Pasal 4
Deldale Yesus
1
Yesus tam daen fanggomu omtu erispar en Yordan. Samo et urenlet fenggomu omtu ofnawe witilon belantara
2
enon waheto snafut fau. Saet sop foman oma deldale et tap anpan fetapse malse enweho waheto mnai.Saet delyak etuihitit,etsop molyas.
3
Sop foman esrak e sae ut Arpames benatu ari fati tentit aen nafe are sop,"
4
Yesus esrak e,"enon eter enon," Tamtormal menon are tape etma."'
5
Samomat foman mat itoe Yesus en pelemat enaha sop ofnawe e penyek sehe ebe sao fenduit penyek sehe.
6
Sop foman esrak epe, "Yautit aifu dwahe sop kemuliaan yatse penyek sop yat sop yaut fam sop yau tit yau yaurfiam tit hambe emniul yau yonau tare.
7
Ofei sop ut mim turfe, penyekse et aenahi ebema."
8
Sop Yesus esrak, "Enon aiwali, 'yam yama morim aturfe Tuhan Arpames yam saet sop yama yam sop yaur fia."
9
Samomat foman esrak e Yesus tao Yerusalem sop esrake Yesus, "Sae ut Arpames benatun, atepartamim adar ahi fuhe,
10
sae eter enon etfe, Arpames et aari malaikat-malaikat sop ridardaru."
11
Sat sop mori fendumat, fendumat sori edot u sop aimtan tap fon fati."
12
Yesus esrak foman," Enon eter enon baen deldal ya TUHAN ARPAMES yau,"
13
Samomat fomanmat delyak deldale Yesus etotani feiye sop enfan e yainon samo teslo.
Samomatan Pelayanan Yesus di Galilea
14
Yesus erispar o Galilea sop fanggomu omtu ehile sop esrak ri pe tafun ahalsop penyek sehe eyalri.
15
Saet sop pelafe mengajar di sinagoge sop penyek tamtormal rasnanyak e.
16
Samo Yesus op en Nazaret, Sao pele riafe fedwahe. Fendu rafe fima sop Yesus open sinagoge samo waheto sabat sop etuen ri membaca,
17
Ai wali Nabi Yesaya urfri sop saet ofok kitap sat sop erome pelemat eteren,
18
Fanggomu Tuhan enon samo et sopri mengurapi yau sop esrak ao wihi fia satsop tamtori mat miskin et ekispar yau et urfri ofokpar saet ri paratawan sop aris pare arome satsop tamtorima corimana untam,saet ofopari tamtorimat ren tertindas,
19
Saet sop esrak ri yame rahmat Tuhan sop oma."
20
Yesus telul fan aiwau saet it ferori rijabat limu ibadah, sop tafun etmaros corimana penyek sehe ren warilon sinagoge soe fe ribal en ube matanim.
21
Saet, Yesus mat sop esrak iri fendumat,"Arahap tit fone endum sop eter Aiwali Fia tit sop yam ofla e,"
22
Sae penyek sehe tamtorimal rifelen melmal sop samo rapop traptan edu mal esrak enonfia sop omrak en ribe werifnoumal fendu mat resrak, "Bae yattit et tit natun Yusup?"
23
Samo Yesus esrak riyam fendumal, "Yam afarani sop snanyak wihi maltit sae yau, "Tabib, bebu ube tanim yambe tanyak mim mofla endu-endu ne saet ut wifei en Kapernaum. Uma afei ao ema aen ema aen ihi tit sao ebe pele yabema."
24
Samo et esrak, "Yau yisrak saet sop melmase tapse ainon nabi es yam atite denebe ma sao ebe.
25
Warilon melmal,yau yesrak yampe sefa adak amfendi Israel samo Elia samo onofu teltilfan enon toul snafut en limtes samo melihis sefa ofeinari sefa enihi saet penyek sehe fendu it.
26
Sael tafun Elia tap riakispar hanta sop saetsop Tantorimal adak mofni en sarfat en pele Sidon.
27
Rit enon moritut kusta en Israel saet samo nabi Elisa saet tapse aen tamtormal mat sop fendumat sop riabon ero saet Naaman, tontu Siria be."
28
Samo moflae wini-wini he tit,penyek sehe Tamtormal ren warilon sinagoge et daen klorihe.
29
Samo rifaren fendumat sop riyoknar Yesus rit rimrak e ensao mat, saet itop salomat enaha pele sao fenduri bangun saet nahak pare enflafufu.
30
Saet somo ehol ri enri molmal se fendumat sop ao.
Tamtormal Tomtu Rifok Pare Enfoman
31
Yesus okaper naum,enon saoen wilayah Galilea, Es rak ripe sefa men waheto sabat.
32
Fendumat Rapopraptan samo esrak ripe saet yesrak ri daen ebe dwahe.
33
En Sinagoge, tomtues tomtu malfoman roh saet najis tomtu mat ilabrar mar ila dwane,
34
''Afok par mim mainon! Ensampanaet be mimma mafel Hai Yesus Tomtu Nazaret? ensampana et be ut wimiwifei emim? Fetes? Yat yimnas uthanta ut fia en Arpames!"
35
Samo mat,Yesus ofei roh foman et esrak en, omnapar! Wimrah wihil en tamtormal tit!" Sae sop foman anat nanyak ri tamtori mat en sop tapse ofei ere omnase.
36
Saet sop daen,penyek Tamtori rir renonihi esrar ihitehe soprilus, "esrah ihi tit? Saet sop dardarebe dwahe, et tapul en roh-roh najis sae sop fendumat ramarak."
37
Saet oflae Yesus resrako pele penyek sehe pele mnai pele e penye fenduit.
Tinan Laon Petrus Ritamtori Ofei Ribebu
38
Samo, Yesus tanifei limu mesou et sop olimu Simon. Sop et, tinan laon Simon tamtani erare e naha, sop rit fendumat rihime Yesus so oferi bebu.
39
Sop rifarse Yesus opraruk Tinan laon Simon sop ofei kilo sop en mesai en bebue seimo etsop Tinan lao Simon mat etiak aha sop Enon melayani fendumat.
40
Samo fro edarihi pele srok, penyek sehe tamtori ur oma amfedi abori fendu rima romnas mori endu-enduh mehai oma e Yesus samo Yesus ma obonnie yatse fendumat rentes-tes sop rabeburi fendumat.
41
Foman-foman mat ramarak retamtori sefa soprirasnar, "Yau hait Arpames benatun!" Saet sop Yesus beofei fendu, ritapse ofok pari fendu risrake yam fendu mat romnas samo fendu omas pe saet Kristus.
Yesus Berkotbah Ensao Sao Lus
42
Amer omrarmo pamimahe Yesus op en pelemat etamu fetap saet sop ehakbehe en samo fendumat fendu mat rifetare refefi behe et pak tani afei fendumat.
43
Samo mat, et esrak ri fendumat, "yau sop wessrak yam fentialo Kerajaan Arpames en sao-sao Lus samo ube ma titma yau yakispar."
44
Lus, Yesus Berkotbah Sinagoge en Yudea.