Pasal 12
RAFEFI BAHE DOBRI YAHUDI
1
Aenno fetse samo renon sefa tamtorimat rikienon renon sop ralolau Yesus sop esrakri ebope yam naturi samo matan," fanggomu-fanggomu etsaet ragi tamtori-tamtori Farisi, sop rafefi behe.
2
Saet tapse ainon saet tektilfan saet tapse aen afok amon sop memimnar aer tapse sop ofnawi.
3
Samo mat sop hofa sop yam mesrak en warilon rarmo saet moflaok ren warilon mela saet sop yam etcil sop sop warilon kamar saet mesrak rien yatse tap-tap limu.
NENARIR TAFEI ARPAMES
4
Yau yisrak yibope,hai maromat baen nenan afei ribope fendumat riten riatut rerper tendir saet sop tafun sop,Tapse ait fo sefa merur ero.
5
Saet yau sop fanggomuk aur ferer fehanta sop aen yam nenarim;nenarim ribope et sop delyak afun pare saet tapul arepar yam ainon warilon fendumat ya.Et sop aen yam nenari.
6
Tapse limmani pipit rijual weyan lu keping se?Saet tapase tes saet en mani-mani sop saet etrim yaluf sop enne Arpames.
7
Saet moririyot dobrirau rendobri saet morimaot baen nenan yam meno to sefa weyan enon sefa mani pipit."
FANGGOMU IFRER MENSOP RI DALTARE YESUS
8
Yau israk yibope,yamlus fendumat saet boufe yau maene tamtori lus.Saet sop bou ferer natun tomtu enri malaekat-malaekat Arpames.
9
Tomtutes sop momnasyau en matan tamtori lus uma sop sangkal aen matan malaikat-malaikat Arpames.
10
Saet hanta sop et serak endues en dapuha somne natun tomtu it ofok pari aen aen ahi hanta sop dem kilo fanggomu omtu tapsop afok pari.
11
Samo fenduma ritop en Sinagoge et matan ren dobri sae urenmi sop ratopul baen fituk afo ofyak saet sop enohofa yam esyor tani tani nofa ensanpana sop yam esrak.
12
Samomat saet sop ema fanggomu omtu et srak-sarak erer ensampana etbe yam afei ainon sop yam esrak."
ESRAK EYALE FEHAET TAMTORI KAYA
13
Tomtues ren nofe tamtori sefa sop esrak ri ebope Yesus,"Guru Aari lafumri sop waheafei uma."
14
Saet aen Yesus esrakri ebope,"Lafukri ham besop esrak yau enini hakim enohofa pengantara yatse yam?"
15
samo Yesus esrak ebope fendumat aendar-dar sop fanggomu yat penyek endu barsa sop saet Ebema."
16
Samo Yesus esrak eyate ebope fendumat,aenon wane ebema tomtumat saek kaya sop urfri sefa malse sefa pelakis.
17
Saet tomtumat sop fanggomu warilon fituafo,'Esanpana enau et be yam afeinar saet yau tapse endumat tam pelemat sop abon ainan sefamal ekis?'
18
en saet esrak,'tit sop yau yafei,yau sop yalelelnar ribe lumbung-lumbung mat rit ritiak aha saet sop dwahe,en sihaet yau sop yapal ok penyek sehe sehe gandungmat endu-endu barsa-endu barsa.
19
Saet yau yisrak yibope tanyak netu,'Haitanyak netu ut ubema sefa endubarsa mat mipal enon ren yame-yame mnai omnapar en pana rani sop renonfia-fiafiahe!"
20
Saet Arpames esarak enon ebope tamtorimat Haitamtoribado pam tit yam tanim netu sop ait tanimtan aholok hanta sop yambe endu barsa-endubarsa saet yam mipalen saet?'
21
Homap saet sop afei tamtormal saet ripalen endu barsa en tanirya ebema saet tapse kaya enihi Arpames."
NENAM AFEITAP
22
Yesus esrak ebope natunri-natunri saek sop yau yesrak ebope baen fitunafo fafrak tap fewenon matit fe ensampana et yam atina afefitumafo fafiak saet wahopapfe ensampana yam atit.
23
Saet yenon sefa sesya enofe haet pana sop tani sefa sisya enofe moyo.
24
Arone mani-mani helanapo fendumat tapse ri afas fetap riakis fendumat rima tapse ribema gandung aen nohofe lumbung saet Arpames urfri fendumat rimpana yam aennao sefa weyan ribema mani-mani het.
25
Saet hanta yamnien sop saet fitum afo fafiak saet Aurfuero sehastahe umaumur wenon?
26
Samo yam Tap ati taen afei endu-enduhe saet endu-enduhe henetu tit,aennohofa yam fitun afo fafiak endu-enduhe lus?
27
Aop aenfiahe bungan bakun endut aen nohofa fendumat oboitaha.Bunga-bunga tit tapse ersa monsomal eit sae memintal aenahi yau yesrak yebope,saet Salomo warilon en fiamal se sop tapse eisor mayo mat fia rennofe bunga-bunga tit.
28
Saet Arpames mendandani wohlabi ren witikon aen waheto tit oboit aha sop amer atepar aen yafu warilon tapse matit sop mendandanimu aodapare ribema wohlabi tit?Haiyam tap snanyak e!
29
Ainon baennela yam mohopape ensama sop ritsop yam atim hofa ensana ritsop yam mesmus saet baen nela cemaskannya.
30
Saet fendu-fenduhe fenduit rahopape ento penyeksehe rene mamsebe omnasen saet yam atur onrak.
31
Arispare tahopape Kerajaan ARPAMES sop penyek sehe sop uma aurfuere ebope."
32
Baen nenam afeitap hi kawanan netu saet mam ateaha Aur feren ebope Kerajaan tit.
33
Juallah penyek sehe saet yambe sop urfiri sedekah.Ebema eryak tapodoisen sop tapse aiten fehare saer endu barsa ren surga sop tapse iten tapse malse,sop tapse iten etit feno en nohofa fetes fehae ngengat.
34
Saet sop pele endu barsa ren enihitit saet fitum afo enon."
TOMTUMAL EN MAKI FIA ETAAE TUGAS EN
35
Atemaha fumyalifu saet riafau sop pelita-pelita aen apornar.
36
Saet aennofe tamtori-tamtori yam menfan tuan ama en domo pernikahan saet fendumat titop sesya afokfri ramtan samo saet tuan sop ama saet tatuk ramtan.
37
Turfemima hamba-hamba saet ekispar ihittuannya aenfame afarahi,samo et ama yau yesrak yebopeu,melmalse,et sop afau fuya lifu saet esrakri sop aenfane tamtori-tamtori sop rimeros tinpana,letsop ama en esrak fendumat.
38
Samo tuan mat sop ama saet manapar pani saet arahaptit saet auraen fendumat ren rifeinar atuahititse aurferon fendumat!
39
Ainon omnase saet saet tamtori rifir limu riomnase frolami amneifa feno riamanar limu et melmal tapse saet aurfi limu dibodol.
40
Sop saet enyama afarahi maenahi maen manfan u saet atum tomtumal sop omap ensaat saet tapse yam sangkala-sangkakala."
41
Samo,Petrus ehimtari ebope,"Tuhan ensampana ut wesrak wiyale tit enmi sop wibope penyek sehe tamtori rima?"
42
TUHAN esrakri,"Hanta dabu pelaya saet fia bijaksana sop snanyak ebe tuan ebe warisan sop hamba awi luslo et urfri fendumat pana samo em fia.
43
Maedi urfri hamba et sop samo tuan ama aur aenri et sop afeinari tugas.
44
Yat yisrak yibope melmal tuan tit sop ofirnari ebe mengawasi penyek ribemaendu.
45
Saet sop saet hambamat en esrak en fituafo warilon."Tuanmat tapse saet sesya oma sop aen afun hamba tomtumal sop hamba mofni lusma saet samo rimpama sop ramesmus rani en moritut,
46
Saet sop tuamat oma ensamo et tapse disangka-sangka tapse omnas saet hamba et,sangtuan saet efun pare hamba tit sop ekispar ihi ritilut sop tamtori-tamtori mat tapse remfia.
47
Tamtues hamba saet omnas warik yaryakehin tuanmat mat sop tapse ainonihi aenafeinar aen nofe wariyaryakenimi tuamat sop itemo efun.
48
Saet,ham en tapse omnas ensanpana et be waryak Ehim tuanmat sop ofeimar endu-enduhe en mofna rito rifun et saet ritop rifun sop sefa mantuen.Enon tomtumat aet urfrisefa ekispar sefa.Et fendumat ren rasnanyake safsefafahe sae esrak ihie fesafsefahe.
YESUS OFEIPE AFOK PARI
49
Yau tuan oma samomat yafu seehoe en fendu warilon,tit yau aenmu yafumat opornar delyak!
50
Samo mat saet enon baptisan saet harus yauyat yihalile saet yau omnase melmal ofastan etuihi endu mat etuihi.
51
Aen nohofa yam momnas epe yat yomi ube yitoma fentifia en afo fendu warilon?Tapse yau yisrak yibope aen nohofa pefaryaknar!
52
Aenmahi arahap limtamtori warilon tehe ehon naturi sop riofris aen toul tamtori masop dobriha somnari tamtori lumat saet tantori mat dobriha somnari tamtori toul.
53
Fendumat sop pfris mansaet sendafe afeie natun tomtu matun tomtu sendafe afeie taman tinan sop sendafe afeie natun mofni natun mofni sendafe afeie tinan-tinan laon sadaf afee tinan laon laon tapun senda feofei tapun laon taptin laon sendafe ofeie tinanlaon.
ANGKER YITE TAFUN AMA
54
Saet Yesus esrak e ebope tamtorimat sefa samo yam mirome melme ekim obon falwar ondi yan sesya esrak."Mbrofimat opor mbrof melmal-melmal opor.
55
Samo yam momnase maromat ehuroma ripu yam esrake arahan tit mofnamase sop endumat melmal-melmase ofei.
56
Yam tamtori munafik!"Yam ao ankeratit confu onofu sop fendu warilon saet edu enohofa yampap afeia samo tit?"
57
Esanpama yam wihimal pakafeia akispar ensampana saet melmal?
58
Samo yamao retilut Bare saet tafar ao dobri.Tafetare saet tafetare aopar ehla rilat warilon rara mblohe saet ritap aok tit ribope wihi sop wihi saet riturfri ribope pengawal sop pengawal saet sop.
59
Riafok pari ren kawa limu warilon yat wisrak yibope yam pak marak aen sihaet membayar enduyur aen persen sop atuanitit."