¹ Sa ola uli iro, Yesus tulak tong kawan jaa ali kawan desa laang ngulek kabar buen ye Allah sagar merintah yelah Raja. Due belas kawan ulun murid ade tulak sendro da. ² Nget iro sasenu keulun bawe ye apu napebome ke roh jahat nelang penyakit,dali iro da Maria ye na otus Makdalena ( turu roh jahat ye apu keluar ke da,). ³ naan da Yohana,sao Khuza,pegawai istana Herodes, da Susana,nelang deo eso bawe lain. makai ongkos gegales, dali ngembantu Yesus ali kawan ulun ye siut da. ⁴ Kawan ulun ke sasenu jaa masih sulet demasu Yesus.kede apu deo ulun bekumpul, yesus ngesah tong dali perumpamaan nget ihe. ⁵ Erai keulun pengume tulak laang ngebuur umang.kede da desung ngebuur,naan umang ye lotu te alan. bali ye na aje ulun nelang kawan lain ye okan tempulu. ⁶ Naan ade ye lotu te tana batu ampar. te kede umang iro kakan bolum,umang iro meang mate leka beloh danum. ⁷ Naan ade umang ye lotu te padeng juet beduii, juet bedui iro tembu sendro ali umang iro. belalu empe juet iro nyekak da empe mate. ⁸ Et naan ade umang ye lotu te tana ye buen, belalu tembu pelos mua, bua ye jatus kali lepet deo ye. Demih uli ngesah perumpamaan iro,Yesus ngulek,! aka naan kelinge,ware da ngeringa. ⁹ Kawan ulun ye siut Yesus nyituk tong da arti ke perumpamaan iro, ¹⁰ Yesus nuing,"tong kam na ulek rahasia kerajaan Allah,et tong ulun bali na ulek suang perumpamaan dion"bele dali neneng dali sa kite. dali keringa et dali sa mengerti. ¹¹ Ihe arti perumpamaan iro; umang iro Firman Allah. ¹² Umang ye lotu tai diding alan ye dali keringa firman Allah kero sulet setan ngepe firman iro ke aseng dali dion dali sa percaya ali na selamatkan. ¹³ Umang ye lotu tai tana bebatu iro ulun - ulun ye ngeringa firman Allah ali ego et sa bewakat. Dali percaya erai erep, et kede bolum poye dali lekah bepaling ke Allah. ¹⁴ Umang ye lotu tai juet bedui,ulun - ulun ye keringa firman Allah,et khawatir nget pemolum dali nelang kakan bolum mewah nelang sanang te denia ihe,kawus ye sa menghasil bua ye ensak. ¹⁵ Et umang ye lotu tai tana ye subur iro ulun - ulun ye ngeringa firman Allah, ali ngonteh suang aseng nelang jujur ali buen, nelang bebua suang ketekunan. ¹⁶ Beloh naan ulun uli nemolum pelita, nutup ali gantang atawa ngondok tai mat runa turui,buen ye ondok tai munan poo pelita dion ulun ye sinep ong suang belai kate kite amba ye. ¹⁷ Leka beloh naan hal ye na siok ye sa na ulek,ali beloh rahasia ye sa na petendre nelang na oit tong maa. ¹⁸ Leka iro,perhati; nget me kam ngeringa leka dase ye apu naan sagar na okoi lewi deo,et ulun ye beloh naan, idis ke da sagar na epe, ¹⁹ Ne ali erai butung Yesus sulet nyenruku Da,et dali sa kate dini leka deo ulun. ²⁰ Na ulek tong Da ne ali erai butung dali kakan sengkeruku, ali ko. ²¹ Tuing Yesus tong dali," ne ab ali erai butung ab ye dali ngeringa firman Allah ali ngeraja ye iro ne ali kawan erai butung ab. ²² Kede olo Yesus mengket sinep jukung sendro ali murid - murid Da,da bepander ali dali," Ayu taka getah tong pai danau ihe." belalu dali tulak tong pai. ²³ Kede dali desung belayar Yesus tepeturui. selenga sulet dolek tai tamam nampuh danau iro,danum mulai sinep litep tong suang jukung empe membahaya dali kawus. ²⁴ Kawa ulun ye siut Yesus tulak demasu da belalu ngiluk da, dal ngulek, Guru,guru taka babahaya.! Yesus buet belalu pelos ali engan wale merepak dolek ali gelombang solai.Dolek iro waa ali danau iro apu ranai. ²⁵ Belalu Yesus ngulek tong kawan ulun ye siut da. kone me kam sa percaya tong ab. dali belalu kewauh nelang takut. belalu dali ngulek ali dali sameh dali, dase bene ye ulun ihe empe ngokoi perentah tong dolek ali gelombang, nelang enus tamam ali gelombang tunduk engan ye. ²⁶ Yesus ali kawan ulun ye siut da pelos belayar empe tong daerah Gerasa te pai danau Galilea. ²⁷ Kede Yesus mengket tong pampang, erai ulun upa ye na rasuk roh jahat sulet demasu da.ulun iro ke jaa.da apu usang sa hakun bepama nelang sa hakun nondo te belai.da hakun nondo te kawan liang batu runa lebeng. ²⁸ kede kite Yesus,da ngeraring belalu sujud te hadapan Yesus nelang ali engan wale ngulek. Yesus anak Allah ye penge moo.! se ye sagar na ene da tong ab ihe.? ab kaweng ya da nyiksa ab.! ²⁹ Ulun iro ngulek. nget ihe; leka Yesus nyiu roh jahat iro keluar ke da. apu ringket da nakuasa ene roh jahat iro bele empe kami ali poo da apu nasuruk ali rantai nelang da na jaga bene. rantai iro sika ahan da nyemekat nelang roh jahat iro ngoit da tong padeng pasir. ³⁰ Uli ke iro Yesus nyituk tong ulun iro."Dase aran ko.? tuing ulun iro," Legion." leka deo setan ye merasuk da. ³¹ Roh jahat iro kaweng behimat dian Yesus ya ngobet dali tong luang pempate. ³² Tai biro kawan upe solai ye desung ngeto maka okan tai pegunungan, kawan roh jahat iro kaweng bene tong Yesus dian nyiu dali sinep tong suang kawan upe iro.Yesus belalu setuju. ³³ Belalu kawan roh jahat iro keluar ke ulun iro pelos sinep tong suang kawan upe iro. belalu kawan upe iro mensit pelos tuyun ke diding pampang moo tong suang danau, uli iro pelos leteng ³⁴ Demih kawan penjaga upe iro kite se ye apu jaji.dali mensit belalu ngulek kabar iro te jaa nelang te desa ali te segeliling ye. ³⁵ Belalu kawan ulun deo keluar nget neneng se ye jaji. dali sulet demasu Yesus, belalu te biro dali sengkeruku ali ulun ye apu lapas ke kawan roh jahat iro desung tuet dani poo Yesus,da apu bepama nelang pikiran ye apu waras. dali belalu takut. ³⁶ Dali ye kite kejadian iro ngesahtong ulun deo nget me cara ye ulun iro napebome. ³⁷ belalu kawus penduduk daerah Gerasa iro kaweng bene dian Yesus ngikah runa iro, leka dali kawus takut bene. belalu Yesus sungket tong jukung dian uli. ³⁸ Ulun ye apu lapas ke kawan roh jahat iro kaweng tong Yesus dian da ahan siut da. Et Yesus nyiu da tulak uli.. ³⁹ Ulek da. alan ko uli pelos ulek se ye apu na ene Allah tong ko. Anak Yairus - erai bawe napebome. ⁴⁰ Kede Yesus uli tong Galilea, ulun deo nyambu Da leka dali uras apu ngemba - Da. ⁴¹ Tai biro naan erai ulun bearan Yairus ye sulet tong da,da erai keulun kepala belai sembayang nelang sujut sambah tai poo Yesus, Yairus kaweng dion Yesus tong belai da. ⁴² Leka da naan anak bawe tunggal kira - kira umur due belas taun ali anak iro kakan mate - kede Yesus malan tong duh. ulun deo ngerumung. da. ⁴³ Tai biro naan bawe ye apu due belas taun sakit keluar daya ye naan hubungan ali haid da. da apu nangkawus kawan harta da pakai beobat ali dokter,et beloh naan erai tau pebome da. ⁴⁴ Bawe iro nyerani Yesus ke odi ali ngegatuk hujung jubah da, maka kede iro ade,pelos pendarahan waa pelos bome. ⁴⁵ Yesus bepander,; dase ye ngegatuk ab.? kawus ulun beloh mengaku,belalu da Petrus ngulek," Guru, ulun deo bene geliling ko nelang besensolet ali ko. ⁴⁶ Et Yesus bepander,;et naan ulun gower ab, ab ketoan iro leka naan kuasa ye keluar ke ab. ⁴⁷ Kede bawe iro kite da sa kate nyiuk unuk da, da nyeruku Yesus nelang ngengker sujut tai hadapan da. tai hadapan ulun deo da ngisah kune me da ngower Yesus ali nget me kede iro ade da bome. ⁴⁸ Yesus ngulek tong da,"Anak ab, leka ko percaya tong ab ko bome. alan tulak ali selamat. ⁴⁹ Kede Yesus desung bepander,sulet erai keulun pelayan ke belai Yairus, da ngulek tong da Yairus," anak bawe tuan apu mate. sa usah tuan nyengkuyuh Guru eso. ⁵⁰ Kede Yesus keringa iro. da ngulek tong da Yairus,"ya takut. percaya lei anak ko sagar bome. ⁵¹ Demih empe te belai Yairus,Yesus kelamen sa sunah erai keulun litep sendro da kecuali da Petrus,da Yohanes,da Yakobus ali ne ma anak iro. ⁵² Kawus ulun desung nangis ngerodoi leka anak iro mate, et Yesus ngulek."ya ngerodoi. anak iro sa mate,da je turui. ⁵³ Dali koka Yesus.leka dali ketoan anak bawe iro apu mate, ⁵⁴ Uli iro Yesus ngoit kami anak iro nelang ngulek, buet, nak!" ⁵⁵ Sengat anak iro mulik tong anak iro, pelos te kede iro ade da belalu buet,uli iro Yesus nyiu dali ngokoi anak iro man. ⁵⁶ Ulun tuha anak iro wauh bene, et Yesus kelamen dali ngulek kejadian iro beloh ronu.