Pasal 18

ESRAK EYALE ENSANA WIHIMAL ADAK MOFNI

1 Samo Yesus esrak rifenties esrak eyale ebope naturi-naturimat rifri yane fendumat ritoma fendumat aetap aentap aenfehaet riafeimesou sop tapse fitum afo netu. 2 Esrak en pele sao enon tomtues hakim saet tap nena afei ye Arpames saet tap afahi tamtorilus. 3 Ensaomat sop enon tamtori janda em mblohe-mblahe omap.Ebope hakim mat sop esrak.Turfia pe yaenfia yibope yau yaen yao taha tafar." 4 Ensamotes sang hikim eyorpar pesorok e adak mofnimat saet sop sang hakim eyorpar pe sorok adak mofnimat.Saet samo hakimmat Esrak enfituafo warilon nenak yofei tibope Arpames sop tap moritaife nanta ebe baen. 5 Saet sop adak mofni e enon nofeinar mblao-mblohe yama yaboufe sop yaurfe fiamal ebope.Saet Ema tapse pelafei fetes sop ama fiahe sop aen mblao-mblaohe."' 6 Saet,TUHAN esrak e ofla yaua yat yisrak u hakim yam fetes. 7 Tapse ARPAMES aurfun fia ebope tamtori-tamtori rifir ren sop rori rateletnar ribope waheto afe pani?Ensanpana ut sop yaok-yaok aop matan sop sorok ri fendumat. 8 Yat yisrak yibope,et fendumat sop samo natun tamtori omap ensampana etsop erome iman en fendu warilon?"

ESRAK EYALE ENNOHO FA TAMTORI FARISI RIKIN PAJAK

9 Yesus ema esrak eyale petit ebope sop ommas tendir tit fendumat melmal coao enihi tamtori lus. 10 Ainon lu tamtorimat riunar riu Baik Arames ebe,"Mesou sop tamtori rinonihi tamtori Farisi et sop lus ainon ihi tamtori rikinnar pajak.

11 Tamtori Farisimat rifar sop Rasnanyak e rifei mesou fetendi ya Arpames yau miyak yaifu fia yibope fehaet yau tap rife tamtorilus;Rife somne edaltar pesima hofa bahkan fehaet riakin pajak matit. 12 Yau berpuas luen minggu yau yaurfu seper snaful ren penyek sehe endumal ur.' 13 Aenon sop riakin pajak riafar aha aen nao saet tapse arome aen anotani,arispar et fafiak-fafiak fituharo sop esrak,"Ya,Arpames fanggomu afei afokpar emin mobope ehla tit." 14 Yau yisrak ebope akin pajak tit turao limu sop.Fe tamtori risefa sop rimelmal rife tamtori Farisi rife tamtori rediaha tendi it enaha sop ren nihi aet tamtori rennihi ennihi tendi sop redip enah."
YESUS RI ABORI-ABORI

15 Eholok tamtori-tamtorimat rur oma abori-abori fendumat ren bombane ribope Yesus ut uma mim dediaha fendumat Saet sop samo para naturi rirome fendumat saet sop riabetfe tamtori-tamtorimat. 16 Samo Yesus ehimri natun-natunri.Saet sop amap yibope sael sop esrak.Afokpari abori-abori bombana ri amap ribope baen enduritap fendumat mat sop Arpames basao enon ribema tamtori tamtorimat rife fendumatit. 17 Yau yisrak saet melmalse yibope hanta sop saet omnase ecil ok warilon.

TAMTORI KAYA SOP ARPAMES SAO

18 Enon tamtori dobrimat sop rihimtare rebope Yesus,"Guru saet fia ensanpana etbe peyafei saet yait warisan yainon sop sam senamse?" 19 Yabaufe Yesus yibope ensampana yam midete yau fia Tapse aen tomtuen saet fia Arpames ehak behito fia. 20 Yam momnase hofa hukum-hukum matit baen bersina baen afunpare baen fenotma baen turfri yohau tarufete saet mim turfri mam riat memima." 21 Tomtumat Esrakri,"Yau delyak yotak yen penyek sehe saet samo yau yan bromane."

22 Samo Yesus oflari et esrak kebope tomtumat,"En enon tehe endu pelaopar,juallah penyek sehe saet yambema endu sop aryaknar rebope turfri tamtori-tamtori miskin.Saet yambema endubarsa en surga;Saet amap ata anyau." 23 Samo tamtorimat roflae Yesus esrak ri saet sop ainon ofei ihi omnas ebul sop et omasebul kaya. 24 Samo Yesus ecook sop esrakri saet ofeima fe tamtori kaya sop riecil aen ARPAMES ebe sao. 25 Fehaet sop sefe raukirya unta pakahil lok jarum fnou fehaet fe tamtori kaya ahilok warilon ARPAMES Be sao."
TATAK E YESUS SOP AURFERER TAEN SAMSE NAMSE

26 Tamtori-tamtorimat rofla e fentimal sop esrak saet map fehae hanta sop afei ainonfia?" 27 Yesus esrakri ensanpana etbe tamtori ainon angkerait fe ARPAMES.

28 Aholok,Petrus esrak erer,"Arome yam delyak tendim afei penyek se sop yam be endumat ofau yau." 29 Yesus esrakri ebope fendumat,"Yau yisrak yam melmal tibope ut baen tomtues aen sop tani afei timu,ehon lafunri tamtori fetapun sop fe natunri fe saet Arpames, 30 besao saet tapesa sop aturi endu-endu he sefe-sefamal samomat tit sop menon so ama fehaet tanon sam senamse
FANGGOMO IFRI PELAPER SOP ETIAKAH YESUS

31 Saet Yesus ekinri lu belas matunri sop esrak ri ebope fendumat,"Oflae,rer tit tao Yerusalem sop penyek endu-enduhe sop riteren enon para nabi saetfe natun tamtori atuahi. 32 Et sop urfri tamtori-tamtori tap rieilale ARPAMES etsop riahite riafeye fetes sop werirani se rifarfur e. 33 Saet delayak sop ri cambuk e fendumat rifun pare sop aen waheto toul et sop etiakaha ero.

34 Samo para natunri mat tap riomnase tehe enri endu-enduhe tit.Omnas srak u endu memi mnarfe fendu riainon fendumat tap riomnase ensampana et sop esrakri.
YESUS OFEI BEBU TOMTU COMANA TAPSE

35 Samo mat saet Yesus derdirnar oma sao Yeriko entomtu comana tapse maros enon rara lifurya en nenehimri. 36 Saet tomtu comana tapse mat oflar tamtori sefa re colok et ehim tari ensampana endu eta. 37 Saet sop tamtori-tamtori resrak erebope Yesus en Nasaret se eholok.

38 Sop tomtu comana tapse mat ilatepar,"Yesus,Daud be natun sensen yama!" 39 Tamtori-tamtorimat rahenei rifei matan yafo mahe ribetfe tomtu comana tapse sopri riyaare pe omnapar sat etsop ila mbrarmare dwahe Daud be matun sen senneyama!" 40 Saet Yesus etuihi so eyaar ritomtu camana tapse rititama e ribope saet tomtu comana tapse ritoma raruk sop et ehimtare rebope, 41 Ensanpana yam wariihim endu pelafei fehaet a?"Tamtori corimana tapse esrak,"Tuhan yat yaboupe cokmana yabe yama yarom." 42 Yesus esrak," e ebope comao iman ube ofei ubebu." 43 Samo mat sae ema erom ok feyaet map yatak yaen Yesus sop yasnanyak u Arpames saet tamtori sefa mat rirome endumat tamtori mat rima rananyak e Arpames.