Pasal 11
ESAK RI EMIM MESOU
1
Samo waheto tes Yesus ofei mesou et delyak ofi mesou tamtormal natunri-natunri sop esrakri ebope,"TUHAN,Eyornare sop mima mafe mesou rikin fe Yohanis eyornarfri natun-natunri."
2
Samo Yesus esrakri ebope fendu.Saet yam afei mesou esrak ripe:'Mam Ube fanggomu omtu ham witoma ube kerajaan saet.
3
Urfemim yibope mim pana dapar emim fearahap,
4
tit afok par ehla mifei femim saet yau mifok par rifelus tamtormal ehla rifei mimi baen turao mim saet warilon deldal.
YOHIME YAHO PAPE SOP TATUK
5
Samomat Yesus esrak ebope fendumat,"Tafun ehlates enyam dedot aturi tomtu maro mat yam ao aen limu tani maro mat aen fau are.
6
Samo tamtori maromat saet sop ofeinar salil ao tafarahi tit lumu,samo yau tapse malse endu-enduhe enlimu mat saet esrak ri ebope.'
7
Ehole tani maro en warilon limu boufe baen endu yau tap ramtan delyak sop kunci sae yau sop natuk-natuk ri.Delyak sop menpele miyafar yau tapse sop matetiak sop aurfemim ensampana sop ebope."
8
Yau yisrak e ebope itoma tafuntani maromat.Baen etiak aha sop aurfri endues ebope saet yam tanyak maro mat enonihi yam mblaohe mihime,it atuahi sop etiak aha sop urferer ensanpana et yam mihime.
9
Hofa yau yisrak yibope ahime yam tafun aur fian.Bopape yam sop arome tatuk ramtan sop afok fiam.
10
Saet hanta saet sop ahime sop aur fiam.Hanta aensop hopap tafun arome saet hanta saet sop tatuk ramton tafun riafokfe.
11
Denon tontu es mam aen erer saet pak aurfim momia ebope natun tam saet ahim me ina?
12
Tafun aurfri aki meski tafun et ahim beno?
13
Ainon yam klorim onas aenohofa aurfri aife aen fia ebope naturi aenfa mambe saet en surga et tafun aufian fanggomu ontu ebope tantori sop ahime ebope."
YESUS EISOR DWAHE ARPEMES
14
Samo waheto tes Yesus ehewe foman entantori-Tomtu tamtori ri lahap esrak fenti saet fomat riramarak ren tamtori renon tendimat arahap tit it esrak so tantori sefa mat rapopapraptan.
15
Saet tafun mifir tamtori esrak,"Et eheuwe foman aet kuas Beelzebul dabumal foman."
16
Ofiren tamtori luslo bou menguji Yesus,fendumat rihime et ofnawe endutes fare en surga.
17
Saet tafun Yesus omnas endu saet saet fendumat fanggomu rifei sop esrak ebope fendumat,"Saet Kerajaan mat sop firiyak eryak sop rit ribet sop omdare.Sop keluarga sop ri kienon-rienon ren ribet saet omdarer.
18
aen sop foman saet eryak nar eryak saet dabuhat somne tani-tanirya aen ohofa aen feaea kerajaan aiten aenahi afas tane?Yau yisrak yam aino feau saet yam esrake tafun yau yeisor kuas Beelzebul saet ahewe foman-foman.
19
Saet yau yoheuri foman-foman Beelzebul saet kuasa nanta natunri riheu fendumat?Saet,fendummat sop riafei hakimmu.
20
Samo mat saet,sap yau yeisor kuasa Arpames et aheu foman Kerajaan Arpames delyak omap ebope.
21
Saet tamtorimat bilu sop sapara delyak dadar istana ebema endu barsa en warilon ofeienon fia.
22
Endu samo renon tamtormal sop sefa bilu renon ren recil sop mengalahkan samo tamtori motsop sefo bilum mat sop enfrorok nare sapara-sapara sop ris nanyak ri tamtormal renra rayak nar endu rafrerok nare.
23
Hanta sop yam tapse renon riyau falwar et dabuha som he yau et,hanta sop yamtapse riki noma rentehe yau et tani feiri beraikin."
ERISPAR ROH NAJIS
24
Ensampaet roh najis omrak ren tendir tomtues roh et saet eneyalen eholok pele-pelemat sark saet sopape pele pelaen.Samo et tapse sop erome,saet tit,et esrak,"Yau saet yarispar yao limumat saet sop tanya yafei sihaet.
25
Samo et arpar et yarome limu en warilon enfia riam tapse rilom rapal enonfiori.
26
Samomat roh najis to aop sop wihitatiak fe limlu roh sop sefa kilo enri saet ehil pe enon en limu en hihaet wihi tamtormal sop aento sefa fete aimofe enimatanse."
TAMTORI TAMTORI REN FIAHE
27
Samo Yesus esrak ri tamtori amfendi ren enon en momlmal-molmalse tamtori sefa roritelet nar mimediaha turfemima rahim tafu sop abon ut sop fo enfitum sa sop rames mus ut."
28
Sop samo,Yesus esrak,"Fiorimfia tamtorim men mofla e fentialo Arpanes sop oflae."
FARE YUNUS
29
Samo tamtori mat sop rikin nen rimi sefa,Yesus esrak,"Ri generasi iti renon generasi soet kilo;Fendumat ritaaene entes farebon aenihi tapse tehe fare aen sop saet sop ofnawe ebope fendumat lus fare Yunus.
30
Enofe Yunus et entit fare entamtori ren Niniwe ainon ofehae atun tamtorimat en atuani fare engenerasi en."
31
Saet waheto kiamat Ratu sop sultan mat etiak riakiaen tamtori-tamtori generasi tit sop entit sop et mat menghukum fendumat saet sop et riminar riarone fendu haro sop oflao rori hakim Salomo.
32
Saet waheto kiamat tamtori-tamtori Niniwe mat etiak aha rikienon generasi tit sop menghukum saet tamtori-tamtori Niniwe rifei mesou Afar ani sop hadapan fendumat arenon sop ihit enon tamtori mat umal dwehe unon saet Yunus."
PELITA TANIM
33
Tapse tomtue ensop saet etiak pare pelita it oboen pelitamat sop pele mat mame mimhar fiofa enfuhe en lien iterispar e fendumat rit riboen pelitamat sop ae pelita saetsop tamtori ren resil iten erome melamat.
34
Carimana entit pelita tendir saet corimana fia penyeksehe tendirtit saet sop saen rarmo.
35
Samomat saet fanggomu-fanggomu saet mela aen warilon tanim tapse aenofe rarmo.
36
Saet tendin daen mela sop tapse aenon ebema sop rarmo tendiri tit sop mela penyek sehe saet enofe samo ribon pelita mela etapar ihi rilat melamatfia."
YESUS SES RASNAR TAMTORI FARISI SOP AHLI TAURAT
37
Delyak Yesus delyak esrakri tamtori Farisi rihime epe anpana et sop oma op maros sop pelanpana.
38
Mat aenon tamtori Farisimat popraptan samo yorome et tapse sisma ehomtan matan tinpana.
39
Namun Tuhan esrakri ebope,"Tamtori tamtori Farisimat enofeut sisnar yoryaknar melamur rapo sop piring,tafunsop aen warilon tanim daen et turferiok sop rifenar fetes.
40
Hai tamtori-tamtori bodoh baen et sop ofeinarien melamuar baen ofeinari fia ebe warilon?
41
Saet aryak nar en sanpana enon ihi warilon it enofe sonisim saet dapare yam aen melmal-melmal fia.
42
Sop saet aop aenfetes yam tamtori-tamtori Farisi saet yam aturfris perpuluhan afo uren delyak inggu saet penyek endu-endu he afasnar aen witilon saet yam enduetap ebefia sop aurfe Arpames aenohofia yam afeinar penyek sehe endu-enduhe et tafen aenohofa endumat luslo.
43
Endu afeiohofa yam tamtori-tamtori Farisi sat yam men mameros en pelemat fia en Sinagoge sop yanima mure morim aurfe en pasar.
44
Enduafei ohofa yam saet yam fehaet fipi mat lahap fare sop enes ralolau-ralolau fenduma lap fendumat omnas."
45
Samo tomtues ahu Taurat esrak ebope Yesus,"Guru saet tit yesrak endu-endu he ut uma aenanimim,"
46
Saet sop Yesus boufri yam tam aen fetes endu enduhe ahli-ahli Taurat saet yam apalahi endumat mafo en rierfar tamtori lus saet taman ubema eyorpar fene endu iti enon maparates saet.
47
Aop aen fetes yam saet atit etiak pama saet nabi-nabi saet afunpare saet labahis.
48
Aenyam esrak ebope penyek tamtori ritoma yam yam boufe endu wifei tapun laba fendumat yam atut prari nabi-nabi mat tafun yam etiakaha lipimat.
49
Titsop behefei,Arpames warilon hikmat sop esrak yatsop yakispar nabi-nabi sop rasul-rasul ribope fendumat tafun lus yam ren tamtorimal yatyokispar et sop parari sop afei fetes.
50
Tafun sila penyek nabisaet firi palpar saet frapelpilpar fendu belbul ofei iten uren engenerasi tit.
51
Samo en sila Habel itomap sila Sakaria saet rifan pare sop renon mesbah sop baik Arpames.Ya,yau yesrak ebope aitao generasi tit saet ebema erfar aenofe endumat tit.
52
Aen fetes yam ahli-ahli Taurat saet yam sop atit kunci sop omnase saet yam uhimmal tapse bou ahil enen endue-enduen tamtorimat lus sop ehil.
53
Samo Yesus tanifei pelemat saet ahli-ahli Taurat sop tantori tamtur tamtori Farisi rife reul ren sop rirome sop enofofa yohim taru.
54
Fendumat riki enon periedod Yesus sop ehimtari sop esrak.