Pasal 19
Yesus Rilat Zakheus Ma
1
Sae Yesus ehilok sop eholol sao Yerikho.
2
Et enfa sop enon tamtori tomtu lasrenon e Zakheus et en dabu rikimar pajak ritomtu kaya.
3
El ofetare pelarome Yesus, saet tapse aiten raberimfan tamtorimat sefa: Saet tani it tibuhe.
4
Sael Zakheus elofo matan tamtori sefa matsop eha aitesa arah sop erome Yesus saet tafun aholok rara matit.
5
Samo Yesus etuok pele Zakheus en sop ecoaha sop esrak e ebope "Zakheus sesia aporahi saet wahetotil yat sop yaenu ibe limu."
6
Sop Zakheus mat seiyahe opro sop ite Yesus sop momlo fei.
7
Samo mat saet penyek tamtori mat rirome endumat fendumat ren rapo praptan sop esrakri,"Et ofei ene ebe limu tamtomat ehla."
8
Samomat saet Zakheus etu sop esrak ebope Tuhan, "Tuhan arome eite yoryakmar yabe endu barsa lus yurfri yebop miskin sae sop yau yabo aen rarmo endu barsa tamtori esbe yausop yaur ferori 4 kali lipat."
9
Matan Yesus esrak Zakheus ebope samo waheto matiti. Ofei u fia arahap yomi ube limu matit ut tomtumat uma Abraham natun.
10
Saet tomtumal benatu omap sop sopab ri aurrokri fia ritapse.
Hamba Saet Fia Hamba Saet Fetes
11
Renfane fendumat foflae penyek sehe Yesus sop om blaohe sop esrak en enise saet et delyak rarukse en Yerusalem etsop fendumat tap ri onase Arpames be sao sop sisyahe ama.
12
En saet sop et en esrak tomtu bangsawan op enni sao enoto sop redie enofe dabu delyak sop et pelama.
13
Samomat tuanmat ekimnari senafut tamtori pelayan urfri fendumat doies dwahe snafut 10 mina esrakri ebope fendumat,"Berdaganglah ofenar doisen tit en nihi yau yorispar."
14
Sop saet tamtori-tamtori rensao tehe mat rihite et sop eyaari perwakilan samo et pelao etsop esrak."Yam tapse bou tamtori itianofe dabu aene imim.
15
Samo redie enofe dabu bangsawan et erispar tapul emnim hamba-hamba saet sop urfri doeisen sop ehim amap sop et aiten omnas mneihofa dwahe witen saet fendu riten ut dagang.
16
Pelayan mat omap sop esrak," tuan doisen tehe mina enema et sop urferori snafut mina ero.
17
Dabumat esrak ebope fiamalse hoi yam hamba mat fia saet yam menon warilon imifetare men netuwen yam sop urfiam yatse snafut sao.
18
Pelayan mat lu sop rominar sop esrak e,"tuan doisen Imnina yabema sop saet urfia lima mina.'
19
Saet fia rajamat esrak ebope hambamat sop,"Tapul en yatse limsao."
20
Samo mat saet amanar hamba mat sop tehe ema sop esrak,'Tuan tit doisen imma ubema saet yau yoboen sapa miyak warilon.
21
Yat nenak yofei yebope saet ut tomtumat somne et iten ensanpan et sop tap yam afas.
22
Samo dabumat esrak ebope yat sop yahimtar u ensanpana etbe pe yisrak u hai yam hamba ut kilom yam momnas yau yenon ini tamtori somne, sop aur ensanpe beaen yamtap endues yat yaboaen sop yakis ensampana etbe tap yau yafas?
23
Hofa fehaet yam ensampana etyam tap abonahi yabe doisen aen pele tamtormal rira heneie doisen samo mat yau yarispar,yat sop yaure yabe doise mat sop ebe feltil eroe?"
24
Samo dabu mat esrakri ebope tamtori-tamtorimat sop rifar ihitit saetminamat renri sop rifri rebope tamtori mat sop ribema snafut mina."
25
Saet fendumat rerak ribope sang dabu tuan hambamat sop delyak ebema snafut mina.'
26
Boufe dabu yat yisrak yebope lus tamtori mat sop tapse ribema ersan panaet ensanpana et penyek sehe mat yambema sop atur.
27
Saet sop enduenofap bare-baremat saet tapse wari ihim yau aenofe raja aenaha fendumat titaoe fendumat turamarer sop atut pare fendumal en nihiri."
Yesus Ridete Enofe Dabu
28
Saet sop Yesus esrak ri endu-enduhe sop et salil ao matan atak nare Yerusalem.
29
Samo etuihi rarukse desa betfage sop Betania,rarukse salo hat salo saiton et ekispar tamtori tamtori lu natun rimat.
30
Esrakri eebope fendumat," Op endedamat enon matan sop risamo yam recil ok enoto yam sop arome raukirya natun keledai mat sop etsop itoma e.
31
Saet enon tomtumat ehimtare ebope," Endumat en nofa yam atit amatit keledai mat? Yisrak en feite:Tuhan yohim u."
32
Saet ut ao natum rilu mat yokispar etsop aop aromri penyek sehe endumat tes en nohofa saet se endumat sop esrak enon fendumat.
33
Penyek sehe fendumat fok pari natun ri keldaimat sop ebema penyek sop ehimtari ebope fendumat,"Emsapana yam pelafor pari keledai natun tam?"
34
Fendumat sop ehimtare,"Tuhan utyama ahimtarya."
35
Saet fendumat sop ritoma keledai natun tam sop ribope Yesus sop ebon ihi mayomat obonaha datiu afo keledaimat sop samo eha ha Yesus enafo.
36
Samo Yesus eholok raramatit,Tamtori-tamtorimat eyook mayo fendumat renrara.
37
Saet samo Yesus delyak oma raruk se Yerusalem saet sop rara saet eta aine saetao salo saiton penyek sehe tataktaen e afei mujizat saet Arpames saet momlofei sop ilamat fia fendumat rasnanyak e ribope arpames penyek sehe enafo mujizat mat sop fendumat rirome.
38
Fendumat roriratet letnar sop mat abon yan sop omap enofe rara hat en warilon Tuhan demi aenfia en surga sop pelemat ebefia enpelemat ensop enaha!"
39
Endut enohofa tamtori farisi ren rikien tamtori sefamat esrak ebope Yesus," Guru esrak rinatunri-natukri.
40
Samo mat sae Yesus esrak ri ebope saet fendumat manapar.Fati-fati mattit sop raleletnar."
Yesus Etane Yerusalem
41
Saet Yesus delyak en rarukse sao Yerusalem sop erome saomat,Etsop etane.
42
Esrak e endu ennohofa waheto matit yam omnas aen nohofa sop atit ama tit aenfia fia he afou saet samo,arahap tit enohofa sop memimnar aen comana.
43
Saet sop ama samoma saetsop bare-bare mat saet riafar aimatahe afenari sop riayalaen sop riberim fanri saet penyek sehe cariao.
44
Fendumat sop riahak pare u ut penyek sehe natun-natunri saet rame minar ut fati et fendumat tapes sap rima aromfe tehe fatimat lus en warilon saet sop yam tapse eilale samomat Arpames eholok."
Yesus Eheuri Tamtori Tamtori Ren Bajul Ren Bait Arpames
45
Samo Yesus ehilok en baik Arpames sop ofeinari eheuri marak tamtormal-tamtormal ri bajual enno.
46
Esrak ebope fendumat,enon eteren: Limumat sop enon mesoulimu,"Saet yam et sop mem mifeinar ennofe arahap rerok auri!"
47
Saet Yesus esrak rien bait Arpameus saet waheto matit menon imam-imam dobri ahli-ahli Taurat sop para uren fendumat sop raho pape enon sop riafun pare.
48
Saet sop fendumat tap riomnas Hofa riafeinar endu penyek sehe tamtori ratopul enon Yesus be esrak erek.