¹ Arei a sirokora vano para peperera kokora te Iesu e rature Pago. ² Mae Eaisaia ataro ra vano para, vei maei, "Ino, Eau ba te taro ita muga tsi soio tmutoue re, eari ga raraga garu mutou. ³ Tsimoro atsirora ita oroioa ba bunau veivei maei, 'Vaimatatea garu re Tarokerira; vaimata emia ga matata'" ⁴ Joni gomai, vapupurue vararua oioa ba bunau tsi vanonoa pepere ra te Pago ire gitou ga abia vurui tera ri igo gareia tavovuro bunu tegitou. ⁵ Vararua kakara ra mautue Juda me Jerusalemu goio inoe eia. Joni vapupurue gitou oioa Nanue Jodani, te gitou rimasi to o. ⁶ Joni tovo a aivu ra kamelii mea belti vaiviria tamusira, ge airari tetara te a karikobu me koa ra rokakoma. ⁶ A taro ita e Pago bae Ea, eari aisarae Jioni. ⁷ Ea gomai maea taro ra ri ga pepere a mama ga, te re gitou kakara ga tautrairo ire eia. ⁸ E Jioni Ea gamma mama ga, ge Ea gomai te ra ri ga pepere paraea matagaga. ⁷ Eia vano para maei, "Vamuri tegaku ataro ita ga gomai, a vagagarira kerira oata vagagarigu. Ge eau gama ga koramuria ri rubea mota ra tovorobo ra vara re, ⁸ Eau ga vapupurue motou ra nanau, ge eia ga vapupurue mutou ra vagagarira Karuru." ⁹ Are re garitara oioa rogo are Iesu oroioe Nasareti oioe Galili, ga e Jioni ga vapupurue eia oioa nanu e Jodani. ¹⁰ Oioa re Iesu pupuru eia I no a mautu ra a neneki ra te Pago kope ta Karuru ari kokora gotaro maeamaea marue barusu. ¹¹ Pepere ra ita oroio a mautu neneki te Pago veivei maei, "Eme e Ratugu sesere. Eau moimoge ire Eme." ¹⁰ Ea oiroa woliei, ire a woliei eia tsi tau a o. ¹¹ Iesu gomai oio te vararua tara, ge vararua tetara gamma abie Eia. ¹² Mago ta Karuru mamugae Eia goioa ba bunau are tauaro gama oio vora o. ¹³ Eia pou oioa ba bunau arogo ra savuru iva te Satani gomai tovomuri te eiao. eia pou tomie gitoue vova te enseli gomai suri te eiao. ¹⁴ Vamuria re e Joni e gitou sautorea o, Iesu goio vano a pepere ra te Pago oioa mautu e Galili. ¹⁵ Ei a veivei maei, "Arogo gari etsi, gea kokora ra te Pago ga garitara. Rimamisi tautaurairo oioa pepere ra neneki te Pago." ¹⁶ Oioa re Iesu oioa pepere Galili, Eia inoe Saimoni me Endru e ratamarere Saimoni oio ubibeni oioa mago, ire gira e taro ra aiabia rayah. ¹⁷ Iesu veia gitou, "Gomai, tsirimurie eau, ge eau ga vaigari e mura ga garitara mae taro ra abie taro." ¹⁸ Tabara ouka e gira iritaroa vauba te gira tsi tsirimurie eia o. ¹⁹ Oio mori are Iesu tuga suku mori soio, eia inoe Jemisi rature Gebedi tomie tuarae Johni; egira pou oio oiroa boutu sisaia akae. ²⁰ Eia torae gira mago tsi egira ere taroe tamagira Gebedi oiroa boutuo tomie vararuara vokuo, matsi tsirimuri te Iesu. ²¹ Mago gitou gomai goiroe Kaperenaumi, oioa arogo tabu, Iesu goio goiroa aruma kerira tsi pepere veimimari to. ²² Gitou saki ira peperera te Iesu, ire eia peperea gitouo mae taro ra vagagari gama mae oroioa giriri. ²³ Gama taba taro ita oiro moria aruma kerirao karuru ari bunu oio oiro tetara eia tari para, ²⁴ eia vei maei, "Mitou ga igoa arova tomie eme, Iesu re Nasareti? Eme gomai terariga vaore mitou? Eau rovi teme. Eme akaruru matagagara te Pago!" ²⁵ Iesu kare karuru ari bunuo tsi vei maei, "Eme pou makovu eme gomai gogara oio ta tarore!" ²⁶ Akaruru ari bunuo pigi eia sotaro mago tsi gomai gogara oio ta taro tomia gorura tsirari kerira vau. ²⁸ Gere mumurira tari oioa bakakara re Galili. ²⁹ Vamuri mori ari gitou gomai gogara oioa aruma kerirao, gitou goio goiroa aruma te Saimoni tome Endru. ³⁰ Eroare Saimoni tasema veinaunautea airobe ra aku, gitou vei are Iesu ire eia. ³¹ Mago eia gomai sau soioa arimara, mago tsi vai ritsi eiao; airobo ra akuo eretaro te eiao, mago te eia soko kuku ta gitouo. ³² Oio moria mauravi arere vamuri oioa aro ga ru, vararua ari robe gitou ari karuru bunu oio oiro tegitouo gomai te Iesu. ³³ Oiro oioa mautu kerirao vararua kakara gomai vai kapopo oioa matara ruma are Iesu oiro vorao. ³⁴ Iesu vaimaurie gitou ari robe, eia vakumuri gareia karuru ari bunu oiro te vararuao arimori eia gama veimanoe gitou ga pepere soio tetara. ³⁵ Iesu agoro vau oioa kaukoki ababiarao, oio are eiso masisorio; Iesu goioa bara ita apaga ki te eia kakao. ³⁶ Saimoni tome gitari oio tetarao tsi papae eiao. ³⁷ Gitou vapoge eia te gitou veia areia maei, ''Vavara kakara tsi noinore eme." ³⁸ Iesu vei maei, "Tatou ga goioa abara ita, goio goiroa mumautuere, ire Eau ga pepere tai oiore. Avura te eau gomai irai." ³⁹ Iesu pagaga vai karuvu vaua mumautu ari oiroe Galilio, peperea peperera te Pago bataro garireia karuru ari bunu. ⁴⁰ Taro ita vovo kakari gomai te Iesu; eia toturu sotaro tsi vei maei soio te Iesu, "Arige eme ga masaga, eme ga vai matarega eau." ⁴¹ Iesu suku soio tomia girogo, Iesu vaituria arimara soio tsi sau eiao, vei areia maei, "Eau masaga. Gari maga." ⁴² Gama taba kakarira taro karuvu mori vakata. ⁴³ Iesu pepere vavaga vaua areia tsi ba gareie eia soio. ⁴⁴ Iesu vei are taro maei, Eme ga gabutara nekia gama viveia are taro ita, ge eme ge goio, vainoe eme soio te Pristi, tomia airabi taume arova Mosesi veiao." ⁴⁵ Arimori taro goio eia pepere paraea vanora asi, matomo vau mago te Iesu gama goio goiro roua mautu kerira ouka eia pou tsimori oiroa mautu keketu. Arimori vararua oioa aba kakara oioso gomaimai oio te Iesu.