Pasal 4
Eilale Fanggomu Omtu Saet Enon E Arpames
1
Lafuk-lafukri mim be saet urem emim baen snanyak etes fanggomu aenohofa om nase fanggomu-fanggomu sop saet om nase ensampana fendumat riae ne Arpames hofa nabi fetes enon oma fendu it.
2
Aenhofa fa yam eila le Arpames fanggom en nofe entes fanggomu saet boufe hofa Yesus Kristus hop oma warilon enofe tamtor mal renri Arpames.
3
Rilus fanggomu anti Kristus, saet yam oflae saet oma sop arahap delyak ae non ri fendu warilon tit.
4
Natuk-natuk ri yam me non e Arpames sop delyak nabi fetes mat rihuktan sop hofa et saet enon tani warilon sefa dwahe renon ihi sop saet renon ren fendu it.
5
Nabi-nabi fetes saet rener fendu warilon aeno fehaet sop fendumat renon e Arpames tamtori saet reiha le Arpames rofla ri mim hofa tamtori saet tap las rene Arpames tap rofla e mim saet tit mim rilat mim momnas e fanggomu melmal sop fanggomu fetes.
6
..........
Amap Tainon Fe Serba
7
Lafuk-lafuk mim saet taen fe amap mim taen serba fehaet serba enon ri Arpames sop aen tomtu aenon tamtori saet serba tapse tap rieila le Arpames fehaet Arpames aenofe serba.
8
tamtori saet serba tapse tap rieila le Arpames fehaet Arpames aenonfe serba.
9
Enofe haet serba Arpames esrak enon e rer mim hofa Arpames eyaar e natun saet werfau en fendu warilon fehaet mim maen las mal no nu. En warilon enlah serba sop,
10
ben mim saet hop it serba Arpames, fehaet Arpames saet ait serba mim, sop mafaok abori mal renofe lipi riu pren fia hofe ehla-ehla mim.
11
Lafun-lafunri saet serba, haet Arpames fehaet serba mim, mim uma sisya fehaet ut den serba.
12
Tfafun aenon tamtori saet tap riarome Arpames saet mim mae non fe serba Arpames aenono ri warilon mim sop serba mal saet mom maen warilon mim.
13
Fehaet tit, mim momnas hofa mim maen ri Arpames warilon sop Arpames en warilon mim haet Arpames urfe mima men fanggomu.
14
Saet mi ma delyak mirome sop masnanyak hop man hofa eyaar e natun saet juru selamat fenduit.
15
Haet tamtori saet boufe Yesus enon e Arpames natun Arpames ainon rer warilon et sop et aen Arpames warilon.
16
Afei mim nofa momnas sop hofa mi masanyak e saet Arpames serba ebema saet mim Arpames tan serba sop tamtori saet aenon re warilon serba aenon e warilon Arpames sop Arpames en warilon et.
17
Fehaet tit serba afei ferinar saet mim, haet mim mim bema mal taen momnas en haet waheto penghakiman haet fetse et fehaet uma mim, men fendu it.
18
Tapse den balbi lu en warilon serba haes sop serba saet aenfia a hewe tani bilu haet tani bilu afauta ne hukum tamtori saet ne nari tafun riafei nar warilon serba.
19
Mim serba fehaet lus matan ren serbaa mim.
20
Saet enon tamtori mat esrak yau aurfe Arpames fehaet ahit lafun tamtori et delyak adaltar e aen tamtori saet tap ait serba lafunri saet marome tap aitaen Arpames saet tapse oftar aen.
21
Saet eyaar tit mim morim matife en Arpames hofa aenahi tamtori saet Arpames be serba haet serba urfri lafun rit rima.