Pasal 7
Yesus Ofei Bebu Tomtu Dar Dar Perwira
1
Samo Yesus ofeinaripenyesehe esrak risop limfau Tamtorimat sefasaet sop recil Kapernaum.
2
En noto enon Tomtu bare Romawi saet urenri budak saet nateana.Budak mat sop mehai ema nentulas pelaper.
3
Samo bare omtu mat sop ofla ripe Yesus,et kispar lus tua-tua Yahudi rite Yesus sop riarone Yesus sop riahime et oma sop sop rima bebu taen o feitainon e."
4
Saet tamtori mat rimi e Yesus fendumat melmal melmal ehime yibope sop esrak fendumal,"Tamtori tit taen taite sorok erer.
5
Saet urfene fendu fenauhe rersop etopebe sopit etiakaha Sinagoge ferer."
6
Etiak o Yesus penyek fendumat.Samo et delya rarukse limu bare omtu mat sop amtu Ekispar lus maro matsop esrak ebope Yesus,"Tuan baen nela ut afei ritendit yam yisyak behe yomnase Tap Layak yauru saet ube Limu.
7
Saet sop,yau yabema yimnase tapse tapse Baen layak ut amab yibope ut ainon Atem aha akispar esrak u saet aur aennu atuahi sop bebu.
8
Saet yau yama fe Tamtori ennini sop enon ureni Bari-bare Tamtori sop yat yisrak yam ebope Tomtu baremat,"Aoi,et sop ao sop esrak e yibope budak budak mat ofeia sop budak matsop afeia."
9
Samo Yesus ofla endumat,et omnas popraptan saet Bare omtu Romawi et sop erispar ebope tamtorimat sefa sori ataanne etsop esrak e,"Yau yisrak ri ebope yam aimon tap afei arome imam bwahetit."
10
Samo sefa dwahe sop fituafo fia ebope Yesus arispar aolimu Perwira sop fenduma riturfe budak delyak bebu.
Natun Adak Mofni Etiak Aha
11
mo Amer waheto,Yesus open pele sao es hate nil penyek natunrisop rikienon tamtori sefa sop taanne.
12
Saet raderdirnare ramtan gerbang sao.Enon tomtupare saet ritramarak e tomtu paremat saet natun werfau mal adak mofni.Saet sop sefetamtor mal ren saomat saet riki enon amfendimat.
13
Samo Tuhan erispar urferori ebope yam sop yisrak"Bae atintap,"
14
Samomat saet rifarok sop mabahase ehyake tontu pare mat sae ehyak e sop etu enyak sop etu enyak sop Yesus esrakri,"Hai natuk ri bromane yau yisrak yam yibope ut etiak aha!"
15
Samo mat tamtori arahap tit apersop maros sop afei esrak.Sop Yesus ebope aife rotina.
16
Penye sehe tamtorimat sop riromendu sop daen omnas nena afei sop afeiero snanyak e Arpames sop esrak."Tomtu es nabi dwahe so omap en molmalse rer sop Arpames et eholok repenyek sehe,"
17
Sop ofla wini feebe e membayar penyek sehe Yudea sop penyek sehe pelemat lus sop eyale pelemat.
Yohanes Pembaptis Ekispar Natun Ri Ebope YESUS
18
Natun ri Yohanis esrak riebope yohani tamsaet penyek sehe endumat.
19
Saet Yohanis ehimri tamtori lunatunri sop eyarri fendumat ebope Tuhan sop ehimtar,"Utsop samo ama,saet endu enohofayam memfane sop luslo,"
20
Samo Fendumat rimi ribope Yesus,fendu mat saet esrak,"Yohanis Pembaptis eyaaryum amtama yibope yamsop ahim tare,"Ut sop ama?enohofa sesia mim maenfan u Lus?."
21
Samo mat saet Yesus omap ofei beburi tamtori sefa en endu walo safefahe ao sumaro roh-roh fetes,et ema urfiani peli walo yibope Tamtori sefa corimana tapse.
22
Yesus enintari ebope Tamtori Lumat,"Riao sop riesrakrie bope Yohanis fehaet ensampana sop haet mirome sop moflae.Tamtori corimana tapse corimana rahafok Tamtor eridabritot rima rahenei.Tamtori ren en dualo Kusta ofe rima Tamtori taloribofi menen rimaro fla tomtu pare ema etiak aha,sop ebope Tamtori endu barsa tapse turfrima endu barsa fenti alo fia.
23
Samo mat saet rirenon fia et septapse mouahae ut ya."
24
Eyaar Yohanis ria Yesus erak ebope tamtori sefe rihautare Yohanis,"Saet mirome ensam panaet yam pelao aen witilon belantara?Yarome matan sop maro wari ifpar?
25
Saet ensam pana maro yammirome samo o?Tamtorimat reisor fiori?Sop erome tamtori lusma eisormayo matfia sop menon warilon pelemat ainon fia aen sao-sao Raja.
26
Ensanpana etbe wihautare yam mirome samo pela o tomtu nabi?Yayau yisrak yibope,sefa menon sefe menon ihife tamtori nabi.
27
Saet Tomtumat mal sop etop erfaren enon eterenon:"Ofla yau eyaare Ekispar u unomtan matan ut,Etsae sop sae ainon afeinar rarah sop afei matan.'
28
Yau Israk yibope menon tamtori sop monase amfendi ribon tapse sop tamtori mat sop ube dwahe malse Yohanis tamfe netu warilon sau ARPAMES bed wahemal.
29
Samo tamtori sefa saet soprikinar pajak rofla endumatit fendumat penyek sehe ritaan ne ebefia Arpames Be saet Tamtori mat sop ribaptis sopribatis Yohanis.
30
Saet feyaet tamtori Farisi sop ahli-ahli Taurat racoriok sampana et Arpames ofeinarrer fendumat sae fendumat tapse ribap tis saet Yohanis.
31
Saet ensampana yama yakin ao Tamtor lus renon sop rifei apitit?Fesampana et fendu mat tit?
32
Fendu mat saet rife abori netu maros-maros aen pasar sop rori rilelnar tes akiainon lusyam mi ifpar seruling eyokfu saet yam tapse mahelel yamalok la o aetene saet yam tapese atin,"
33
Sae samo Yohanis Pembaptis oma sop tapse pana roti sop amus anggur,yam esrak et foman ehile."
34
Samo mat sae atun tomtu oma panaso raniyam esrak,arome et tamtori sop meli pompana sop ramemus!'
35
Et ema maro be rikin oma pajak sop tamtori ehla!"Saet aofia saet melmal saet natunri."
Tamtori Mofni Ehla Sise Yesus
36
Samo tes saet,enon tamtori em fendu Farisi sop enime Yesus pe anpana penyek sehe Yesus op enlimu Tamtori fendu Farisi saet sop maros yanpana.
37
En sao et sop enontamtori amfendi ehla samo et omnase pe Yesus mal anpana saet limu tamtori saet tit sop oftit tes botot pualan saet minyak ahe makifia.
38
Saet tit etuen datiar Yesus,raruk se ae sop en nenetan sop ofei eas ae Yesus encorani sop sohus e saet dabu rau sebe sop saet eyas tane ae Yesus sop sohus saet minyak wangi.
39
Samo tamtori Farisi be enime Yesus erone endu,tit sop esrak warilon fituk afo,samo tamtori tit tamtori Nabi et saet omnas hanta sop amfendi erispare ensampana et fonemat saet sop mofnimat ainon tamtori ehla."
40
Yesus omnase sop esrak,"Simon,saet sop ehau tare sopesrak riebop,"Simon esrak e,"esrak ao guru.'
41
Yesus esrak ainon lu tamtor saet berhutang ebope tamtori mat afok pari doisen saet tamtori ri utang dinar saet sop lus rilo utang dinar."
42
Samo mat rilat lu tapse ritap membayar afok pari doisen saet sohusfe ribe fendu rilat lu samo matit hanta en kilat lu Tamtori mat sefa aurfri afok pari doisen mat?"
43
Simon esrak yara hofa tamtori sop rit sefa efok pari be utang."Yesus esrak ri ebopo,"Yam yam mirome etfia."
44
Saet sop ehautafe ebope amfendi saet Yesus esrak yam ebope Simon,"ensampa na yam mirome mofni tit?Samo yomie limu yam tapse mimatur fri rani saet siis ebeae,saet siis narae yau sop cokrani seyahohus yait dabuk rau.
45
Yamtapse aturfriyau yastanu saet tit tap aen ahi aen nahi yastan ebe ae samo yat yohil.
46
Yam tapse mengurapi yabe dabuk saet minyak tapse saet tit minyaki aeyau sop minyak ahefia.
47
Samo tit yisrak yam yibope,ehlamat sefa et deyak sop afok pari saet e ofnawae fia sop melmal saet tafun tamtori mal lus afok pari,manetu sael aur aenri.
48
"Samo Yesus esrak ebope amfeditit ehlamat saet riafokpari."
49
Tamtori mal rameros rinpana riki enon Yesus sop ehimtari warilon fituafo fendu mat hanta tomtues ait afok pari ehla?"
50
Yesus esrak ebope emfendi it,"Imanul sae afok par rerma rertao sop taenfia."