¹ A rogo ra Mairara karuvu, e tsi e Meri Mekdelinni me Meri e tsirare Jeimsi me salome rotoa sanda sari, gitou vera ga taua oio a vovore e Iesu oioa ruru. ² Oio a sirokora a rago oiro a wiki oio a aro gari, gitou goio aruru. ³ Gitouvai veivei maei, ere ga abi garei a watsia uro oioa mata ra ruruo?'' ⁴ Oio are gitou ino soio o, gitou ino maea taro ita abi garei ta watsia uro- o, a watsi auro tawara vau. ⁵ Gitou goiroa pupao ra ruruo te gitou ino ta samura ita tovoa tovorobo ra ita pakakea maraurau pou pou oio a gare are pirigata ,tegitou saki. ⁶ Te eia veia gitou''Mutou gama mautau, mutou papae Iesu re 'Nasareti, are gitou vu- upatsitsirie eia oata tauvarautuo ,'Eia apuritsi rivu etsi .Ea gama omai rou ei, Ino a papoga are gitou venauta ire eia o. ⁷ Mutou goio veia re vaunini tetara tomie pita mae eia muga rago te mutou soio e Galili, mutou ga ino eia oio o, mae tare eia vaia o.'' ⁸ Gitou gogara oioa ruru o tsi asi soio to; Gitou panini re gitou matau. Te gitou gamma veia re taro ita a. ⁹ Oio a sirokora rogo ra wiki, vamuria re eia apuritsi, eia gari para a soko oio te sobemekdelini, a tasema are eIesu vakumuri gareia karuru ari bunu inimata a sagaporo irua oio tetara o. ¹⁰ A tasema o goio tsi veivei ta re gitou e vararua ari pou tomie eia, oioa re gitou poupou ugogo ra tsira ri o. ¹¹ Gitou no mae eia oi o mauri tai eia gari para oi o te Meri, aramori e gitou gamma tautaurairo ire eia. ¹² Vamuria atotsibo nau arere, Eia gari bissau rou oi o te vaunini tetara irua o, oi o are gira tatuga oioa garu o. ¹³ Gira goio veia re vaunini te Iesu nau ari oio pou o, aramori e gitou gamma tautaurairo ira pepere ra te gira. ¹⁴ Mago te Iesu gari para oi o te vaunini tetara kakara oioa re gitou pou porogania tevoro oioa airora a ruma o, te eia pepere totomua gitou ire gitou gamma tau totomua tautaurairo ra te gitou oioa pepere ra te gira ri irua o me gitou ari inoe eia apuritsi rivu oioa pireo. ¹⁵ Eia veia gitou maei, "Mutou goio a ba a kakara oioa tabu ei pepere paraea pepere ra te Pago soio te vararua kakara. ¹⁶ Eari tautaurairo abia vurui, Pago ga abirivue eia, ge eari gamma tautaurairo ga goio a vaimatata ra te Pago. ¹⁷ A tsirovo nau arere ga gari oio te taro ari tautaurairo. Gitou ga vakumurie karuru ari gamma kokora o. Gitou ga pepere a pepere ra ari a ra ba nau te gitou oioa vuroki te gitou. ¹⁸ Gitou ga voru tomiavagagari ra ge gitou ga sautorea peipase nau oio ra rima gitou, ge ari ge gitou ga goio a ba ri a karuru ari gamma kokora oi o vora o, e gitou gamma ga abia mausakara. Gitou ga kaka tavue vararua ari airobeo, ga e gitou ga mauri." ¹⁹ Vamuria are Iesu a Taro Kerirae Kraisti pepere a gitou, mate eia e gitou abie eia soio a mautu ra maroka ra tsi pou oio e pirigata oioa rimare Pago. ²⁰ Gitou e vaunini te Iesu goio a ba kakara oioa tabu ei pepere paraea pepere ra te Pago, mae a Taro Kerirae Kraisti oi o igogougoru tomie gitou o tai vaigari para pepere ra te Pago mae a tovomuimuri ra o goi o titomie gitou o.]