Pasal 3

Yohanis Senseni Rani Ripalri

1 Samo yame lima belas saet pemerintahan Kaisar Tiberius samo Pontius Pilatus Gubernur Yudea, Herodes enofe raja Galilea Filipus lafun Herodes enofe raja wilayah Iturea dan Trakhonitis, "Sop Lisanias enofe raja Abilene. 2 Hanas rilat Kayafas enofe imam agung oma fentialo Arpames sop Yohanes, tam Zakharias natun en witilon Belantara. 3 Samo o Yohanis o penyek sehe fendumat rialen Yordan sop esrak ri baptisan afarahi sop sohus fiayam be ehla, 4 sop fe eterenon warilon Aiwali Nabi Yesaya: "Tit sop ron tamton ren rarorima en witilon padang belantara, rerma tafeinar rara ebe Tuhan Tafar nare rara ebema. 5 Pele porfo rer tafnemi tam saet sop salo sop pele enaha adar ihi afok rara mat eyal tafarnare sop ebe rara mat tap fia tafei fia. 6 Saet penyek sehe tamtormal yan arome ebe enon Tuhan!"' 7 Sop Yohanis esrak ri tamrormal sefa rimi nar pe baptis saet sop,"Hai yam oporini matomia beludak! Hanta sop hambe esrak yam pe moflof ao tendim et sop murka saet sop oma? 8 Ut samo mat urfere aifo-fo saet ofna werer tainon fia-fiahe baem ut esrak saet ube tanim yabematanyak,Abraham tam rebe tapunlaba rebe!' Yat yisrak yam memal se en fati-fati it Arpames afei petatiak aha natu ribe Abraham! 9 Sop arahap fara delak oboen ai rapi lon.Saet ai mal lahap atepar foo aimat rialus riater narater riabonok rietra,yafu warilon." 10 Tamtori mat tinim tare Yohanis,saet sop ensampana endu et be mim mamafei?" 11 Et esrak ri,"Hanbe tamtormal ube mayo renon baju lu mayomat turfri tamtori ri mayo tapse.Sop lus tantori yambe sop pana sefa saet ut afei emdufe wifei eto." 12 Lus nki nona pajak rima rimi sopri Baptis. Fendumat rihim tare Yohanis, "Guru, ensampana endu mima mafea?" 13 Yohanis esrak ri fendu mat, "Baen aok pajak sefe fe ;yam mikispar." 14 Lus bare amtorimat rinim tare e hofa mima ensampa nendu eta mima mafe eta?"Saet sop mima mafei?"Yohanis esrak ri fendumat,baen yam ahimri doise reroktur tap mat yam afei riehla,Dapar aen ubema gaji." 15 Samo penyek sehe tamtormal manun maem fane ama Mesias.Fendumat penyek sehe rasom simtare warilon fitukafo Yohanis,afe et Kristus afe baem. 16 Yohanis Boufri fendumat sop esrak ri,"Yau baptis yam yait ranihe sop tafun tamtorilus saet sefadwahe yat tapse.Rit sop baptis yam saet fenggomu ontu sop yafu. 17 Endu mal pela feimatan delyak enon mimbaba afo saet ferinar sino yahautare sop saet yakinnar gandum tam fia en warilon lumbungnya ritop,tetran ebe wilu en yafu warilom tap pak aper tea ehebe. 18 Fea et sefa wihiribon riluslo,Yohanis sra rak yam fenti alomat fe sefa tamtormal.

Yohanis Pembaptis En Kawa Limu

19 Yam sop sae Yohanis Herodes pe atuma raja wilayah yatse endu etsae sop endumal ofei ye Herodes ehon lafun Herodes,saet saet penyek sehe ehlah saet sop ofeinim, 20 Saet Herodes uroma sefa en yatse penyek sehe sop rihak pare Yohanis ehilok kawalimu warilon.
Yesus Ranis Ripal

21 Samat penyek sehe tamtormat ri baptis Yesus emari baptis samo mat sop et ofei mesou, 22 ono tani firifok sop fenggomu ontu opor sop enaha warilon enofe mani merpati sop enon ila oma en onufu sop esrak tit yabe natuk mal yabe yahesene ur yabe mayenon fanggo muk warilon."

Silsilah Yesus

23 Samo Yesus pelafei pelayanannya et yame eilale sop tul snaful tamtori romnasepe sae Yesus tamet Yusuf.Yusuf Eli natun. 24 Eli natun Matat. Matat natun Lewi natun Malkhi. Malkhi natun Yanai.Yanai natun Yusuf.

25 Yusuf natun Matica. Matica natun Amos. Amos natun Nahum. Nahum natun Hesli. Hesli natun Nagai. 26 Nagai natun Maat. Maat natun Matica. Matica natun Simei. Simei natun Yosekh. Yosekh natun Yoda. 27 Yoda saet natun Yohanan. Yohanan natun Resa. Resa natun Zerubababel. Zerubabel natun Sealtiel. Sealtiel natun Neri. 28 Neri natun Malkhi. Malkhi natun Adi. Adi natun Kosam. Kosam natun Elmadam. Elmadam natun Er. 29 Er natun Yesua.Yesua natun Eliezer. Eliezer natun Yorim. Yorim natun Matat. Matat natun Lewi. 30 Lewi saet natun Simeon. Simeon natun Yehuda. Yehuda natun Yusuf. Yusuf natun Yonam. Yonam natun Elyakim. 31 Elyakim natun Melea. Melea natun Mina. Mina natun Matata. Matata natun Natan. natun Daud. 32 Daud natun Isai. Isai natun Obed. Obed natun Boas. Boas natun Salmon. Salmon natun Nahason. 33 Nahason Saet ebe natun Aminadab. Aminadab natun Admin. Admin natun Arni. Arni natun Hezron. Hezron natun Peres. Peres natun Yehuda. 34 Yehuda natun Yakub.Yakub natun Ishak. Ishak natun Abraham natun Terah. Terah natun Nahor. 35 Nahor natun Serug. Serug natun Rehu.Rehu natun Peleg. Peleg natun Eber. Eber natun Salmon. 36 Salmon natun Kenan.Kenan natun Arpakhsad. Arpakhsad natun Sem. Sem natun Nuh. Nuh natun Lamekh. 37 Lamekh natun Henokh. Henokh natun Yered. Yered natun Mahalaleel. Mahalaleel natun Kenan. 38 Kenan natun Enos. Enos natun Set. Set natun Adam. Adam saet natun Arpames.