¹ Oio are Iesu iritaroaruma ra ruburobo ra tatuga goio to, e vaunini tetara ita vei areia maei, ''Taro ra vaimari ra, ino a wei watsi mea a ruma ari neneki vau ei!'' ² Iesu veia arei a maei, "Eme ino a ruma kerira re? A wokuru ita gamaga taburi tarua wokuru ari ita-a o. A weiwatsi kakara ga tovi moimo sotaro.'' ³ Oio a rogo are Iesu pou oia Mapaitsie Olivu, oioa pepera ruma ra rubu robo ra, Pita, Jeimsi e Joni me Endru-u tagie eia. ⁴ Vei a mitou, a rogoa ari mavei ga totsibo ari nau ei ga garitara? Tovomurira ari mavei ga garitara soko terari vaino e mitou mae a totsibo arei toiei gigari tei?'' ⁵ Iesu soko tari veivei a gitou, ''Mutou ga bo-omurie mutou. Ata aro ita ga umara mamugae mutou soio a garu ari bisau. ⁶ Vararua komuko ga gomai io oa aisagu ga vere 'E au kraisi,' ga e gitou ga igo kavoue vararua ga e mutou tstsiria gauru ari bisau, ⁷ Ariga mautu no oa gere muimuri ra vaikue ra kerira o no o kavega bai a vaikue ra kerira mutou gama ugo ogo, Atotsibo nau arei ga gari aramori a karuvu ra a tabu sosoku ⁸ Ge gito e vararua aro ga vaikue tomie vararua aro o roi ge a maut kerira ga vaikue tomia maut kerira aro-o. Mau-utu kerira ga gari oioa ba kakara ge a paurara kerira ga gari, A totsbo arei ga tsivura mae tasema ari vara ga popigo ea gubu muria tsivura rao. ⁹ "Mutou ga bomurie mutou. Gitou ga abie mutou soio te a rimare muraruga ra mautu ge gitou ga kue mutou oiroa ruma ra kiraka. Ire ea u mori ga e gitou vaigoio re mutou oioa vaimatata ra te gavana me Kingi, ge mutou ga vei para e Eau. ¹⁰ Aramori oioa sirokora totsibo arere, aigogoru ra pepere ra ari kokora ga so pepere a oioa ba-a kakara oioa tabu ei. ¹¹ Oioa re gitou sautore mutou ga baba te mutou goio o, mutou umara ugogo gamma gabutara peipai ire mutou ga vei apeperera ari mavei, Oioa ba-ara arere, a pepere ra are mutou ga vei a, Pago ga pou tomie mutou. Ge mutou gamma ga koramuria ri ga pepere, Karuru tabu ga pepere. ¹² Taumeteitari ga vaipou bunu ga sautore tuara o e ta ri ra ga vaigoioe eia oio te gitoue vararua ga e gitou ga biri e eia. e taume ruratu tai ga igoa tavovuro ari mae tai ere. Gitou e ruratu gitou ga igo bunue tatama gitou me tatsira gitou ga e gitou ga gi peo. ¹³ Vararua kakara gama ga masagae mutou ire mutou tautau rairo ra aisagu. Aramori eari magiri vavaga rari sautora toutomua tautau rairo tetara gio kara oio karuvura a tabu ei, a ta-aro arere ga pou emi. ¹⁴ Oio are mutou ga ino a mae a tsibo ta bunu ga garitara oioa ba-a ari mae a tsibo bunuo gama ga garitaraoio vora (Marao e ta-aro ari gi-ia ga rovia),Gitou e vararua ari pou oioe Judia gitou ga ere taroa ba -a aro goio pou oata mapaitsi. ¹⁵ Maroa te eari pou oata gamara a ruma goutarua airo ra ruma o abia tsibo ita sogara. ¹⁶ Ata -aro ari oioa vauma,eia umaria pirivu tavua tovorobora tetara. ¹⁷ Aramori a girogo kerira vau ga gari oio te tasema ari kavutu me tasema ari vasu usu a pepeso oio a arogo aro o. ¹⁸ Mutou ga rubu roboe mutou ga vei mae a totsibo nau arere ga umara garitara oio a rogo ra revara. ¹⁹ Ira rowa e gitou ari bunuo ga vaigaria mausakara mea tsivura ra soiote vararua. A mavakara arei gama garitara ravaira o to oio are pago taua tabu ei gomai kara igo ei. Ge va-amuri ga mausakara ita maei gama ga garitara rou. ²⁰ Arigea ta-aro kerira gama suku bobotoa rogo, vararua kakara ga burau. Aramori taro kerira ge gabutare gitou e vararua ari eia mori vurobo e gitou tetara,Tsi mae eia suku oboto ira rogo. ²¹ Ge ari gea taro ita ga veia mutou mae, 'Ino a, e Kraisti to omaiei!' o 'I no eia to oi o o!' gamma tautaurairo ra pepere ra ari mae re. ²² Ire gitou e vararua ari gamma kokora me gitoue vararua ri vano kogonora ga gari para ga e gitou ga vaigari para ea vainoino ra sari tera kogonora, Subui vau mori, kogonora tai ga goio te gitou e muraruga ra aigogoru. ²³ Mutou ga bomurie mutou! Atotsibo nau arei ga gari tara vamu ri tsi mae Eu veivei tsi ra mautu ei. ²⁴ "Aramori vamuria mausaka ra nau arere, 'a-aro gamma ga paga ea ga masori, ge a a tai o gmama ga vaigari amamaga, ²⁵ gea atsimugo nauo ga paru oroi o a nagi sotaro gea vagagarira ari oioroa mautu ra maroka ra o ga mautu maea mau-utu o.' ²⁶ Mago e gitou ra i no te Rature Taro ga gomai garitara oroio a karu mea vagagarira tomi a mama ga. ²⁷ Mago eia ga bae enseli tetara ga vaikapopo e vararua tetara are Eia vuro boa oioa vaira tabu iva-ai, soko a oioa pepera tabuei goio kara oioa pepera nagi. ²⁸ Mutou ga matagaga ira aoburasukao. Oio ari ga nanaara sukao ga sugu a rabaea magaura, mutou ga rovi ta mae a rogo ra aro tsi ga garitara to. ²⁹ Ea mae mori a ri ge mutou ga ino nau a totsibo i ga gari, mutou ga rovi mae a rogo ra aro tsi ga gari tara to. ³⁰ Seserematomo eau veia mutou maei, e vararua ari pou mauri nau ei e gitou gamma ga peo goio kara oioa rogo ari ga totsibo nau arei ga gari tara. ³¹ Mautu ra maroka ra mea tabu ga kokovu aramori a pepere ra te Pago gamma ga kokovu. ³² Ire taro ita gamma rovi a matara aro, mea rogo ra pirivu Rature Taro. Gitoue enseli oiroa mautu ra maroka ra me Rature Pago gamma rovi a rogo mea matara aro e Pago mori rovi a. ³³ "Mutou ga bomurie mutou! ire mutou gamma rovi a rogo ari mavei ga aatsibo ari mae ga gari. ³⁴ Ea mae a taro ari vera ga iritaroa ruma te tara ga goio a mautu a ita abua te eia tau e taro ra aigogoru tetara sari ga goio bomuria a ruma, eia abia gitou a aigogoru ita ita, te eia vei totomua are gitou ari ga bomuimuri a matao ga inoemi. ³⁵ Tsi mae mutou ga pou raragi. Ire mutou gamma rovia arogo ari mavei ge vavara a rumao ga gomai. Souka ea ga gommai oioa mauravi, o oioa rarogo oioa re kukureko pepere o, oio a kaivoki. ³⁶ Arige eia gomai subui, eia ga umara gomai papae me e ire eme oio so nanauta. ³⁷ Pepere ra ari mae eau veivei a mutou ei, Eau vei tai are vararua kakara. Mutiu kakara ga bomuri emie mutou.