¹ Samomat Yesus esrak ebope para natunrimat,"Fati sandungan annahi sop ainor samo riaen fetet tamtorimat riomnas. ² Sefa fia aifo fati kilangan sop riafau aen bate saet sop riatepar en mati warilon saet sop tafun aennofe sangan haet natun-natun ri bomba matit. ³ Fanggomu mat lafunrin mat riafei ehla hofe yam beno etbe.Sop et omnas omsal ehlamat.afok pare et. ⁴ Saet sop ehla yofei yam sefa limlu saet saet warilon waheto tes sop arispar ebope limlu saet esrak,"Yau yimsale afokpar emim.

⁵ Esrak ri rasul-rasul pe yibope TUHAN,"Lusma aurfiam!" ⁶ Yisrak e Tuhan ebope fendumat,"Somo yam ubema Iman fe sewifo et yam atit sop esarak e ebope ai murbe matiti rifeier are en semafo so rifar en matilon saet saet aimat sop oflae ebope yam.

⁷ Hambe sop yam mentam saet yambe fendumalyam men raryakfe mur reni saukira saet esrakre bape tendumat sop samo et erispar en witilon,' amap maros ahi tinpana? ⁸ Ben et enhofa sop esrak ebope fendumat,ham bepelanpana ebema sop Eisor mayomat fia ebe melayani penyak yau sop pana haet mesmus rahi.Delyak sop enfofou yam etsop atinpana sop mesmus rani?

⁹ Ensampana et be miyak yaifu tifya ebope tamtori mat saet renon nenrifei saet eyaari? ¹⁰ Fehaet sop rilat yam endu ehohofa yam delyak mifeinar penyek sop eyaar ebope mihautar yam esrak mim menon tamtormal weyan yam yama mefei endumat ensanpana saetsop afei."

SNAFUT TAMTORI KUSTA OFEIRI BEBU

¹¹ Rara warilonmat eno Yerusalem,Yesus eholok ekispar en Samaria sop Galilea. ¹² Samo ehiloh saotes ema eromri ren Snafut tamtori kusta mat sop rediah e elol-etuero. ¹³ Saet fendumat roritet sop rorifia,"Yesus,Guru sensen!

¹⁴ Samo Yesus eromi fendumat,et esrak ebope fendumat,"Ao sop ofnauri tanim titfe imam-imam."Saet,embal fendumat warilon rara mblaohe fendu renofe tahir. ¹⁵ Samo fendumat entes erome entamimat bebu delyak.Etsop erispar sop snanyak e Arpames saet sop ila fia. ¹⁶ Aholok afahi aen Yesus ae haro sop mori taurfe ebope Tamtori mat renon tamtori Samaria. ¹⁷ Samo Yesus esrake ebope tamtori mat Baen aenon snafut tamtorimat enofe fituafo erispar?Ren ihifa limfau tamtorimat lus? ¹⁸ Tapse ainon nihirer fendumat sop mes rispar aen masnanyak e Arpames luslo tamtori rimi erer hitit? ¹⁹ Aholok Yesus esrakri ebope."Etiak sop ao imanmu saet itoyam pele fia,"

ITOMA ARPAMES BESAO

²⁰ Samo rihimtare rasom simtare tamtori Farisi aen samofo sao Arpames pelama,Yesus esrakri fendumat saet sop."Esrak sao Arpames pelama saet fare-fare pak arome, ²¹ Tapse sop aen tamtori it esrak e arome sao Arpames enon ihitit!"Sao Sao Arames enon ihitit ento saet melmal mat sao Arpames aen rer molmal-molmalseyam.

²² Samo Yesus esrak ebope natun-natunrimat mimi saet yan wariyak ihimmat yaromme waheto tis sop waheto-waheto he natun tamtori saet yam tapse miten mirome. ²³ Tamtori-tamtori mat esrak ebope yam arome en mihito saet taromme en nihitit saet samo baen yam ao sop atak aene tamtori-tamtorimat."

PELAMA NATUN TOMTU

²⁴ Aen fehaet met lala etepar mela aen onufu saro sop tes ao anofu saro aen lus saet aenrima natun tomtumal samo wahetomat. ²⁵ Saet sop natun tomtu rirma femarmori sefa saet sefa matan sap ahakpare abori ara haptit. ²⁶ Saet fehaet sop aennafei samo waheto-wahoto aen saman Nuh yamtyama sop ema aen samo waheto-waheto natun tamtori. ²⁷ tamtori-tamtori mat rinpana sop rames musrani,rinikah sop nikari feirilo aop aen waheto Nuh Ahilaen Batra warilon sop ama belmo dwahemal ahal ahi.Saet sop sop atut prari fendumat penyek sehe. ²⁸ Samo endumat aen afei samo saman Lot saet sop tamtori tamtorimat rimpana ramesmus rami oftiit so menjual sop riafas sop etiak aha. ²⁹ Saet samomat Lot tanifei Sodom yafu belerang elop en onotani ofei ofe mbrofi so etut prari fendumat penyek. ³⁰ Fehaet aennofe waheto samo.Natun tomtumat esrak. ³¹ Samo waheto mat hanta sop ut wenfan enon en limu pamorau saet endubarsa-endubarsa mat aenon elimu warilon baen ut ataemim tur endumat saet hanta saet sop ainon witilon baen ut aotap. ³² Fanggomu afei asampana et Lot ehon ofei. ³³ Hanta sop aen nafetar u amnyak nar taninetu sop fetapse tani netumal saet hambe sop aen fetapse tani netumat aenmofe fia. ³⁴ Yat yisrak yam yibope aen panimat it sop aen 2 tamtorimat afar aeni peleriafar aenon saet tamtori mat sop rititao fehaetsop rilus saet tendi afei. ³⁵ Amfendi lu mat ralolau gandung ritilut saet tamtorimat ritoe,Saet sop aen,lus saet tendim afei. ³⁶ [Fehaet ut ersa wifei eitilonlu sop tamtorimat tes rito saet sop ritlus ritop tedim mifei."] ³⁷ Saet natun-natunri rihimtare Yesus,"Samofa,Tuhan?"Yesus esrak ebope fendumat,"mim menon etiak sop aen sihaet mani morsas miorimat rikien."