Pasal 14
SAET REMA MORITAURFE WAHETO SABAT
1
Samo waheto Sabat,Yesus omae limu tes tomtu dobri tamtori-tamtori Farisi saet rin are rikien sop fenae mat penyek radardari.
2
Samomat tamtori ren fetes busung rani en matan.
3
Yesus esrak ri ebope tamtori-tamtori Farisi sop ahli-ahli Taurat,"Ensampana etbe mabeburi tamtori ren waheto Sabat?
4
Saet sop fendumat tapse,esrakri.tafun Yesus sop tapul tamtormat ri enduwalo sopri bebu,saet eyaari tantorimal riunar.
5
Yesus esrak ri ebope fendumat,"Hanta sop yam menon risaet natunma enofe sapi mono alop alot aen parigi en waheto sobat tapse sesia aoktit soptit marake?'
6
Set fendumat sop tapese riten rokoke esrak enon.
PELE MORI TAURFE
7
Samomat saet,Yesus esrakri tes eyale ebope rimi-rimi yohim ri samo et riromep endut enohofa fendu riten pele-pele rameros ren moritaurfe en eyal meja pana esrakri ebope fendumat.
8
"Samo yam mihimne en tomtues aentes domo frorur,Baen nela yam meros aen pele morim taurfe fendumat tuan limu mat sop delyak yohimri tamtorimat sefa riminar matan se.
9
Saet tuan limu mat sop omap etake sop esrak e tifyama pele yibope tamtori tit!"
10
Saet aennohofa yam rihim tameros en pelamat sop enohofa en datiwar saet sop et ehim erer et oma et sop esrakri ebope,"Tani maromat oflam en pelemat sefe.Moritaurfe."Relat aino hofa yam sop ait moritaurfe en matun tamtori-tamtori saetmat rameros rim pana riki enon ren.
11
Saet penyek tamtori mat tendi rifei sop sop rit ribon ihi saet sop ribonihi tanirya sop enaha.
EHIMERE TANPANA SOP TIRERORI
12
Saet Yesus esrakri ebope tamtorimat ehim erer et,"Saet yam afeinar takiaen tanpana waheto mat tampana pani Baen ahimri tendimaro-tendimaro lafunri,penyek keluarga saet tapulri penyek yam kaya saet fendumat sop saet aurfero risop ahimri sap atimpana rikienon fendumat.
13
Samomat sae yam mifeinar domo mihimri tamtori-tamtori endu tapse tamtori-tamtori tedi fetes tamtori-tamtori eridobri tot sop tamtori-tamtori mat corimana ramuntan.
14
Sop yamsop mim wedi femim saet tamtormal-tamtori itetapse ero ofeinari iteris pas,yam sop uren mim erispar ofeinari etsamo etiak aha tamtori-tamtori melmal."
ESRAK EEYALE SAMO RIHIME RIPETIN PANA
15
Saet sop tamtorimat rikien rimpanamat roflae srak-srkri.Tamtori mat resrak ribope arome tomtumat sop yampama are en warilon Kerajaan Arpames."
16
Saet samo Yesus esrak ri ebope tamtori mat en tamtori tes-tes sop ribe rifei rimpana panimat dwahe saet sop ehimri tamtorimat sefa.
17
Saet sop samo delyak pana pani bet ritoma tomtu eyaari hamba it pe uma esrak ebope samo miminar delyak yayohim yam omap saetrer penyek sehe delyak tafan.'
18
Samo penyek sehe yohim it peyafei sop endumat peyafei alasan-alasan.Tamtori matan yisrake,"Yau fofou yofti ribe witilon mat yau sisya peya op yarome miyak yaifu endu yohim taru maaf.'
19
rilus resrak,yau yoftit en fofou lim sapi it ehon-ehonma sop yau sesya peyao sop yarom fesapi-sapimat yuren yohime maaf.
20
Saet ainonfen soplus yam esrak,"Yatsop yau yahomtan araptit nikah,saet sop yau tapse sop ama.
21
Samo pelayan mat sop resrispar rimi resrak e penyek e penyek sehe Ribope tuanmat.Mat saet ribe dabu sop ofei kilo,saet esrak,ebope pelayannya.Sesyap riao rirahenei-rahenei ao mar gang ren sao matit samo mat ribope yau tamtori tamtori open baba sop corimama tapse.
22
Samo mat saet,pelayanmat resrak ribope yaube tuan delyak ofeinar ensanamat et eyaari yam ainon aen ahitit pele mamahe.
23
Tua mat sop esrak ri ebope pelayannya.Aonar rehenei rahenei mblahe mat omnas gang ahimri tamtori-tamtorimat renno sop riminar hitit saet yabe limu aenofe da.
24
yat yisrak ri yibope,tapse tamtorimat sop fendumat sop mihiri matan se saet sop renfanu tanpanat ebe."
SAMO YESUS OFAU
25
Sefa tantormat rahenei rititut Yesus.Enohofa et enspar ebope fendumat yisrakri.
26
Saet tamtorimat riminar ebope yat tap yahite mam sop nen,ehon sop natunri-naturi lafunri tamtormal sop lafunri amnfendi renon ihi ribema,et tapse ritop ritop renofe natunri.
27
Hamta sop tap erfar siatai sae ensanpana yau et tapse pak yenfe naturi.
28
Hantayam meno matit sop waryak yohim yedi aha endu es menara,tapse fenau renon matan sop mori riot biaya sop ri omnas esanpana et ebema dapar dasenmat pelafei aopar?
29
Saet tapse aennihi samo mat rifei fondasi saet tapse afei aopar penyek sehe tamtorimat sop rirome saet sop melmil e.
30
Tamtori-tamtori mat sop resrak."Tamtori mati rem rifeinar saet sop tapse pak riafeinar sop aopari.'
31
Hofa raja hambe etsop pelao bare kiloturi raja lusri saet tapse rameros ren matan sop fanggomu rahefi san pana et rikienon 10.000 bare amtorimat iten kilotut baremat ribema 20.000 bare mamtori?
32
Saet tapse iten rifei ehuk tan raja lus sop et yam mitaan ne tamtori mal rikispar sae ahimtari raherki-raherki aop aenfia sop bare amtori sop ren noto.
33
Fehaet uma yam fetes-tes tapse enon tamtori sop yamenon fenaet enofe natunri saet tapse aurfri penyeksehe endu ebema."
MATI MAT AENOFE RANI TAP RITIT
34
Matimat fia saet sop matimat delyak fetap omnas mati aenohofa afeinari matimat arispar?
35
Matimat saet tapse ema aiten afeiainon aen witilon aetsop.Pupuk saesop tamtorimat saesop ritriteparao.Hanta set ubema tiumrau sop ofla aennao et oflari!"