¹ Oio a kaivoki vau gitou e muraruga ra aigogoru vaikapopo tomie gitou a voutora nau a o me tauvaro ra matagaga ra pepere matata ra te re Juda sautore Iesu tsi vaigoio te eia oio te paelatsio, ² Mate paelatsi tagia te Iesu maei, "Eme e Kingi te gitou e Juda ia ? Te Iesu koria pepere ra maei, " Mae eme mori vei te re." ³ gitoue muraruga ra aigogoru pepere ganoa re Iesu mae eia igo ganoa tavovuro bunu. ⁴ Mate Paeratsi tagia roe Iesu maei, ''Eme ga koria pepere ra kua ouka? No vaka riva e gitou igo bunue me?'' ⁵ Aramori eIesu oio gamma koria pepere ra te Paeratsi, avura moria arere e Paeratsi gagitara pai. ⁶ Oioa rogo kerira tera airari ga gari, Paeratsi ga ba gareie taro ra kisi robora ita sogara, ge gitoue vararua mori ga masagae erei ga gogara. ⁷ A taro ita aisarae Barabasi oio oiroa ruma ra kapirobo ra o kabiri te vararua ari bibiri tai gamma nomuimuria pepere ra o. ⁸ Gitoue vararua gomai te Paeratsi ga tagie eia ge eia ga igoa tavovuro ari mae eia igo sokoa ravairao. ⁹ Mate paelatsi koria pepere ra tegitou maei, ''Mutou masage eau ga sugu taroe kingi tegitou e juda ¹⁰ eau rovia Tsia baugu ra tegitou e Muraruga ra aigogo ru ira mae gitou vaigoio e Iesu oio tetara o. ¹¹ Aramori e gitoue muraruga ra aigogoru vei re vararua nau sari ga tora toutomu ga e gitou rube Barabasi oio a kisirobo ra. ¹² Te paelatsi kori roua pepere ra maei, ''Ire mutou - masage eau ga igoa arovaoio te Kingi re Juda i? ¹³ Te gitou vei kakua tsirora rou maei, ''Ririe Iesu -oata tauvarautu! ¹⁴ Mate Paelatsi korie gitou vera, ''Eia igoa tavovuro ari mavei bunu? '' Aramori egitou tatora mori vere., ''Ririe e Iesu oata tauvarautu.'' ¹⁵ Paerasti vera ga sivuvu a masaga ra te vararua tsi mae eia rube ire Barabasi soio te gitou o. Te eia ino taroe tauaro ra vaikue ra tetara te gitou varibirie Iesu mago vaigoio e Iesu terari ga ririe eia oata tauvarautu. ¹⁶ Gitoue tauaro ra vaikue ra abie Iesu te gitou vaigoio e eia oiroa ba te gitou e ga-amani te gitoue vararua ra vaikue ra tsitsi ri te eia o. ¹⁷ Gitou vaitovoe eia ra varikea ari pepoli, vaiviria mota ari totogoao mea totsibo ari mae te Kingi oioa gamara. ¹⁸ Gitou soko ta ri vevirea, tsi veivei maei, "Mutou, Kingi re Jiusu!" ¹⁹ Gitou kuea autore Iesu, toturu muga tetara tsi kogono ruburobo tavue eia. ²⁰ Oioa rogo are gitou vei susuku e Iesu o, gitou rube gareia tovorobo ra ari pepoli o te gitou waitovoe eia ira tokoromo ra ari tetara rou o, te gitou vaigoio te eia terari ga vu patsitsiria oata tauvarautu. ²¹ A taro ita, aisara e Saimoni eia te re Sairini, Eia oroio a mautu kerira ( Eia e tamare Alexsenda me Rufusu), te gitou kegaratavue eia ga borea tauvarautu o. ²² Gitoue tauaro ra vaikue ra o vaigoio e Iesu oioa mautu ita egitou teia ire Golgata. Masovara pepere ra arere tsi maei,''Mautu ra tuara autore ta-aro oio vora.'' ²³ Gitou abia reia waeni vuro tomia miri, ea gama niua. ²⁴ Soko Toio are gitou ga riri te eia oata tauvarau tu,gitou sire tovorobo ra tetara te gitou abia matetera ita ita te gitou mararaga iresatu o. ²⁵ Oio a matara aro inimata-a sagaporo-iva-a oioa kaivoki, e gitou vu-upatsitsirie e Iesu oio a tauvarautu. ²⁶ Oio a maitetera aobu bai ita, gitou kikesia are e-Iesu a pepere ra maei,''Kingi re Juda.'' ²⁷ Tomie e Iesu oata tauvarautu gitou vu-u patsitsirie tauaro ra pakarira irua, ita oio e pirigata ita oie kaesi. ^{28 29} Gitou e vararua ari goio poropepea o igo vevirea, rurugua rima gitou mea auto gitou tsi veivei maei, "A-aa! Mea ri vera ga variroke a ruma ra kiraka mago vaimagiri rou a oioa rogo itoru o tei, ³⁰ surie eme mago gotaro oio tauvarautu ere!" ³¹ Oioa garu ari mae mori e re te gitou e muraruga ra aigogoru vaka ra susuku e eia tomie gitari nauo, me vararua ari kikesi matatea pepere matagaga ra, tsi vei maei, " Eia suyurie vararua nau aro, ge Eia gamma koramuria ri ga surie Eia. ³² Maraoe Kraisti, e Kingi re Israeli, gotaro oioa tauvarautu, ire tatou ga inoa mago tautaurairo ira." Gitou e vararua ari patsitsiri tomie eia igo bunu taie eia. ³³ Oioa matara aro inimatasagaporo ita, a paga ge masori oioa ba kakara goio kara oioa matara aro inimatasagaporo iva. ³⁴ Oioa matara aro inimatasagaporo iva o e Iesu ta ri kerira, vei maei, "Eloi, Eloi, lama sabaktani?" a masovara maei, "Tamague Pago, tamague P ago, mavei teeme poke taro e Eau?" ³⁵ Gitou sari oio magigiri o no a pepere ra te tara te gitou vei maei, "Ino, Eia oio tatore Elaisa." ³⁶ Eita asi goio, sugua a spans soiroa waeni ari gamma kokora o, taua oioa pepe ra girisura to, tsi sugu a soio te tara terari ga niua. Taro vei maei, "Tatou so ino ari ge Elaisa ga gomai garitara omaiei terari ga abie eia sotaroa tauvarautu e re." ³⁷ Mago te Iesu tari kerira vau te eia peo o. ³⁸ Tea airarava ari patsitsiri oiroa ruma ra kiraka o masire kabiri soko a oata pepera o gotaro a pepera o. ³⁹ Oioa re muraruga ra aigogoru magiri inoe Iesu oio are eia peo oiroa garu ari mae re, eia vera, "Sesere a taro arei e Rature Pago." ⁴⁰ Oio tai o e tasasama oio magiri abua noiino. Oiro te gitou e Meria Megdelini, Meria ( e tsirare Jeimsi a samura o me Josesi), tomie Salome. ⁴¹ Oio are eia oiroe Galilio e gitou tsi tsirimimurie eia o. Tasasema e ururu komuko vau goio titomie eia oata e Jerusalemu. ⁴² Oioa maureiravi to, a Rogo ra Raragi ra, te ra mairara ga oioa Sabatio, ⁴³ Josefu re Aramatia gomai oio o. Eia taro ra tsirogo ita te muraruga ra mautu ari pou u-utua Kerira ra neneki ra te Pago. Eia vavaga tuga goiro te Paelatsi tagie a vovore Iesu. ⁴⁴ Paelatsi saki tsi ra mae Iesu tsi peo to; eia tore muraruga ra aigogoru gomai tsi tagie eia ire Iesu peo. ⁴⁵ Oioa re Paelatsi no oio te muraruga ra aigogoru vere Iesu peo to, eia rova ta vovore Iesu soio te Josefu. ⁴⁶ Josefu roto a tovorobo ra aro pakakea a. Eia abie eia sotaroa tauvarautu, vivi robo e eia ra tovorobo ari pakakea o, tsi tau e eia soioa ruruare gitou kori a oioa watsi o. Mate eia vei sarigia watsi o veitaburi varautu robo ta matara ruru o. ⁴⁷ Maria e Megdelini me Maria e tsirare Josesi ino ta ba ri mae gitou urai re Iesu o.