¹ Muga soko oioa rogo ra Airari mea Tsiria robo ra airari ari aisti ra ouka o, Gitoue muraruga ra aigogoru me muraruga ra kirikesi veipepere tsi te ra ri ga pa garu ga abie Iesu ga biri e eia. ² Ire gitou veipepere maei, "Arei gamma ga gari oioa rogo ra vireru ire vararua gamma ga veika ira kabiri te gitou." ³ Oioa re Iesu pou oio e Benani oioa ruma te Saimoni, a taro ari airobe awuwuri oio tetara o. Oio are Eia vera ga aiari oioa tevoro, a tasema ita gomai tetara tomi a konteina ra sanda ari a mariara neneki tatao vau, a mapa ra oata o. Eia kope a matara konteina o tsi sigitaroa oata autore Iesu. ⁴ Aramori vararua sari ge oio temasi, te gitou vei pepere oio te gitou maei, "Avura mavei te tasema arei vapupurue Iesu ra sanda ari neneki ei? ⁵ A sanda ari neneki ei koramuria ri ga sovea ire adetsi itoru o oata, mago rova ta re vararua ari atotsibo ouka o." Mate gitou kaatare tasema o. ⁶ Aramori e Iesu veia gitou maei, "Mutou iritaroa! Mavei te mutou ga igo eia ga ugogo rou? Eia tsi igoa tavovuro kokora somai tegaku ei. ⁷ Arogo kakara e mutou ga pou titomie vararua ari atotsibo ouka o, ge oio are mutou ga vera surie gitou mutou ga su-uri e gitou, aramori e mutou gamma ga pou tomie Eau oio arogo kakara. ⁸ A tasema arei igoa arova eia koramuria ri ga igoa. Eia raragia vovogu terari ga goio a pireo. ⁹ Seserematomo eau veia mutou, oioa ba ari mae a pepere ra te Pago a vanonora oio susuku oioa tabu ei, tsi maea tavovuro ari tasema igoa ga pepere ira, maea gabutara ra, ga e gitou gabutara ire a." ¹⁰ Mago te Judas Iskarioti e eita oio te vaunini te Iesu savuru gotaro irua, ari vuro kisue Iesu mago goio te gitou e muraruga ra aigogoru terari sove e Iesu soio a rim a gitou. ¹¹ Oio are a tauaro ra voutora aigogoru no-oe Judasi, e gitou sagegere Judasi tsi tau mata te ra ri ga abia areia a watsi. Te Judasipou noiino to ga oioa rogo ita kokora eia ga sova ire Iesu soioa rima gitou. ¹² Oioa sirokora rogo ra auraru ari aisti ra ouka o, oio are gitou ouorue sipsipi ra vireru, e gitou e vaunini via re Iesu maei, "Eme masaga e mitou ga goio abua mago raragi ta umea murira airari terarige eme ga aria oioa vireru arei?" ¹³ Iesu bae vaunini tetara irua te eia veia gira maei, " Mura gagoiroa mautu kerira a taro ita ga borea konteina ra nanu ga gari tavue mura. To-o mura ga tsitsirie eia. ¹⁴ Oioa ruma ari mavei a taro ga goio vora, e mura ga tsirimurie eia mago e mura ga veia re eia maei, 'Taro ra vaimari temitou vei maei, "Arumu tegaku aere eau ga va-ari tomi re vaunini oioa airari ra pasovao tovei?"' ¹⁵ Ataroa ro ga vainoe mura ira a rumu ita oata ruma oio raragi etsi. Mura ga goio raragia airari ra pasova te gatou oio o." ¹⁶ Vaunini te Iesu irua o goio a mautu kerira te gira inoa totsibo kakara maea re Iesu vei ira gira o, te gira raragi ta aira ra pasova o. ¹⁷ Oioa matara aro ruru-u to, e Iesu gomai tomi te vaunini te tara savuru gotaro irua. ¹⁸ Gitou pou poro gania tevoro tsi aiari to, te Iesu vei ta gitou maei, Sesere matomo eau veia mutou, Ita oio tamutou oiei aiariei titomie eau ei ga sove eau soio te gitou e vararua ari gamma kokora o." ¹⁹ Gitou kakara ugogo vau, te vaunini tet a ra ita ita pepere a areia maei, "Souka, gamma eau?" ²⁰ Iesu kori pepere ra te gitou maei, "Ita oio tamutou e vaunini ari savuru gotaro irui, eia ga taua beretsi tomie eau oioa boulu. ²¹ Ire Rature Taro ga e gitou ga vaigoioe eia oioa rimare tauaro ari gamma kokora maea pepere ra te Pago veia o. ²² Oioa re gitou pou aiari, Iesu abia beretsi ita, te eia ruburobo a, tovimomoa tsi abia re vaunini tetara o. Te Iesu veia gitou maei, "Abia arei a vovogu Te re." ²³ Eia abia kapu ra kodieri te eia vei neneki soio te Pago, te eia abia re vaunini tetara te eia niua o. ²⁴ Te Iesu veia gitou maei, "Arei a kasosora aigogoru ari tegaku araba, a kasoso arere a mapa re vararua kakara. ²⁵ Sesere matomo eau vei a mutou maei, eau gamma ga niu tomie mutou oio rou a rogo ita goio kara oioa rogo ari ge eau ga niua waeni ari araba oiroa Mautu Kerira te Pago." ²⁶ Oioa re gitou baua birau ita karuvu to, gitou gogara tsi goio ta mapaitsie Olivu o. ²⁷ Iesu veia gitou maei, "Mutou kakara ga iritaro e eau ei, ire eau pou oiroa pepere ra ari vei mae, 'Eau ga biri e taro ari bomuimuri a sipsipio ge sipsipi kakara ga ere nau.' ²⁸ Aramori vamuria apuritsi rivu ra tegaku, eau ga mugaragoe mutou soioa mautu e Galili o." ²⁹ Te Pita veia re Iesu vere, "Arige gitari nauo ga iritaro e me, eau gamma ga iritaro e me" ³⁰ Iesu vei are Pita, Sesere matomo eau veia ume-e, oio a rogo arei, soko oioa ri ge kukureko ga tora vaka vakarua, eme ga vei vere eme gamma rovi e Eau vaka itoru." ³¹ Aramori e Pita vei vera, "Arige eau masaga ari ga peo tomie eme-e, eau gamma ga vei mae eau gamma rovi e me-e." Te gitou kakara tau ta mata te ra pepere ra ita mori tomie Iesu. ³² Gitou gomai to oio a mautu are gitou teia ire Getsamenio, te Iesu veia re vaunini tetara vere, "Mutou pou omaiei ire eau ga goio ruburobo." ³³ Iesu abie Pita, e Jeimsi, me Jioni ga goio tomie Eia, oio are gitou gomai garitara o, Eia gabumuri ta mausakara sari kerira vau. ³⁴ Te Iesu vei ta gitou maei, "Eau gabumuri a mausakara arei, kerira vau koramurie Eau ga peo. Mutou pou omaiei ino emi." ³⁵ Iesu goio a bua rou bai oio t gitou, te eia paru sotaroa tabu, te Eia kaka tsi soio te Pago ga e Pago surie eia oioa rogo ari bunu o. ³⁶ Iesu kaka maei, "Tamague Pago, atotsibo kakara ari ga gariei tsitsiria masagara tau me-e. Abi gareia kapuei omai tegaku. Aramori gamma ga oioa masaga gu, aramori oioa masaga mu." ³⁷ 37 Iesu pirivu Eia ino mae vaunini tetara o oio naunauta, Eia veia re Pita, "Saimoni, eme oio so naunauta? Koramuri e eme ga agoro pou noiino bai goio a matara aro ita? ³⁸ Mutou ga pou noiino kaka, ire mutou gamma ga paru ira oioa tovomuimuri ra. Karuru Eia masaga ari ga igigogougoru, gea vovo gamma masaga." ³⁹ Iesu goio kaka rou, te Eia vei a pepere ra mori ari mae eia vei a gitou o. ⁴⁰ Oio are Eia pirivu rou, Eia ino mae vaunini tetara o oio naunauta, ira mata gitou oio matatuturu vau te gitou gamma rovi a pepere ra ari mavei ga e gitou vei ire re Iesu. ⁴¹ Iesu gomai vaka itoru rou te Eia veia gitou maei, "Mutou oio so naunauta veimaira emi a vovo mutou? Karuvu! A mata ra aro agavi etsi. Ino! e Rature Taro ga e gitou sove eia soio a rimare tauaro ari gamma kokora o. ⁴² Mutou apuritsi; e tatou ga goio. Ino! eari ga vaigoioe eau oio te vararua ari gamma kokora o, oiei omai etsi." ⁴³ OIo are Iesu oio so pepere tomie gitou o, Judasi eia ita oio te gitoue vaunini savuru gotaro irua gomai garitara. Gitoue vararua komuko vau tsitsirie eia, gitoue muraruga ra aigogoru, me tauaro ra kikesi matagagea pepere matata ra tomie muraruga nauo. Gitou sautora naua baenatsi mea aobu tsi gomai te iesu o. ⁴⁴ Taro ari ga vai goioe Iesu oioa rimare vararua ari gamma kokorao, vei ta pepere ra ari maei, "Taro are eau ga taua aregu soioa garera o, mutou ga sautorea ino emi mago abie te eia soio." ⁴⁵ oio are Judasi gomai gari tara oioa mautu, eia subui vau goio te Iesu tsi vei vere, "Taro ra vaimari, "te eia taua are ra soioa garera. ⁴⁶ Mate gitou sautorea te gitou raotora te eia o. ⁴⁷ Ge ita oio tegitou magiri tomie gitou abi gareia baenatsi tetara te eia sapautua gausare taro ra aigogoru ita oio te gitoue muraruga ra aigogoruo. ⁴⁸ Iesu veia gitou maei, ''Mutou gomai mae mutou vera ga sautore taro ra pakarira itao te mutou gomai tomi ira baenatsi mea aobu terari sautore eau? ⁴⁹ oioa rogo are eau pou titomie mutou peperea pepere ari kokora oiroa ruma ra kirakao, mutou gamma vera sautore eau? Aramori arei gari terari vaigari paraea pepere ra te Pago.'' ⁵⁰ Gitou kakara ari pou titomie Iesuo iritaroe Iesu tsi ere to. ⁵¹ Abibia samura ita tovoa tokoromo ra maraurau pakakea, tsi tsitsirie Iesuo. Oio are tauaro ari gamma kokora o vera ga sautorea, ⁵² eia kai taroa tokoromo ra tetarao te eia tavaturia tsi oio soio to. ⁵³ Gitou abie Iesu tsi vaigoio te eia oio te muraruga ra aigogoruo.e muraruga ra aigogoru kakara tomie gitoua voutora nauo me tauaro ra kikesi matagagea pepere matatara tere Juda oio poupou tomie eia. ⁵⁴ Oio are gitou vaigoioe Iesu o, e Pita tsi tsitsirie eia goio garitara to oioa ba te muraruga ra aigogoruo. Te eia goio tsipou tomie tauaro ra vaikuera oioa pepera avi maununu to. ⁵⁵ Gitoue muraruga kerira tera aigogoru me muraruga ra mautu tovomuria ari vaigaria kogono ra geremuri ra ita tera ri kotsia re Iesu, gae gitou biri peo ire eia. Aramori e gitou gamma vapogea geremuimuri ra ita. ⁵⁶ Ire gitoue vararua komuko vau oio te gitou vaigaria kogono ra pepere ra sari terari kotsia re iesu. ⁵⁷ Gitou sari apuritsi tsi kogono ta gere muimuri ra sari terari kotsia a reia, te gitou vei vere, ⁵⁸ mitou noe eia vei maei, "Eau ga vari rokea a ruma are gitou tsigia oioa rima re, ge oiooio moria arogo itoru, eau ga vaimagiria ruma ari a rima gamma ga igoao.'' ⁵⁹ Gitou vovuroa pepere ra, pepere ra geremurira te gitou oio gamma tomi maea gere muri ra ari kokora te Iesu. ⁶⁰ Mate muraruga ra aigogoru magiri kabiri te gitou tsi tagie te Iesu maei, "Eme gamma koramuria ri ga koria pepere ra te mitou? Mavei oioa pepere ra are gitou veiveiao soio taume re?" ⁶¹ Eia ge kokovu mori game kora pepere ra te gitou, Muraruga ra aigogoru o tagie rou e Iesu maei, "Saige eme e kraisti erature Pago?" ⁶² Iesu vere, "Eau mori tei, eme ga inomaea Rature Taro ga pou oioa rimare Pago oio e pirigata mea vagagarira kakara mago oroi o gomai oioa mautu ra maroka ra oiroa karu." ⁶³ Muraruga ra aigogoru o varimasirea tovorobo ra tetara, vei maei, "Tatou ga tagumuri rou a pepere ra ari mavei?" ⁶⁴ Mutou no-o ta pepere ra tsirovo ra arere, arova ga e mutou igoa? Gitoue vararua kakara tsi igobunu e eia maea taro ari igoa atsibo ita bunu kara oio are Eia ga peo. ⁶⁵ Gitou sari mitsivorue eia, sari kisiroboa matara te gitou vevirea tsi veivei vera, "yo Vanoparara pepere ra te Pago!" Gitoue tauaro ra aigogoru abie eia tsi kokue te eia o. ⁶⁶ Oioa Pita oio otaroa ba te gitou e muraruga ra aigogoru o, a tasema ita ra aigogoru te gitou e muraruga ra aigogoru gomai tetara. ⁶⁷ Eia inoe Pita oio mauravi oio poupou oioa pepera avi. Eia suku soio agavi tetara tsi vei maei, " Eme tai tsi pou titomie Iesu, re Nasareti o." ⁶⁸ Aramori e Pita vere eau gamma matagaga ira arova e me veivei are."Mago te eia sogara to oioa mata ra ruma o. Tsimoro kukureko tora to. ⁶⁹ Aramori atasemao inoe Pita te eia veia para gitoue vararua ari magigiri o vere, "Ataroa arere eita oio te gitou te re!" ⁷⁰ Aramori e Pita vere eau gamma rovi e Iesu," Ge gitou e vararua sari oio magigiri veia re Pita maei, Seserematomo eme tsi ita oio tegitou, ire eme tere Galili." ⁷¹ Aramori e Pita oio veivei mori a pepere ra ari mae, "Eau gamma rovi a pepere ra are gitou veiveiao." ⁷² Subui vau mori e kukureko ta ri rou vakarua. Tsimoro e Pita gabutara ta arova e Iesu veia arei a o, e Iesu vei mae, eme ga vei vere eme gamma rovi e eau, "Vamuri e kukureko ga pepere vakarua ge oioa vaka itoru ra, e Pita tari ire eia kogono.