Pasal 10

YESUS EKISPAR LIMLU PULUH RIATAK ANE

1 Delyak sop,Yesus ekispar limlu puluh tamtori rita aene lus sop ekispar fendumat riamar lu-lu sop riao matanet sop saet sao mat pele mat sop riaonar. 2 Esrak en ebope fendumat,"iten ekis saet sop sefa,sop erseya mal enon manentu saet sop enime ebope tua ut endumat yabe endu yakis." 3 Peyao yau yakispar fe natun domba en molmal se riki enon serigala. 4 Baen titao e tapo doisen tas fe sendal saet baen enohofa hanta wen warilon Rara mblao he. 5 Wen limu fa be sop yam mecil mesrak e matan en sefa matan,"Fia sejaktra yatse limumat. 6 Saet tamtori mat enon sat urem e fia,fia sejaktra saet sop erispar ebope. 7 Enonihi enlimu sop rimpana sop emus rani ensanpana saet fendumat ripal fenu saet fendues rife eseya ut aitaen ebe upa baen oflam-oflam en tehe limu mat limu sop lus. 8 Sihaet sop yam ecil ao pele sao mat tamtori renon sop ritomaesop rinpana mat fendumat riapal ahil seet sop apalahi. 9 Ofei bebu tamtori endu walo sop ainon rireno rento esrak ebope fendumat,"Kerajaan Arpames delyak raruk enerer." 10 Saet samo mat enyam ehil en omo desa sop tamtori renno tapse afei ribebu ao naren rara-rara sao saet sop esrak. 11 Saet bafumal en sao mat sop saf oma en aem mim sop mim mafok paru sop sop aen matan.Saet sop fanggomu tit:Kerajaan Arpames deyak rarukse." 12 Yau yisrak yam ebope:Samo waheto mat erfartit Sodom sop sefa popamun mapfe enerer erfar enerer.'

FANGGOMU IFERER SOP TAHAKPAR YESUS

13 Aen fetes yam,Khorazim! aenfetes yam,Betsaida! Yapapapar yau yafei mujisat-mujisat angker-angker aen Tirus sop Sidon,saet fendumat melmal delyak matan atuahi sop maros saet eisor kain mepi sobafu. 14 Samo mat saet samo penghakiman erfaraen Tirus sop Sidon pomamuen emofe erfar mafo. 15 Sop yam Kapernauum ensampana etyam sop Fredirir ao surga? Tapse yam sop rit ritepar okfendu warilon tomtupare.

16 Hantasop aen oflaokyam,moflaok yau sop saet,hanta sop ahak pare ut it ema ahak pare yau ahak pare yausop hanta ahak pare sop ahak pare ema saet sop Ekispar yau."
FOMAN_FOMAN RIFAHI RENONRI RITAK AEN YESUS

17 Samomat saet limlu puluh ritak aene sop resris par taene sop taentas nanyak e samo esrak,"Tuhan,foman-foman mat rifani rebope mim warilon ham mat." 18 Yesus esrak ebope fendumat mim mirome iblis elot ihi onotanife meklala. 19 Omnase ebopo mim sop yaurfu dwahe sop lolau matomia sop aki meski sae ebe dwahe enafo penyesehe Bilu bare tapse saet aen ainon sop afeinar nahi. 20 Sop yan banela yam aen momlo sop roh-roh sop ofahi ebope yam saeh hofo ainon atit momlo saet ham en surga.

YESUS OFEI MESOU EBOPE TAMAN

21 Samotes Yesus itmomlo en warilon fanffomu ontu sop esrak yat atek ahau ebope mam Tuhan afo onotani fefendu it saet ut memim uar en endu-enduhe tit sop tamtori omnas enduhe saet sop ut ofnawe ebope abori netu,yamam saet etsae sop yahautaru sop aen ahiu.

22 Mamyau tafun turfe penyekse endumat yau yibope sop tapse tomtues sop yeilale natu saetfe mam.Sop tapse tontues yatsop yeilale natu saetfe mam.Sop tapse tontues yatso yeilale mam saetfe natun en ini tamtori-tamtorimat mat ribope fen fumat natun ehautaru saet esrak en u." 23 Samomat,Yesus ehautare ribopo matun-maturi sop esrak ebope fendu enofe ebema,"Enfia comana mat erome ensampana etso yam arome. 24 Saet yau yisrak tibope. sefa nabi sop raja saet yohautare omsale yorome endu-enduhe sop yam yorome arahaptit tafun saet fendumat tapse yarome.Saet yohautare peyait moflae endu-enduhe saet yam mofla arahapti sop fendumat tapse oflau."
TOMTU SAMARIA ATEAHAEA URFE

25 Samomat saet yorome tamtori matse Hukum Taurat rifaren endu edale Yesus,esrak e,"Guru,ensampa na etbe Tafun yafei ube aitan ainon saet samsenamse?" 26 Yesus esrak ebope,'ensampa etbe miteren warlon Hukum Taurat ensampana etbe yam baca en warilon?" 27 Tamtorimat risrake,"Aturfe TUHAN ARPAMES sop urfri fitumafo sop urfri tanim netu sop urfri tanin bilum sop urfri ubema serba sop Turfri rebema tilut tamtor malfe urfu ubema tanim-tanim ubema. 28 Yesus esrak ri ebope,"Ehimtari sop saet etuenyak Afeinar saet sop yam sop ainon."

29 Saet sop tomtumat yohau e yafasnar yau sop yesrak e Yesus saet hanta ferertit tamtori?" 30 Yesus ehimtari saet sop esrak aen tamtormal sop apor ahi Yerusalem ao Yerikho et alod aen mori parakpok sop rafrerok nare maya sop rifun samo tani afeiri alot ainon aen warilon sop pelaper. 31 Endut aenohofa tamtormal imam Lewi salil oma samo et erome tamtormal sop et pelao fehaet saet sop salil aen tanirya salil saet luslo. 32 Tafun aen fea et afainar ao tamtormal Lewi somo amap aen pelemat saet sop aromu tamtormal et recolok sop rahenei ren hitit raramat luslo. 33 Samomat sae ren tamtori Samaria saet renwa rilon rahenei recolo riu hitit ren samo et eromri tamtori mat sop romnase rurfe ribope en. 34 Saet tamtori Samaria sop rarukse seo rafofiu wamarnat ren rasohus minyak saet anggur sop ribon aha tomtumat en yatce kuda sop rito renpele penginapan saet dardare tomtumat. 35 Amer wahetotes tomtu Samaria sop itomrak doise urfi dinar sop urfri ebope dardar en penginapan,saep sop esrake rawatlah tomtumal ebe luka titem naifa sayam afei aopar doisen saet yau sop tafun yaur ero tafu yau yarispar."' 36 Sop Yesus esrak fanggomu ebema hanta saet menon toul tamtori saet en nofei Rikieno tamtori saet mameru maen mori parampok?" 37 Ehimtari ahli Taurat entamtori saet ofnawe belas kasih yibope,"Samo esrak Yesus,"Pelaofa sop ofeinar endu-emdu saet menon."
MARIA RILAT MARTA

38 Samo fendu warilon yahaulYesus ehilen peledesa sop tamtori-amfendi ha Maria ite Yesus en limumat. 39 Marta ebe lafun mofnito ha Maria aet maros en Yesus rarukse aefu sop rofla e esrakri Yesus.

40 Saet samo Marta enenen sibuk ofeinare ersa penyek ersamat.Saet sop ofenar opar Marta sop oraruk se ebope Yesus ema esrak e,"Tuhan tapse pak yisrak ut tafun lafun mofnito taniafei u afeinar penyek sehe ersa ubematam? Esrak et ama sorok ya!" 41 Saet sop,Tuhan esrak e,"Marta,Marta fituk afo omdau sop wape lil nartanimtam en sefe endu-enduhe. 42 Saet tehe endumat tit Maria delyak ofir lus sae endu fia,sop endu aen nohofa tit tapse sahet ait tao."