Pasal 2
Sensus Sop Ribon Yesus Kristus
1
Sat samo mal, Kaisar Agustus it omrak e wini yamna afei seensus yam penyek menon nihi fendu warilom.
2
Samo sensus penduduk samo matan penyek ren fendu warilon samo Kirenius enofe gubar (Wali negeri) di Siria.
3
Yam penyek sehe tamtormal esris par doyambena sao tes-tes yam aem yam mendaftar riater tanim.
4
Yusuf ema tani ofei Nasaret sao Galilea sop etak mare Yudea, o sao Daud ridete Betlehem et ema ekispar Daud betapun ri,
5
sopyam ut riater anyam aklan peele tehe Maria tunangan et so tentanima.
6
Samo Yusuf rilat Maria Renon Betlehem, fonesamo malfe Maria et sop pelabon.
7
Maria sop ebon enatun tontu natun werfaumal etsop rimponen mayo lamping so rimtawen palungan saet ripele tapse pe rima aop ri aen.
Saet Gembala Rirome Natun YESUS
8
Ren fendu matsae renon ini gembal man ren witilon sae sop dardarri raukirya domba fendu ma ren samo pani.
9
eriraneswis malaikat Tuhan etuenon corifuar fendumat sop Kemuliaan Tuhan melat etepar eyale fendumat sop fendumat nenari rifei.
10
Samo mat malaikat mat esrak ripe fendumat, "Nenarim afeitap sop oflaya yisrak yam fentralau fia sup yama atit owari dwahe rerpenyek sehe tenfendu it.
11
Arahap matit,riabo fere tomtues Juruslamat.Saet Kristus, Tuhan en Daud besao.
12
Tit farebun yama aop arome abori metu matrim ponen mayo lamping sop rihoren palungan.
13
Ofil narit, oma ero penyek sehe malaikat mat riki enon dwahe bare surgawi yam masnanyak e, Arpames sop esrak ini,
14
"Dwahe mat ebe ARPAMES enpelemat enaha sop renfia-fiafiahe ren fendu warilon sop ren tantormal sop ren ate aha rer.''
15
Samo mat sae sop malaekat mat tendiri fei fendu gembala sop res rispar riu surga sop gembala mat resrak resrispar feri lus, "Amap tao nar betlehem amap tarom e ensanpa na endu ofei enerer Tuhan esrak erer."
16
Samo fendu mat sisyahe riunar rirome Maria rilat Yusup.Sop abori netu rimtawen palungan.
17
Samo mat sae Gembala mat rirome fendunat resrak e tanifenti fentimal resrak enon fendu ri hare abori netumal.
18
Penyek sehe tamtori mat sop riflae sae sop rapopraptan afo endu-enduhe sop resrak ri gembala sop fendumat.
19
Saet sop Maria ureni endumat saet popraptan en fituafo warilon.
20
Samo mat gembala nat resris par ritauri domba-domba fendumat mat atekahae sop rasnanyok e ARPAMES yat se penyek fendu mat yam men mirome moflae feha et sop erak yam fendumal.
21
Saet sop fone waheto limfau, waheto mal risunat Abori netu mal,hamal ridete Yesus fehamal yam rifyam ri malaekat matam abori netumat en moli warilon.
Yesus Feabori Ritop Baitarpames
22
Sao waneto raferinar fewini Musa etuhhihaetse Maria rilat Yusup ritoe Yesus Yerusalem rito rife u Tuhan,
23
feruteren warilon wini Tuhan, "Penyeksehe netrimsan tantori werfau sae dikuduskan ebe Tuhan,
24
saet sop ife persembaha feha et sop ensampa esrak warilon wihi Tuhan, Ito mani hila'urolu sop mami merpati isromane."
Simeon Rilat Hana Rirome Yesus
25
Enon tomtues ebeha Simeon mat sop enon Yerusalem et sop en nofe tamtormal fia samel mal, sae aefanri deldale ARPAMES yatse Israel. Sop fanggo mu omtu dardar erer,
26
Fanggomu omtu mat Esrak erer samo yat pak yaper Tafun yarome Kristus et diurapinya Tuhan.
27
Samo Simeon oma ke bait ARPAMES ekispar ihi fanggomu, samo Yusup rilat mana ritoma Yesus fenetu ke bait ARPAMES sop riafeinar endu sop tap samar rikis par enon hukum Taurat.
28
Samo Simeon erome abori netumal saet sop rasnanyak E ARPAMES esrak en:
29
''En nihi ya Tuhan tafun utafok parya esrak aen min mae warilon fia emafe fentialomat,
30
sop cokimana it yorome ebefia,
31
saet sop ut wipale matan penyek sehe fendu warilon;
32
saet melamat etepar itop fendu-fendune fendumat tap rieilale Tuhan,sop saet afei alnon Kemuliaan fe umatmu Israel."
33
Yusuf rilat akori netu mat ebe tinam ofei rapopraptaru endumal Simeon esrak e,
34
samo Simeon mat ediahae fendu mat sop resrak enon Maria, Yesus betinan," Oflae, Natum matit be riboen rikispar sop alot ahisop etiak aha sefa tantormal ren Israel sop ofei nar farefe tamtormal sefa fendumat,
35
-sop limfau noba sop eho tendir netumat-, tafun ahoraer fetrorial afo tamtori sefa sop esrak enom."
36
Enoto saet enon tomtues nabiah rilat Hana,natun Fanuel saet Asyer betapun saet sop momlo ofeitapun, samo mat enonihi rilat ehonma renom yame limlu saet sop pernikahannya.
37
Saet somo enofe adak mofni enofe adak mofni enon yame-yamehe et tap tani afei Bait Arpames samo riafe mesou waheto sop pani riae puas sop riafei mesou.
38
Somo mat saet, oma e Hana sop et ateahae syukur et ARPAMES sop esrak ri saet Yesus emerer penyek Tamtorimal sae renfanme Penebusan Yerusalem.
Yusup Rilat Maria Rer Roma Ren Nazaret
39
Saet sop Yusuf rilat Maria refeo endu-enduhe fefiafe wihi Tuhan,Fendumat fesripar ren Galilea, en sao fendumat ren Nazaret.
40
Natun mat adarah fedwahe, bilu daen fenggomu, sop anugerah Arpames en ne.
Yesus En Bait Arpames
41
Samo yamo, taman Tinan Yesus ritoe Yerusalem samo Eaheto raya Paskah.
42
Saet Yesus berumur dua belas Tahun fendu mat riunar ao saet ribema feae waheto raya mat.
43
Samo domemat opar, fendumat riumar sop, Yesus emihi en Yerusalem tap omnas endu-endu he taman tinan.
44
Samo Taman-Tinan Yesus re bope et enon rifendu ren sefa, fendumat rahenei riumar sefa yafo tes saet wahetotes sop fendumat ranopape enrilafunri naen ri taman ri ranopat pe fendu mal reilale.
45
Sat sop fendumat lahap riarome Yesus,fendumat resrispar riunar Yerusalem riao pe rahopape.
46
Samo waheto toul fendu mat rirome Yesus en bait ARPAMES saet rame ros ri temdu guru-guru Agama saet roflae et rahom simtare fendumat.
47
Penyek sehe tantorimat roflae rapopraptan pengetahuan sop mima resrake enon ini.
48
Samo Taman-Tinan sop rirome fenduma rapopraptan, sop Tinan tam ehim tare, "Nat endu ennofa ut wifa e mim? Mam sop yau mapopap mahopapu."
49
Yesus esrak rifenfu mat eduen hofabe maho pap yau? Tap omnas yau yatyenon yat yen nonmabe Limu?"
50
Saet tapse fendumat tap omnas ensana etsop yisrak yam penyek fendumat.
51
Saet Yesus erispar penye sehe fendumat Nazaret sop ferinari fendu mat saet Tinan sop uri fenti opalok fitu afo warilon.
52
Yesus sop eha enofe Dwahe sop enon makifia etsop ras nanyek etakoma ARPAMES sop Tamtormal.