¹ Demih uli ngulek kawan hal iro tong ulu deo, Yesus tulak tong Kapernaun. ² Te biduh naan perwira Roma ye naan pelayan ye na kasih ye bene, pelayan iro sakit kakan mate. ³ Te kede perwira iro keringa nget Yesus, da nyiuu sasenu pemipin ulun Yahudi tulak demasu da laang sekaweng dian da sulet pebome pelayan da. ⁴ Kede dali empe Yesus, kawan ulun iro kaweng bene dian da ngawat perwira iro," perwira ihe patut na awat ene ko,ulek dali tong Yesus. ⁵ Leka da kasih bangsa taka nelang apu nemuet belai sembayang tong kain. ⁶ Belalu Yesus tulak sendro ali dali.kede Yesus apu dani empe te belai perwira iro, perwira iro ngutus kawan uyang da tong da laang ngulek Sa usah ko uyuh - uyuh tong belai ab, ab sa patut nerima ko te belai ab.? ⁷ iro sebab ye ab gegales sa ronu sengkeruku ko.okoi leh perintah dian pelayan ab bome. ⁸ Leka ab ade tunduk tong perintah atasan nelang te waa ab naan ade kawan perajurit ye harus tunduk tong perintah ab. aka ab nyiu erai keulun perajurit," alan." da belalu tulak, nelang aka ab ngulek tong ye lain, Ayu tong hee." da belalu sulet. nelang aka ab merintah pelayan ab. ene ihe.! da belalu ngene ye. ⁹ Yesus kado keringa nget iro. da bepaling pelos ngulek tong ulun deo ye desung siut da. tamam ulun ihe. te botuk ulun Israel sika beloh pini ab sengkeruku solai ye kepercayaan nget ihe.! ¹⁰ Kede kawan ulun ye nasiu iro mulik tong belai perwira iro pelayan iro apu bome. ¹¹ Sa ola uli iro. Yesus tulak tong jaa Nain. kawan ulun ye siut da ali ulun deo tulak ade nyendro da. ¹² Kede Yesus empe te dani jaweng gerbang kota,ulun deo desung ngater bangkei tong luar kota.ye mate iro da iro anak upo,anak tunggal erai keulun bawe balu.deo ulun jaa sendro ne da iro. ¹³ Kede Yesus kite bawe iro, da ketasi ali da belalu ngulek.ya ko ngerodoi.! ¹⁴ Uli iro Yesus nyenrini tandu bangkei iro pelos mege.belalu kawan ulun ye ngoit bangkei iro singgah.Yesus ngulek,"o anak,ab nyiu ko buet.! ¹⁵ Anak ye apu mate iro buet tuet belalu mulai bepander. belalu Yesus manyarah da tong ne da. ¹⁶ Kawus ulun takut nelang mulai ngehormat Allah,dali ngulek,"erai keulun nabi ye solai apu sulet te botuk taka.! Allah apu sulet nget nyelamat umat da. ¹⁷ Kabar nget Yesus ihe te siar te awus tana Yudea ali te daerah geliling ye. Yohanes pembaptis ngutus murid ye tong Yesus. ¹⁸ Kawan ulun ye siut da Yohanes ngulek tong da Yohanes kekawus kejadian iro.belalu da Yohanes nook due ke ulun - ulun ye siut da. ¹⁹ Belalu nyiu dali tulak tong Tuhan Yesus laang nyituk.Se ko ulun ye sagar sulet nget janji Allah,atawa se kain harus ngemba ulun ye lain.? ²⁰ Kekedue ulun ye siut da Yohanes iro tulak demasu Yesus belalu ngulek, Da Yohanes pembatis nyiu kain nyituk tong ko,se ko ulun ye sagar sulet nget janji Allah,atawa kain harus ngemba ulun lain.?/ ²¹ Kede iro Yesus pebome deo ulun. nelang ngusir deo roh jahat nelang ngene deo ulun posa tau kite. ²² Yesus ngulek, alan mulik demasu da Yohanes nelang ulek se ye dinga nelang ite kam: ulun posa kite, ulun lumpuh malan, ulun okan kadan bome,ulun rongen keringa,ulun mate bolum mulik,nelang Kabar buen ke Allah na ulek tong kawan ulun susah. ²³ Bene ego buen ulun ye sa naan tujuan dian noi atawa tesantuk ab. ²⁴ Demih uli kawan ulun ye siut Yohanes iro tulak, Yesus mulai bepander tong ulun deo nget da Yohanes,ulek da,kam tulak tong padeng gurun laang neneng se kah.? kite paring ye kune enus.? ²⁵ kam tulak laang neneng se.? erai keulun ye bepakaian buen.? kawan ulun ye bepakaian nget iro nelang ye buen bolum naan te istana.! ²⁶ Jaji kam keluar nget neneng se ? nget neneng erai keulun nabi.? sebene ye lewi keerai keulun nabi. ²⁷ Leka da Yohanes iro ye na ga tesuang ayat surat berasih ihe.,ihe utusan ab, ulek Allah. Ab sagar ngutus da lewi one ke ko.dian da ngoa alan tong da.! ²⁸ Ingat,ulek Yesus eso, te denia ihe beloh pini naan ulun ye lewi solai ke da Yohanes pembaptis.et ulun ye pengedis ye te botuk umat Allah, lewi solai ke da Yohanes pembaptis. ²⁹ Kawus ulun ade namput ali tukang kawan tukang tagih pajak ngeringa Yesus ngulek hal iro ; dali iro kawan ulun ye apu nampelos kawan kahandak Allah nelang kakan nabaptis ene Yohanes. ³⁰ Et kawan ulun farisi ali kawan guru agama sa hakun nerima rencana Allah tong unuk dali.dali sa hakun nabaptis ene Yohanes. ³¹ Belalu Yesus bepander eso. ali me ab ngintur kawan ulun jaman nehe,? nget me dali.? ³² dali nget kawan anak ye tuet te pasar,erai kelompok nook kelompok ye lain,dali pedingga lagu ka ego tong kam,et kam sa kakan nuye.! kain menyanyi lagu nare aseng,et kam sa nagis.! ³³ Da Yohanes pembaptis sulet da puasa nelang sa isep anggur - et kam ngulek,da kerasukan setan. ³⁴ Anak meresia sulet da man nelang isep belalu kam ngulek,ite ulun iro,! ulun deo isep je ene tukang mabuk,beuyang ulun tukang tagih pajak nelang beuyang ulun bedosa. ³⁵ Bele nget iro, kemerahati kepintar Allah bebukti ke kawus ulun ye nerima da. ³⁶ Erai keulun farisi, bearan Simon, nook Yesus man.Yesus tulak tong belai da tuet man.. ³⁷ Te jaa iro naan ade erai keulun bawe ye bolum tesuang dosa. kede da keringa Yesus desung man te belai ulun farisi iro. da sulet nelang ngoit erai bemuli pualam ye be isi olau harum. ³⁸ Da jakat teodi lutuk Yesus dani poo nelang ngerodoi pelos mui poo Yesus ali danum mate da. uli iro da musut poo Yesus ali balo da belalu da ngenok nelang ngusuk ali olau harum. ³⁹ Kede ulun farisi ye nook Yesus kite hal iro da ngulek te suang atei da,aka ulun ihe nabi,betantu da ketoan dase bawe iro ye ngegatuk da, nelang bawe iro bolum te suang dosa. ⁴⁰ Belalu Yesus ngulek tong da Simon,"Simon, naan ye kakan naulek ab tong ko. ooi Guru,"tuing Simon,"pander leh." ⁴¹ Yesus ngulek,"naan due keulun ye beutang tong ulun ye pekihau duit.erai keulun beutang lime jatus duit perak,nelang erai keulun eso lime pulu duit perak. ⁴² kededue ye sa mahan bayar utang iro,belalu utang dali na ? relakan utang dali due.nah,dase ke due keulun iro ye sagar lewi nakasihi ali ulun ye pekihau duit iro. ⁴³ Ab ngebahe ulun ye pengedeo utang na bebas ene da.! tuing Simon.bujur ulek ko.tuing Yesus. ⁴⁴ Belalu Yesus neneng tong bawe iro nelang ngulek tong da Simon."ko kite bawe ihe.? ab sulet tong belai da, ko sa nyedia danum dian mui poo an; et bawe ihe apu ngeberasih poo ab ali danum mate da, nelang da musut ye ali balo da. ⁴⁵ Da sa nyambut ab ali ngenok,et bawe ihe beloh tau wa ngenok poo ab ke demih ab sulet tong hee. ⁴⁶ Ko beloh ngusuk olau tong utek ab. et bawe ihe apu ngolau poo ab ali minyak harum. ⁴⁷ Leka iro ab ngulek tong ko. dosa da ye deo iro apu na ampui leka da apu ngokoi kasih ye solai. et ulun ye idis na ampuni leka da ngokoi kasih ye idis. ⁴⁸ Belalu Yesus ngulek tong bawe iro," kawan dosa ko apu na ampun" ⁴⁹ Kawan ulun lain ye tuet man sendro Yesus belalu ngulek tong sameh dali. dase ulun ihe empe tau ngampun dosa.? ⁵⁰ Et Yesus ngulek tong bawe iro. leka ko percaya tong ab, ko naselamat. alan tulak ali damai.