Pasal 6
Yatse Waheto Sabat
1
Samo tes sop waheto sabat Yesus salil ok ehelok ladang gandum sop samo rit naturima rikis fo beberapa fo gandum ralalosta-ralalostan mori fendu,sop rim.
2
Beberapa Tamtori Farisi rinimtare, hambe eyar yam pela fei Endu mat sae baen afeitap samo waheta sabat?''
3
Yesus Boufri fenduma sop esrak riyam corim ahi aiwali sampana endu et tafeia. Daud samo et en ri Tamtori mat romnas melihis.
4
Saet sop hofa pe warilon Arpames limu ritit roti periafei mesoumat rinsae urfi sae rima Tamtori ren rikienon sihat yam pak atina tafun para iman?"
5
Saet Yesus esrak ri yam Tamtori Farisi et. "Natun Tamtormal saet Tuhan yatse wahese Sabat."
Yesus Ofeinari Bebu ri Waheto Sabat
6
Samo waheto sabat sop oroma ero, Yesus O Sinagoge sop esrak riten pele matit enon Tomtumat sop ana holihema dobri tot.
7
Ahli-ahli Taurat sop Tamtori Farisi reilaltane Yesus endu pelatu ensampana et sop ofeinari bebu samo waheto sabat saet fendumat rifetare alasan so ema aen ehla.
8
Samo mat Yesus omnas fri fenokmat fanggomu ribe et esrak ri tamtori mori totbe, "etiak sop atu aen molmal. Saet Tamtori mat ratetuak sop rifar en to.
9
Yesus esrak rifendumat,"ayat yisrak yam penyek sehe,sampana endu sop yafei samo sabat waheto sabat:Yafei fiafe yafeifetes?Dardartanim netua pelafun.
10
Samo eco ehi eyale renfendumat penyek sehe Yesus sop esrak ritanitormal renmoritot riafari naremim sop bebu.
11
Saet sop Tamtori Farisi sop ahli-ahli Taurat oteiri are etut sop resrak saampana endu et.Temtori tafei Yesus.
Rifirnar Snafu Lu Natunri
12
Saet waheto-waheto Yesus eha-ehaha salo sop ofemesou sop eno et ofei mesou fe Arpames pani mblamal.
13
Amer omrar mo et ehimri Naturi yam afir snafullu Tamtori renri fendu mat tamtorima redetri rasul.
14
Simon saet ema rihim ebeha "Petrus",Andarias lafun Petrus,Yakobus,Yohais,Pelipus,Bartolomeus.
15
Matius,Tomas,Yakobus natun Alfeus,Simon saet ridete tomtu Zelot,
16
Yudas natu Yakobus sop Yudas Iskariot haet en nofe penghianat."
Yesus Esrak Ri Wihi
17
Saet sop Yesus ripara Rasul rabes srus et etuen peletes sop fia.Sop rimi nar warfu dwahe para naturi sop Tamtori sefa sat riminar penyek sehe wilayah Yudea Yerusalem penyesehe ren daerah wanafo sao Tirus sop Sidon.
18
Fendumat penyek sehe mehai fendumat sop Tamtorimat sop foman recili klori etsop ofeimar bebu.
19
Penyeksehe Tamtorimat rifetare perihafe Yesus aen kuasa omrak ren et ofenari bebu fendumat penyeksehe.
20
Yesus ecook eromi natun ri ensop esrak ri Diberkatilah yam men miskin saet yambe Kerajaan Arpames.
21
Diberkati yam sop ara hapmitin sop yamtit melmil.
22
Diberkati yam Tamtori mihitya mareranarya meteparya mifelyabe Hak titfetes saet natun tomtumal,
23
Atit momlo samo waheto yam momnase fia,saet fomflakmar atit molo saet ubefia dwahemal en surga:Saet ofei ofe enofe tapun ri tapun labahri fendumat rifeinari para nabi.
24
Sop saet tofete yam kaya saet yamtafu atur aen ainonfia menom.
25
Fetes yam meuon matit melimda tafun yamsop melimsis fetesyam sop menon matit sop melmil tafun yam atin.
26
Fetes yam menon penyek Tamtorimal merak enon hal-hal amfia feube tamim fehaet tapum labari fendumat sae resrak fe nabi-nabi palsu."
Senseni Bare
27
"Saet,sop yau yisrak yibope yam ofla yau aturfi bare sop ensanpana fiamal ribope tantu saet minite.
28
Aurfiam Tamtori saet ebaryam sop ehla mifei fefendu mat femarmoriyam.
29
Feat tamtu mat sop ofeak faboal,ateahae amaureni rit lus.Saet ribope rirafrerok nare mayo mal,baen riyorpare sop rafrerormare mayo matsaet.
30
Rurfri ribope yam tamtori sop minime ebope sae yam tamtori atari yambe endu,baen anime arispar ahim eroe.
31
Winimal Tamtorilus endut wemo hopap yam mihau tare endupelafela fendumat.
32
Saet yam men murfiam fendumat urfiam yam,en sam pana endu etbe yesnamyak u sop ribope?"Saet tamtori mat rifei ehla mat urfri tamtori tamtori lus urfri fendumat.
33
Saet yam men mifei fia ribope tamtori mat sop afeifia ribope yam.Melmalyam miten masnanyak e?Saet tomtumal ofei ehla sop rifei endu-endu sop fe haet.
34
Saet yam mitenendu barsa riboen tamtori lus saet safene endu mat sampana yesyananyak u sop yaurfu endu mat saet tamtori rifei ehla lus fehaet fendu mat iten ifyam erispar saer saet sop mayot fehaet.
35
Saet fehaet turfe baremat saet afeifia,turfe bare mat sop Afei endu fia,turfri apal ainon obope tamtori lus tapse ainon safu aurfu relatfeae yam sop turfia amdwahe aenyam sop aen mofe abori netusoe enaha fehaet Arpames saetfia comao Tamtori mat tap omna seturfri saet enkilo.
36
Saet sop ahautar yam tahautar sensene fehaetfe mamtam ema daen sop aurfrip senseni."
Baen Menghakimi Tamtori Lus
37
Baen tafeitaenfia saet yam tapse tafunaop aenfia.Baen ahuk aenhila.Afokpare sop uma riafek pare.
38
Turfri sop saet Tifu robope saet dapare sopfia sopritit aen,sop rikin omo endumat safsefahe,sop saet ri apalok aen pum afo,saet sop angkerti-angker sop yum afei saet angkerma,andumat saet angkerti ero ribope."
39
Yesus esrakri ebope fendu fe fnaotit,"itentomtu comana tapse ait aentomtu comana tapse?Tapse fendumat lu rilat rame rurok warilom fnou.
40
Tamtori mat matunrimat tap sefa recole ribe guru mat saet sop lustamtorimat sop delyak terlati saeri aeno fetamtorimat delyak terlati saet renofe fendumat ribe guru.
41
Ensampana yam mirome ai mennane en corimana lafukri.Feyae yam tap omnase bolok aren corimana ubema?
42
Enohofa yam miten peyisrak yibope lafukri,"Lafukri,afokpare omrak memane aimat emcomana."Saetsop yambema Tap arome balok ai encomanamal?Hai tamtorim fetes omrak e matan balok ai enon comana ubema delyak sop yam atit aen arome saet esrak ao saet omrak e ai momna en comana lafumri."
Ai Mat Fia Urfere Fo Enfia
43
Ai mat fia tap aur rerfo sae fetes,sop aimat fetes tap Tap aur fererfo malfia.
44
Saet ai mat tomnas en fofehe sop aurferer.Tamtori tapse riakim fo ara enwolodori sop akisanggur en wolo warilon.
45
Tamtori mat fia ramarak endu-enduhe fia enfitu afo mat fia sop tamtori mat klori rit ramarak endu-enduhe klori en fituafomat kroti.Ensampana sop marak den warimfnou tamtorimat menon saet ensampana sae daen fitum afomal.
46
Endu ennoho fabe yam mihim yau; 'Tuhan,Tuhan' utsop tapse mafei asenpana sop yau israkri?
47
Yat sop wifnau yibopefenaet Tamtori mat riminar ribope sop roflae esrak ripe afeinar.
48
Etfe tamtori mat rediana umutes,sopreil renisyo ribon fondasi en afo fati.Samo belmo ama mat ait erok ao limumat saet tapse ait atope limu mat rediana e rifei somne.
49
Saet Tamtori mat roflaet esrak ripe aen Tapse moflae atfe Tamtori mat ridi ahael limumat wane afo tapse fondasi.Samo belmo ama limumat aot sop den ainon afei lelel nar fedwahe."