Pasal 15

ESRAK EYALE DOMBE MATOFIL NARIT

1 Saet rikimnar pajak saet tamtori rifelehla ritaoma Yesus sop ropflaemat. 2 Samomat saet tamtori-tamtori Farisi sop ahli-ahli Taurat saet menggerutu,"Tamturi matit murfri tamtori tamtorima rifei ehla sop renonsop rinpana rikienon fendumat. 3 Samomat Yesus esrak ehise tit ebope fendumat esrak e, 4 "Hanta so renyam saet sop ebema 100 ekor domba mat tapse saet ren rapoparren 99 ekor lus seberen witilon belantarariunar rahopap saet enpopar enmihi saet rirome? 5 Etsop erome et sop edot domba itit sop obon aha bloutit saet momlofei. 6 Rifarihi limiumat sop riumar rirome tendimaro en limuren falwar mat esrak ebope fendumat rit momlo eyartanya saet yau delyak yorome dombamat tapse. 7 Yau yisrak ebope aen ahititse yam sop atit momlo sop sefa dwahe men surga yatse 1 tomtu ofei ehla saet ofok pareero rireen afo 99 tamtori melmal sop tapse pak yahimyam taenfia.

ESRAK EYALE DOISE PERAKMAT RITE

8 Enohofa amfendimat rebema snafut kepeng doisen rerak samo et tapse te keping sop enonihi tase etiak pare pelita sop eyam limu,sop sopape doisen kepingmat saet sop fia-fiahe aen mahisop arome? 9 Sop tapun et arome et arome et ehimri tani maro-maro mat ren limu falwar-limu falwar sae esrak ebope fendumat,rikien ritmonlo saet yau delyak mirom sekeping mat tapsemal. 10 Yat tisrak yam yibope,yamyama sop menon mitmomlo enonese saet malakat Arames saet tehe tamtori rifei ehla sop aenfia.

ESAK EYALE ABORI TAMTORI LU NATUN BONGSOMAT TANI OFEI TAMAN

11 Samo Yesus esrak e,"Aentomtues ebema natur rilu tamtori-tamtori. 12 Natu saet bongso esrak taman ebope mam turfiaabe yibope endu barsa saet ainon ebema,'Fehaet mam utsop aryaknar endu barsamat yibopefe natunri lu.

13 Tapse matan samo saet natun bongsomat ekimnar ebe endu barsamat penyek ebema.Sop open moto fendumat ennoo sihaet sop endumat ofyak ofartanse ebema sop aen deldaltar-deldaltar deldatar. 14 Samo et delyak ofeiopare penyek sehetsop endut aen ohofa bencana feklamat sefa en saomat saet sop en ofei endumat tapse. 15 Sop ao aen sop rersa saet tamtori ren siheat fendumat sop aen newitilon aen naurfri palopana. 16 Et warihim umal ahor moli sop auri saet palo be pana sop am saet sop tapse aen tamtori mat sop rifri ribope.
NATUN BONGSO ATAK AMA TAMAN

17 Saet sop natun bongso mat omnas tit yesrak hofa sefa manbe ersa-ersa mal ebema pana am safsefahe saet yau yen ihitit pak yaper yen molyak as. 18 Yau sait sop yarispar yibope mam.Yauso yesrak yam yibope: Mamyat ehla saet fesurga saet so enuma. 19 Yau sop tapse riadete ubenatun utafei yau aennofe tomtoues ersa yafelu.

20 Saet mofaren tit sop ao ebope taman tam sop samo natun mat enohohautar eno tamamat erome enon en sop daen sop sensene sop taman mat elofok edot sop eyar tane. 21 Samomat saet natun matsop esrak etaman ebope mam,"Mam yausai delyak yofei ehla utfe surga saesop en uhe yau tapse yaennihi riadet yaufe ube natum. 22 Saet taman matsop esrakri ribe pelayan-pelayan,'sisyaatur ama juba amfia saet eisore rebope eisore sin-cing etma aen mapara sop sendal aen ai. 23 Atit ama sapi natun fenihilah sop akispar amaprer sop tait momlo. 24 Saet natun matit enpele pe.Saet arahap enon erispar! Et saet fetapse sae arahap tit oma eyartan erer saet sop fendumat riaen afei momlo."
NATUN WERFAUMAT OBET FETAMAN

25 Samomat si natun werfaumat enon witilon,saet sop omap En rarukse limurya sop oflaok riloklao tahelel. 26 Et sop ehimri tomtueste sop ehimtare ansanpana etbe Endumal rifela. 27 Esrak ri pelayanmat ebope,"Tahinmat oma delyak sopp taman ekispar sapi natunmat gemuk satet erispar oma erenfia.

28 Samo natun werfau mat sop obet sop Eyorpar anil taman omrak op sensene. 29 Samomat saet esrak e Ebope mam.Yame-yamehe yat ofei ube arseya yadardar u yat tapse ube penyeksehe otak yaenfu.Saet ut so tap ut tifia seekor kambing es sop yat yama yafei Domo mimyabe tanyak maro-maro. 30 Samomat natun oma opedu barsa opar enri amfendi-amfendi fetes.Mam ut wikis parfe sapi natun gemuk wifebe. 31 Saet sop tamanmat esrak e ebope natuk ut laswenonuya so endupenyek sehe yabe tit saet ube penyek sehe. 32 Saet arahap rertafei Domo rertaimomlo saet tahimtit operdik sop arahaptit enon erispar;et fetap saet arahap aroma tikienon."'