¹ Mago te Iesu tuga tsi soiroa ruma ra kiraka, oio a taro ita rima ra makoko. ² Vararua sari inoe eia goimai te gitou gabu vere Eia ga veimauri eia oio a rogo ra Ruburobora ga e gitou ga vakumurie eia. ³ Iesu veia re taro ari rimamakoko, "Apuritsi gomai magiri kabiri oio te gitoue vararua kakara." ⁴ Mate eia vei are vararua vere, "Ea neneki ra igoa tavovuro ari kokora oioa rogo ra Ruburobora o a tavovuro ari gamma kokora; te ra ri veimauri a mauri ra o biri?" Aramori e gitou gamma pepere. ⁵ Ea inoe vararua o tomi a tamusira baoga, te eia ugogo ra tsi a gitou gamma kokora, te eia veia re taro, "Rapumatatea rimamu." Ea rapumatatea, ta rima ra neneki to. ⁶ Gitoue muraruga ra aigogoru goio tsi veivei ta gitoue vararua te Herodien ga e gitou ga biri eia mavei. ⁷ Mate Iesu, tomie vaunini tetara, e gitou goio a mago, te gitoue vararua nauo tsirimurie gitou oroioe Galili ge sari oroioe Judia ⁸ me Jerusalemu me Idumea oroio te Jodani tomi oio e Tairi me Sidoni. Are gitou no o a aigogoru ari mae eia igoa o, avouvoru re vararua komuko vau gomai tetara. ⁹ Eia veia re vaunini tetara ga Raragia bout u bai ita re eia ire vararua nauo, ge gitou gamma ga koramuria ri ga inoe eia. ¹⁰ Ire eia veimaurie vararua komuko, ire eari a tavovuro ra gamma kokora gomai tetara terari sautorea. ¹¹ Oioa re gitoue taumata inoe eia, gitou boru gotaro oioa vara te gitou veikakua tsirari, veivei maei, "Eme Rature Pago." ¹² Iesu veia gitou gamma ga veia re taro ita. ¹³ Eia goata mapaitsi, te eia tora tomi te gitari eia masagae gitouo te gitou gomai tetarao. ¹⁴ Oio o eia vuroboe tauaro savuru gotaro irua ( gitou are ea ga teie gitou ire aposeli) ge gitou ga pou tomie eia ire Ea ga bae gitou goio vanoparara peperera ari kokora, ¹⁵ ge eia ga abia gitou a vagagarira te ra ri vakumurie vararua bunu. ¹⁶ Iesu vuroboe gitou savuru gotaro iva : Saimoni, are Eia teia aisara ire Pita; ¹⁷ Jeimsi, rature Jebedi, tomie Jioni e tuare Jeimsi are, ( Gitou teia ire Boaneges, a masovara vere, rouratura meimaasi ari taripapagao); ¹⁸ me Endruu, Pilipu, Batalomiu, Matsiu, Tomasi, Jeimsi e rature Alpeausu, Tadiusu, Saimoni are gitou teiteie eia ire Silotio, ¹⁹ me Judas Iskarioti, ari ga rove Eia soio te gitou e vararua ari gamma kokora o. ²⁰ Mago te eia soio ta ruma, te vararua komuko vau gomai garitara rou, te gitou a beretsi sari ari ga aria ouka. ²¹ Oioa re gitou e tetamira no a mae re, te gitou goio tetara, tsi veivei arei a vere, "Agabutara ra tetara oio sogama kope." ²² E gitou e vararua ra kirikesi ra pepere matagaga ra oroioe Jerusalemu gomai vei maei, "Eia e Belsabul oio tetara," tsi "Mae oio te muraruga ra karurura bunura ea ga vakumurie karurura bunura." ²³ Iesu tore gitou gomai tetara te eia pepere a gitou oioa pepere ra mararanira maei, "Mavei ge Satani ga vakumurie Satani? ²⁴ Arige a mautu kerira ita e vararua ra ga vibiri rivu, mautu kerira aro gamma ga koramuria ri magiri rivu. ²⁵ Arige a ruma ita ga variroke rivu eia, a ruma aro gamma gamma ga koramuria ri magiri rou. ²⁶ Arige Satani ga vakumurie Satani, e a gamma koramuria ri ga mae re, aramori ea ge garitara to oioa rogo ra. ²⁷ Aramori eita gamma ga goio a ruma te taro ari a vagagarira kerira o ga pakari, ea ga so sautorea so kisitora vovo ra mea vara taro soko, mago eia ra goio pakikari to oioa ruma te taro. ²⁸ Sesere vau Eau ga veia mutou maei, a tavovuro ari gamma kokora e vararua ioigoao mea pepere suku ra, e Pago ga kavou taro a, ²⁹ Ge eari ga pepere suku a Karuru Tabu, e Pago gamma ga kavou taro a tavovuro ari gamma kokora o, ge ea ga mae ra muria tavovuro ra vamu ri. ³⁰ Iesu veia pepere ra are re ire, vararua vere gitou vei vere, "Eia a Karuru ari gamma kokora o oio tetara." ³¹ Mago te tsirarae Maria me titamira gomai magiri ogara te gitou bae ita ga goio tore eia so gomai. ³² Gitou e vararua komuko vau ari pou tomie Iesuo vei arei a maei, "Tsiramu me tatuamu tomie tetarimu gomai papa e me." ³³ Eia veia gitou, "Tsiragu me ratameimare gu ari mavei?" ³⁴ Eia inoe gitou e vararua ari pou oioa sekoli porogaie eia o tsi vei maei, "Inoe eau, tatsiragru me ratameimare gu tei! ³⁵ Ire eari tsitsiria masagara te Pago, a taro aro te ratamareguo, me ratavireguo, tomie tsiragu."