal tit afei fendu mat nenari.
36
Fndumat sop rirome endumat resrak ribope tamtor lus hofa tamtori mat foman atali sop ri bebu.
37
Saet penyek tamtori so renon sop daerah rialen Gerasa rihimme Yesus saet taniafei fendumat sop fendumat renon sop nenari afei mat dwahe.Saet sop Yesus aha ok wo sop arispar ao Galilea.
38
Saet tapse Tamtori mat delyak efok pari ren foman-fomarmat rahensene rebepo Yesus utop fia,Riaki ainon aen Yesus feyae Yesus eya aryam ao esrak ri.
39
Riunar ren limu sop resrare endu endu dwahe tap sop Arpames ofei ofei narfu,"Tamtori mat sop riunar riyale fendu-fendu he sao esrakri ensanpana et a Yesus afeifiam.
Natun Yairus Itetieak Sop Tamtormal Mofni Ofeye Bebu
40
Samo Yesus erispar oma Galilea,tamtori sefa ritene sop saet fendumat penyek sehe renfanne.
41
Ensihaet tamtorites tes hat Yairus ema oma rebope et saet tomtues dabu Sinagoge.Saet ofani mat ife it ae Yesus Yairus hensene saet ema sop ama limu.
42
Saet ebema mofni werfau sop kira-kira yame dua belas sop natum mat saet pela per sop samo Yesus etaknar pelao tamtori sefa ranommar riyale.
43
Ren nihi tamtori amfendi yam delyak marmori opor tanisila mafo ainonahi yam sop tapse tomtu es etsop aitan ri bebu.
44
Amfendi rarukse Yesus rimie datiar sop ritapul fe jubah amsamo mat saet oportani silamat omnapar.
45
Saet Yesus esrak."Hantat tapul fia maya tit?" Saet penyek tamtori maridal tare Petrus esrakri,"Guru tamtori sefa riki enon so riale so sisiya-sisisya saet yam!"
46
Tit tafun Yesus esrak,"tomtues fone yau saet yau yomnas enon yabe dwahe mat omrak en."
47
Samo amfendimat rirome saet tapse iten memimnar ri,it oma ribope Yesus en nanoknar sop ofahi dabu eyot ihi ren matan penyek tamtori et resrak endu enohofa fone Yesus,sop ohofe et sop samo bebu e.
48
Aenhofa Yesus esrak e ebope yam maturi imanut saet saet ofei bebuu.Ao warilon fia sejaktra.
49
Samo Yesus enon ennesrak tamtori ren limu dabu sinagoge et omab esrak ebope Yairus,"Mofninetu mat oper delyak,baen ofokpare Guru."
50
Samo mat saet endu saet Yesus esrak ebope Yairus menam afeitap afeitap snananya yahe sop natun saet aenfia.
51
Samo Yesus aoe limu Yairus saet baen ecil tap saet Petrus,Yohanes,Yakobus sop taman tinan natun it.
52
Penyek sehe ritin e rahen sehe matun mofni sop Yesus esrak e baen atimtap saet ehuharbe.
53
Fendumat sefa saet sop ramelmile saet fendumat romnas natus mofni mat delyak oper.
54
Saet sop Yesus tapul fema matun saet mal saet sop sop ehime,"etiak aha natun!
55
Sop erispar ebe tani netu mat sop etiak aha sop et tu.Saet Yesus eyaari saei saet abori entuma tife pana es emaam.
56
Rilatlu ti na rilat taman erirahe wis Yesus rerar nari fendu mat saet endumal sampana endumal ofei.