Pasal 16

RER TAPSE TASNANYAK E DOBRILU

1 Yesus esrak e ebope natun-natunrima."Aino tomtues kaya et ebema dabu snanyak e sop ebope tamtori kayamat resrake et ebope snanyak sae ofeioparendu barsa. 2 Saet sop tamtori kaya mat ehim ri dobri pelayan masop esrakri sampana et yat yitfla endut ehohofa?Urfri rima dardar en afo tugasmas saet yam pak aen nafe yabe bendahara.' 3 Dabu pelayan matsop fanggomufei En sampana endu etbe peyafei arahap tit tuanmat delyak sop ehat par yau yen ersamat saet?Yat tap dapar yabe biluk sop meni fe yaen yahimi. 4 Yat yimnas ensan panaet be peyafei a saet sop yau yaryak aennofe bendahara tamtori-tamtorimat ritit yau yaen limu fendumat. 5 Samomat saet ehimre tamtori lus yam muren tuantan ebope,ebope tamtori matun matunmat sop esrak.Mnai ohofa ebe utang mat,tuan ebope?" 6 Tamtorimat resrak seratus bat minyak sauton,"Saet ribope pelayanmat risrak riboe atur aiwali utangtam sesya maros sop ater sobat.' 7 Samomat pelayanmat rihimtare tamtorimat ribope yam lus.Renohofa sefa utang mal?" Tamtorimat resrak E,"atur aiwali utang tamsop ater hofa utangmu 80 pikul. 8 Samo tamtorimat kayamat rasnanyak e dabu pelayanmat tap fefiamat saet sop taniite sop momma.Matun-matunri fendu warilontit sefa momna warilo berurusan saet fete nonmat enonri natun rimela. 9 Yat yisrak yibope.Afei emim maerfia saet mamon saet tapse melmal sop mamontit aopar yam sop Atit aenme limu abadi. 10 Hanta sop enfia warilon endu-enduhe ren onetu saet ema tapse etfia warlon endu-enduhe fe olwahe. 11 Aennofe haet yam tapse iten snanyak e sop afeinar endubarsa fendu warilon hantasop ritife tapul fri endubarsamat melmal melmalse ribope? 12 Et saet yam tap atit aen snanyak e warilon Afeinar endu tamtori lus.Hanta sop saet yaur ensanpana sop uturi aenofe ubema endu? 13 Tapse enon pelayan mat iten melayani majikan lu majikan saet sop rinite majikanmat tehe sop arone lus yam tapse eten melayani Arpames sop mamon."

FANGGOMU IFRI TAMTORI FARISI

14 Tamtori Farisimat endut enohofa makifia doisen oflae endu matit sop deldale Yesus. 15 Yesus esrak ebope fendumat,"Yam menon tamtori-tamtori melmalse tendin-ubetanim enohofa tamtori samo ARPAMES omnasfe ube fitum afo saet melmal saet snanyak e- snanya en nerer tamtorimal Enerer emdues enerer esrak etuihitit enerer Arpames.

16 Wihi Taurat.aiwali sop ribe nabi esrak erer aop aene Yohanis,'Aen samo Yohanis fentialofia aenofe kerajaan Arpame delyak urfri saet penyek tamtorimat riski ae so recil ren warilon. 17 Saet melmalse sefa rel anotanife fenduit Ebe tapse samomat tehe farebon en wihi warilon Taurat tap baen.
ENOFA BE AFOKPARI

18 Saet tamtormal afokpar ehon menikahi amfendi luslo et rifei sina saet tamtorimal menikahi amfendimal tendim mifei ehonanat ema ofei sina."

TOMTU KAYA RILAT LAZARUS

19 Enon tomtues kaya enen eisor mayo ungu sop kain linen saet orur momlo-momlo waheto-wahetohe warilon enfia. 20 En ramtan gerbang limumal tomtu kaya it,ehuhar en tomtu miskin ebeha Lazarus ebe taniit daen borok. 21 Etomdawen riturfe pana hofa sop saet merure meja pana tomtukayamat saet elweit rimariminar malatano sebe fomblemtan borok.

22 Samotes tomtumis kin mat oper sop ritoe saet para malaekat ritop Abraham puafo tomtu kayamat ema oper rito ribonen lipi. 23 Renfalwar rerperwar samo rifei femori tomtu kaya sop ecook en yatse sop erome Abraham enoto rilat Lazarus en puafo. 24 Sop tomtu kayamat ehime mam Abraham fanggomu afei yau aare Lazarus atur shi mapara saro atur rani so aok ahi malaktano saet yim nas femarmori tit yafu mala tano warilon." 25 Saet sop Abraham esrake Natuk fanggomu afei samo yam menon ihi yam delyak muren endu-enduhe saet fia.Menon ihi Lazarus murfe endu-enduhe fetes arahap hitit Lazarus ridale menonma rir yam femarmori. 26 Saet lus tit penyek,enon haro duwahe saet afokrer menon matit tamtorimat sop wariak Ehim periao ren ihitit enpele ube tapse pak yao a saet tamtorimat ri pele ube saet tapse pak riao pelemal mimbe." 27 Ekolol tomtu kayamat esrak.Fehaet map feite yohimu yiboe mam aere Lazarus aolimu yabe mam. 28 Saet sop yabema lim lafuk ritamtori fehaet Lazarus fanggomu aifri fendumat saet tafun fendumat baen ecil aen pele renon femar morut. 29 Samo Abraham esrak e fendumat ribe Hukum Musa sop aiwali para nabi afokpari fendumatri omnase ripenyek sehe matit. 30 Esrake tomtu kaya tit ero tapse mam Abraham samo ren tomtel maltes ennerer tomtu pare omap ebope fendu-fendu omnas. 31 Abraham esrak ebope tomtu kaya mat so lafunri-lafunri tap rioflae HUkum Musa sop aiwali para nabi fendumat tapse sop riafetarma sop rihautare saet enon tamtori mat etiak aha ennere tamtori rerperwar."