Pasal 5
Yohimu Aenofe Penjala Tamtormal
1
Samo tes ritamtori sefa riki enon pele tehe sop roflae fentialo Arpames samomal Yesus etuenoupaar rabo afo Genesaret.
2
Sop erome yo lu renrahafen en ourowar rabo, somo mat tamtori ramarak ren wo mat sopnas rafe rinar jala ribe.
3
Yesus ehaha womat Simon be, sop fyaar Simon ut edak wo ahuk las aen aftau las samo, Yesus maros en sop esrak ritamtori sefe en wo Afo.
4
Sae sop esrak ri, Yesus esrak Simon pe, "Ao pele Bou sop atepar ube jala ubu sop yamdedot ina."
5
Simon boufe, "Guru mim mifei erseya pani mbamal tit mim tapse lahap mait endu stit! Saet ube yirar yamap yat yater parjalait.
6
Sop samo fendumal rifei, fendumat Radedut sefe ina hop jala fendumat ferararyak nar.
7
Saet fendumat rof nau ripe rima amap tendimaro mat. Fendumaat rerwo saet lusma sop riamanar sorok ri. Fendumat samo rimina tani maro mat fendumat rasesor wo lumat daen iria nahe sop wo fendumat Da petrok.
8
Samo Simon Petrus erom endumat tit emaife enco fuar Yesus sop esrak e, "Aop tanim afea, Tuan saet yausait Tomtuk yenon ehla!"
9
Saet ete penyek tamtorimal riminar penyek sehe rom nase rapopraptan yatse sefamalse ina mal fendumat radedot.
10
Saet sop Yakobus rilat Yohais ma natun Zebedeus, saet ebe tani maro saet Simon, Yesus sop esrake Simon, "nem afeitap erahapti yam sop mejala tamtormal."
11
Saet sop Tamtori riyok wo fendumat riyok fendumat fendi rife endu-endu he sop ritaden Yesus.
Tamtori Yam Mesai Kusta Bebu
12
Waheto tes Yesus enon sao mates ensaomat entomtu mat tanimat daen Kusta. Samo tomtumat erome Yesus et ofahiedarehi cofu eho wani sop sensene omae, "Tuan saet ut bou,ut tit yamo bebuyau."
13
Sop Yesus erakit ma sop ofe tapul etamtumat esrak, "e Yesus, yau yabou enofei bebu samomat sae sop mesai kustamat opare.
14
Saet, Yesus esrak ripe tomtu mat pe esrari rilus baen serak rifendulus sop esrak, "Ao tanim ofnau ri iman pe turfia persembahan korban yats pebebu endumat ofei-ofe eyaure fe Musa farebon ni fendumat."
15
Yesus be wini matit ritop-ritop penyek sehe rofla sefe tamtormal riminar rikienon sop rofla ep sop et afeiri beburen mesai fendumat.
16
Sae Yesus enen o pelemat mamuhe pelemat etamu tapse sop afei mesoi.
Tamtori Mat Eri Dobri Tot Sop Bedu
17
Samo waheto tes Yesus eten mengajar Tamtori Farisi sop ahli-ahli Taurat matsop rimininar penyek seren sao wilayah Galilea, Yudea sop sao Yerusalem sae rameros ento. Sop kuasa Tuhan ureni Yesus saet sop iteni ofeiribebu Tamtori sefa.
18
Sae rirome Tamtorilus redirit Tomtu ael Dobri tot riboen pena afo pele ehuhar. Sop fendumat Tifetar ritoe Tomtumat ribon depan Yesus
19
Samo mat sae fendu lahap riarome rara mat rititaoe tomtu riecil saesefa tomtumat, rediaha fendu en yatce pamorau sop rifok pare tomtu ae dobritotma sae rilat pele ehuhar en molmal se pele Yesus.
20
Samo rirome iman fendu,Yesus es rakri,"Hal lafuk ri ehla yambe tam yahohus."
21
Ahli-ahli Taurat tamtormal Farisi sop ramsom simtar, "Hamta tomtu matit menghujat Arpamet tit? Hanta saet ebe sohusfe ehlo saet Arpames sebe?"
22
Samo Yesus onas feribe fanggomu fendu sop esrak endu ehofa yam mihimtare ensampe enduen warilon fitum?
23
Afo ensampa mendu befia sop yisrak yam ehla-ehla mahohus sop etlak aha sop salilo'?
24
Yat sop yenfanyam momnas pe natun Tamtormal tapul en fendu warilon sop yama afeipe sohus yambe ehla, "Yesus esrak enon tamtormal yam sop etrim yalufa, "Yat yisrak yam etiak aha editit ube pele wihuhar wen sop ao."
25
Riyalen saet sop Tamtormal riu rifaren matan penyek tamtori malso rur penama ehuhar' sop riunar sop rasnanyak e Arpames.
26
Penyesehe tamtori tonmas erira hes wis sop rasnanyak e Arpames. Soptanibilu ehile dwahe saet sop dwahe ARPAMES, fendumat esrakri waheto tit yam arome endu-endu orak fia!"
Lewi Etak Ene Yesus
27
Delyak sop Yesus omrak sop eromri Tamtori rikin nar Pajak ebeha Lewi et maros pele rikinnar Pajak.Yesus esrak e pe, "Ut ataan ya."
28
Sop Lewi mat etiak tani feiye nyek sehe sop etakene Yesus.
29
Samo et ofei Domo dwahe fe Yesus En limu sefa rimi Pajak sop Tamtorimal lus marin pana riki enon fendumat
30
Saet sop Tamtori Farisi sop ahli-ahli Taurat rimi riale sop natun Yesus. "Ensana yam mimpana sop masmesmus mikienon rikienon Pajak Tamtori ehla?"
31
Yesus Boufri sop esrak rifendumat, "Tap tamtori fia be rihimmu tabib saet Tamtori mesai.
32
Yau yomi Baen sop yohim yam Tamtori Tamtori melmal saet ri ohimri Tamtori ehla sop fendumal Fia."
Tamtori Farisis Membandingkan Naturi Yohanis Sop Yesus
33
Fendumat resrak e Yesus,"Natun Yohanis Pembaptis lahap Timpana sop rifei mesou, feyae naturi Tamtori Farisi.Samo naturi ranen panasop rasmesmus rani."
34
Yesus esrak ri fendumat, "Miten Yam eyaar para ritaane urfri Tamtori sop rima berpuasa samo iferori Tamtori mat renon rikienon Rifendumat?
35
Samo waheto it sop oma, saet sop urferoe Tamtori mat rit en Fendumat, sop samo waheto etsop fendumat ren puasa."
36
Yesus ema ema esrak ri perumpamaan tit sop fendumat, "Tapse tamtormat sop aryak aryait tibulas mayo fe mayo saet fofou tap fe tampal mayo mat sat moru. Samo aenon ofelani temtormal saefetes mayo mat fofou, sop mayo mat benimtan.
37
En mayo mat mot fotou et tap sop dapar etsop mayomat en moru. Samo en tapse enon Tomtues mat sop en sop rerarnar anggur fofou sop ahor warilon tapo wali tafun anggur mat sop fapal paraen tapo walimat farara yakmar.
38
Anggur fofou rit sop aboal non warilon tapo wali enfofou.
39
Tap tomtu es sop aenon amus anggur moru Bou rimesmus anggur fofou saet fendumat risrake, "Anggur En moru saet top fia."'