Pasal 3
Mim Me Non Arpames Natun-Natunri
1
Fanggomu mum fiahe haet serba dwahe saet mam karuniakan ebope mim mai non yam diader yam Arpames fehaet mim mainon Arpames be natun-natunri haet sop fendu it tap ri eilal mim haet fendu tap eila le et.
2
Lafuk-lafukri saet yam me serba arahap tit mim mai nun Arpames be natun-natunri aen fehaet ensanpana wini mim tafn baenela oftar aenhaet-aenhaet mim sop marome et en warilon tit fenti mat saet aop aenfia.
3
Fehaet mim sop marome et ubema ae me tit sop warilon Kristus et asfe rimar tanim saet aennofe haet Kristus ainon ferimar.
4
Fehaet tamtori saet riafei ehla mat yam ecole hukum saet ehla ai nin e recole riaene hukum.
5
Yam omnas hofa Kristus tanifnau yam sop sohus ehla saet ren, warilon tap ainon ehla.
6
Aenfehat tamtori saet aenon warilin et tap afei ehla tapse tomtues sop saet ehla haet aro me aennohoffa ei lale et.
7
Natun-natunri baen tendim tap tamtori saet tam fetes tamtori saet melmal se enon nihi tamtori melmal aenofe Kristus enon melmal.
8
Tamtori saet rifei ehla renon ihi ren fiman fehaet femam fehaet rifei ehla ren samo matan Arpames natun o map saet etak oma ri haet eho em tit ofei om dai rer ofei-ofei nar foman.
9
Tapse tomtuees en saet riabonfri Arpames afei ehla fe haet fo Arpames ainon darer ofei-pfeinar et tap ait afei ehla haet hofa fehaet riabon aen Arpames.
10
Haet aenon hambe natun-natunri Arpames sop hambe melmal se tao aene Arpames aenohofa yam tamtori saet tap riaen serba lafun-lafunri.
Rer Taen Serba
11
Behe matit faok ri saet delyak yam ofla samo mblamal ento mim saet maen serba.
12
Baen aen haet, kain efun tahin? Beh e mat enenfei kain kilo sop endu tahim tam melmal.
13
Lafun-lafun yabe baen aerim heswis aen hufa fenduit ri ahite.
14
Mim mom nas hofa mim delyak mama rak rerper warse mihook menon matit fehaet mim maen serba lafuk-lafuk ri tamtori saet tap maen serba lafuk ri mat renon warilon rerper war.
15
Tamtori lus saet ahi ri lafunri aenon tamtori lus atut prari sop yam momnas fehaet tap ainon ria tut pare saet ebema ainon senam se riaen tendir warilon.
16
Fehaet se mim mei lale serba saet hofa Yesus Kristus haet alir fiam mim mai non saet mim lima maen sisya maturfri mim mainon saet mim lima maen sisya matur fri maen mim saet lafun-lafunri mim.
17
Hofa aenhofa tamtori ribema endu barsa fendu tit sop riaro me lafun renon rima tir e. Fehaet tel til fan fituafo renon lafun ri saet reno hofa aen serba Arpames, ainon warilon firuafo?
18
Natun-natunri amanar mim serba baen saet esrak-esrak hofa mala tano haet saet endu wifei sop melmal.
19
Haet tit mim saet momnas hofa mim saet mae ne Arpames.
20
Haet aenohofa kan fituafo mim saet maene Arpames.
20
Haet aenhofa fitum afo mim apor nar mim Arpames sefa dwahe maen mofe tit fitum afo mim sop et momnas e endu penyeksehe.
21
Lafuk-lafukri saet serba etsop fitum afo min tap apornar mim, mim mim bema omnas rene mite ren Arpames tanir ya.
22
Ensanpana saet aene eyaar-eyaar mim sop mafei ensanpana saet ae ne bope.
23
Et ut sop Arpames eyaar ri faet aen mim masna nyak uham warilon natun Kristus Yesus sop im maen serba aen haet saet fehaet ut yi yaar yibope mim.
24
Tamtori saet riaen fame Arpames eyaar-eyaar ri ainon e warilon et sop Arpames ai nonri warilon et. Hofa en mim momnashofa Arpames ainon mim tendim ebope mim fanggomu saet Arpames karuniakan.