Pasal 5
Natun-natunri Arpames ri Hutan Fenduit
1
Tamtmro lus saet rasnanyak e hop yesus saet Kristus Arpames beobon sop tamtori lus saet mam be serba uma serba saet mam en obon.
2
Haet tit mim momnas hofa mim Arpames hofa mim mofla wiyaar-wiyaar mim sop wiyaar-wiyaar mim tap femafo.
3
Saet en tit sop ut serba Arpames hofa mim mofla wiyaar-wiyaar mim sop wiyaar-wiyaar mim tap femafo.
4
Saet ensampana sop obon rer Arpames sop fenduit ahukrtan sop tit sop ravediaha saet fehaet ahuktan fendu saet iman mim be.
5
Hanta saet wihuk tan fenduit hofa baen et snanyak e hofa Yesus aenhofa Arpames natu.
Me Non Senam Se Men Warilon Yesus
6
En tit sop saet oma en ranilon sop eha, fehaet Kristus Yesus. Baen haet en ranilon aeno fehae saet en ramilon. Fanggomu saet snanyak e haet fanggomu fehaet melmal se.
7
Haet enon toul saet rasnanyak e.
8
Fanggomu rani sop sila sop en toul et enon tehe.
9
Saet mim matit e masnanyak e fendumat masnanyak e Arpames sefa bilu, sa saet rasnanyak e saet Arpames urfiam enon snanyak e aenofe natun mal.
10
Tamtori saet rasnanyak e ebope natu Arpames ebema rasnanyak et en warilon tanirya, tamtori saet tapse rasne. Nya e ebope Arpames hofa ofeinar rer enofe tamtor redel daltar fehaet tamtori en tap ri rasnanyak saet Arpames urfri renofe natunri.
11
En enon rasnanyak e sop hofa Arpames fehaet urfiam ebope mim mal nun sam senam se sop aenon et enon warilon natun mal. Et enilas snanyak et hofa haet Arpames ur ferer ebope mim menon sam senam se et menon sop menon natun warilon.
12
Ai non haet tamtori saet ribema sang natun aitaen enon aenhae tamtori saet uren emim Arpames natun auraen mai non.
Tamtori Saet Arpames Be Obon Ri Tap Riafei Ehla
13
Yau haet yoter en endu-endu hetit yeibope yan snanyak e warilon ebe ha natun Arpames ainon e yam momnas hofa yam yambema me non sam senam se.
14
Et ainon momnas saet mim mimbema men tanirya et saet aene mim mani me ensanpana sop saet fe atem aha aflaok mim.
15
Et en mim mofla e mim ensanpana sop saet mim mah ime mim momnas hofa mim delyak mit mimbema mihime saet fehaet mahi me ebe.
16
En enon tamtori saet riaro ri lafunri afei ehla saet tap riarome en raparper war fiamal tamtori tit sop ria hime sop Arpames saet aufri renon ebope tamtori saet rifei ehla saet tap ricori aoe ene rer raparper war yau tap yesrak ebofu pe et sisya yahim taru ube ehla mat.
17
Penyeksehe hae se melmal se en nerer ehla fehae se ehla saet tapse ait arispare aen fer par war.
18
Mim momnas tamtori lus en Arpames be obon tap riafei ehla haet se saet ahlak e.
19
Mim momnas hofa mim maeme ri Arpames sop penyeksehe men fendu warilon tapt si kilo.
20
Et mim momnas haet Arpames be natun aen haet omap sop fehaet urfri fanggomu ife ebope mim aen mim ma mei la lae et saet melmal sop mi ni mal non warilon et saet melmal warilon natun Yesus Kristus ete enon Arpames sop melmal saet mainon senam se.
21
Natun-natunri ramerur tendir tit ren berhala-berhala.