¹ Arogo ari Iesu oroio Kaperenaumi pirivu somai arogo sari vamuri, gitou no mae Iesu oruma tsi. ² Mago vavara komuko gomai vaikapopo amuri ouka, amatara ruma taio ge robo vau tsi Iesu pepere ta gitouo. ³ Mago vararua sari gomai tetara gitou vagomaie taro ita eia gama tatuga; tauaro iva tsi bibore eiao. ⁴ gitou gama koramuri ariga goio agavi te Iesu ire vararua komuko vauo, gitou abi gareia abara ra arumao ita oata oioa aba re Iesu oio vorao, mate gitou sugu patsitsiri te taro sotaro. ⁵ Tautairora te tauaro ivao, Iesu vei are taro ari gama tatugao maei, "Ratugu, tavovuro taume ari bunuo eia karuvuetsi.'' Gitoue vararuara giriri sari oio pupou, gabutara gitou gama oio taburi neki, ⁷ "Avura mavei tsi taro arei pigia apeperera oioa gauru ari maere? Eia kogono erei ga abi gareia tavovuro ari bunu Pago ita mori?" ⁸ Vakata vau mori Iesu ge rovi tsia oioa karuru tabu ari oiro tetarao. Eia veia gitou maei, "Avura mavei te mutou igoa gabutara arere? ⁹ Ari mavei tsi mamara, irariga pepere soio ta taro, maei tavovuro taume ari bunuo ge oukatsi, kua pepererari, 'puritsi abia nanautamu eme tuga'? ¹⁰ Arimori oiro oioariga mutou ga rovia mae Ratura taro eia avagagari ariga abigareia tavovuro ari bunu otaroa magasa," ¹¹ Iesu pepere soio ta taro ari gama tatugao, apuritsi, abia nanautara taume goioa ruma." ¹² Eia apuritsi mori vakata abia nanautara tetara, tuga soioa ruma muga oioa matare vararuao, gitou kakara saki mago te gitou vasare te Pago, gitou vei maei, "Mitou gama inoa atsibo ita maei." ¹³ Iesu pirivu rou sogara oioa aromu ita, mago vararua komuko vau gomai tetara, mago eia pepere ta gitouo. ¹⁴ Oio mori ari Iesu tuga gomai, eia inoe Levi rature Alpaeusu pupou oioa aruma te taro ari aiabia avatsio mago Iesu pepere soio tetara maei, "Tsitsiri eau." Eia apuritsi mori tsi tsitsirie Iesuo. ¹⁵ Iesu oio aiari oiroa ruma te Livai ge gitoue tauaro ra bomumuria siriva me vararua ra tavovuro ari gamma kokora o oio ari toitomie eia tomie vaunini tetara, ire gitou komuko vau te gitou tsirimurie eia o. ¹⁶ Are gitoue vararua ra kirikesi, a Woutora, inoe Iesu oio aiari titomie tauaro ra tavovuro ari gamma kokora o me tauaro ra airabi ra siriva, te gitou vei are vaunini tetara maei, "Mavei te eia ari titomie vararua ra tavovuro ari gamma kokora me gitoue vararua ari bomumuria siriva?" ¹⁷ Are Iesu no a more gitou eia vei maei, "Vararua ari kokora gamma koramuria ri ga goio a ruma ra airirigi; gitoue vararua ri robe mori tsi ga goio inoe doktao. Eau gomai gamma te ra ri ga abie gitou e vararua ari kokora, ouka e gitou ari gamma kokora o." ¹⁸ Tsimoro e vaunini te Jioni me muraruga oio gamma ari. Vararua sari gomai tsi veia gitou maei, "Mavei te vaunini te Jioni me muraruga oio gamma ari, ge vaunini tame gamma ari?" ¹⁹ Iesu veia gitou maei, "koramuria taro ra tauraira gamma ga ari oioa rogo ra tauraira? Oil are taro ra tauraira oio pou tomie gitou, gitou gamma ga ari. ²⁰ Aramori a rogo ga garitara ge a taro ra tauraira gamma ga pou tomie gitou, mago oioa rogo are re gitou gamma ga koramuria ri ari. ²¹ Eita gamma ga saia airarava ari masiremomo soio tomi a matete ra airarava ari arabao. Souka ea ga masiremomo, oio ari mamugarao, ge ea ga masiremomo. ²² Eita gamma sigigiria waeni ari arabao soio a aira waeni ari a mamugarao. Souka waeni ga utupo mago aira waeni ga mapora a waeni ga pei. Arere, a waeni ari araba ga goiro a aira ari a raba." ²³ Oioa rogo ra Ruburobora Iesu goio a ba ra vauma ra waeni, te gitoue vaunini tetara goio te gitou abia waeni nauo. ²⁴ Re muraruga ra aigogoru veiareia maei, "Inoe gitou, mavei te gitou ioigo a tavovuro ari gamma kokora oioa rogo ra ruburobora i?" ²⁵ Iesu veia gitou, "Mutou gamma giia geremurira te Devitsi oioa rogo a re eia tamusi baoga _____ eia me gitou tauaro ari oio tomie eia ____ ²⁶ oio are ea goio a ruma te Pago aria bred ra aigogoru oioa rogo are Abaita e muraruga ra aigogoru, arere gamma oio kokora ge eita ga aria e gitoue muraruga ra aigogoru mori, ge ea tsi goio te eia abia re gitou ari pou tomie eia o sari?" ²⁷ Iesu vei maei, "Arogo ruburobora ge te gitoue vararua, gamma te vararua ra ruburobora. ²⁸ Ge oio re, e Rature Taro Kerira, te ra rogo ra Ruburobora."