¹ Te erai olo sabat, kede Yesus lalo erai ume gandum, kawan ulun ye siut da ngutik gandum. dali ngeromos gandum iro makai kami, belalu man ye. ² Sasenu ulun Farisi ngulek. kone me kam ngelanggar kawan hukum agama taka ali ngene ye na a men te olo sabat.? ³ Yesus ngulek, beloh pini kam membaca nget ye na ene Dawid.kede da ali kawan ulun naa ye keket lau.? ⁴ Da masuk tong suang belai Tuhan belalu ngepe rote ye apu na okoi tong Allah,belalu man ye,uli iro na okoi ade rote iro tong kawan ulun naa ye. padahal nget hukum agama taka, je kawan imam ye ahan man rote iro." ⁵ Belalu Yesus ngulek, anak meresia bekuasa te moo olo sabat.! ⁶ Te sindai olo sabat ye lain.Yesus tulak ngajar te belai sembayang,te biro naan ulun ye sila kami da lumpuh. ⁷ sasenu guru agama ali ulun Farisi kakan ngeto kesala Yesus dian tau ngelapor da, belalu dali behimat meneneng se da sagar pebome ulun te olo sabat. ⁸ Et Yesus ketoan pikiran dali,belalu da ngulek tong ulun ye kami da lumpuh iro," ayu jakat te botuk ihe.!" ulun iro buet,belalu jakat te biro. ⁹ Uli iro Yesus nyituk tong kawan ulun ye naan te biro, menurut agama, se ye na ene taka te olo sabat? ngene ye buen atawa ngene ye jahat.? nyelamat ulun atawa nyalaka da. ¹⁰ Yesus sekelap neneng keliling tong dali kawus, belalu ngulek tong ulun iro, sole kami ko, ulun iro nyule kami da, pelos kami da belalu bome. ¹¹ Et kawan guru agama ali kawan ulun Farisi iro bereket bene, belalu mulai mempakat nget se ye tau na ene dali ngehadap Yesus. ¹² Te kede iro Yesus mengket te erai gunung laang bedoa. Te biro da bedoa tong Allah erai malem tungkas. ¹³ Kede olo apu maa.da nook kawan ulun ye siut da,belalu meli due belas keulun ke dali,da ngene aran kedue belas iro kawan rasul,dali ye iro : ¹⁴ Da Simon ( ye na otus ade Petrus.) ali da Andreas erai butung Simon; da Yakobus ali da Yohanes,da Filipus ali Bartolomeus. ¹⁵ Da Matius ali da Tomas, da Yakobus anak Alfeus,ali da Simon ( ye na otus Patriot) , ¹⁶ Da Yudas anak Yakobus ali Yudas Iskariot ye odi olo jaji penghianat. ¹⁷ Uli iro Yesus dolui ke gunung iro sendro ali kawan rasul iro. belalu singgah jakat te erai runa ye datar. te biro naan ade deo kawan ulun ye siut da ye lain nelang deo ade ulun ye sulet ke duh den te kegeliling Yudea.Yerusalem, ade kawan jaa Tirus ali Sidon ye te diding laur. ¹⁸ Dali sulet nget ngeringga Yesus,nelang dian pebome ke kawan penyakit dali. Dali ye kerasukan roh daat sulet ade pelos na pebome. ¹⁹ Kawus ulun ngeto ngower Yesus, leka naan kuasa ye keluar ke unuk da nget pebome dali kawus. ²⁰ Yesus neneng kawan ulun ye siut da belalu ngulek,"bene sanang kam kawan ulun susah,leka kam ulun naa Allah.! ²¹ Bene sanang kam ye nehe lauu,kam sagar na tamboting.bene sanang kam ye nehe ngerodoi, kam sagar koka.! ²² Bene sanang kam aka na banci, natampik, nahina nelang na petaka leka ab anak meresia.! ²³ kawan nabi te jaman bayuh na ene nget iro ade, aka hal iro na ene ade tong kam, et kam sanang ate nelang ngoit ali ego,leka solai upa ye nasedia tong kam te surga. ²⁴ Et salaka kam ye tatau wayah nehe ; leka kam apu kesa kesenangan.! ²⁵ Salaka kam ye nehe boting, leka kam sagar keket lauu. salaka kam ye nehe koka. leka kam sagar nare aseng nelang ngorodoi.! ²⁶ Salaka kam, aka kawus ulun ngehormat kam ; leka nget iro ade datu nini dali ngehormat kawan nabi palsu jaman bayuh. ²⁷ Et tong kam ye ngeringa ab nehe, ab maket nget ihe, kasih kawan musuh kam. nelang ene ye buen tong ulun ye muar merikang kam. ²⁸ Na berkat ulun ye nyumpah kam nelang bedoa tong ulun ye jahat ali kam. ²⁹ Aka ulun nampar koyem ko ye erai,siu li da nampar koyem ko ye sila ade.aka jubah ko narampas,okoi ade karut ko. ³⁰ Aka ulun kaweng nget se - se ke kam,okoi iro tong da; nelang amun milik ko narampas, ya kawen na tampuli. ³¹ Ene buen tong ulun bali nget se ye na ga kam na ene dian dali tau ade ngoki buen nget na ga ko. ³² Aka ko je ketasi kawan ulun ye ketasi ko, se jasa kam.? ulun bedosa ade ketasi kawan ulun ye ketasi ali dali.! ³³ aka kam ngene ye buen je tong kawan ulun ye ngene buen ali kam.se jasa kam.? ulun bedosa ngene nget iro ade.! ³⁴ Nelang aka kam pekihau duit tong kawan ulun ye tau nempuli,se jasa kam.? ulun bedosa ade pekihau duit tong ulun bedosa, belalu kaweng na tempuli. . ³⁵ Seharus ye sa nget iro.! kebalikan ye kam harus ketasi musuh kam nelang ngene ye buen tong dali, kam harus pekihau,nelang ya harap tau natampuli. aka nget iro, upa kam sagar solai nelang kam sagar jaji anak Allah ye pege moo.Leka Allah buen ate ali ulun ye beloh ketoan beterimakasih, nelang ali ulun ye jahat ade. ³⁶ Buen kam naan bersih ate nget ma kam ade bersih ate. ³⁷ " Ya taka pesala ulun lain, dian kam ade sa na pesala leka Allah, ya ngehukum ulun lain, dian kam ade ya na hukum ene Allah.ampu ulun lain dian Allah ade ngampun kam. ³⁸ Okoi tong ulun lain. dian Allah ade ngokoi tong kam, kam sagar nerima pengokoi ponu ye apu na takar nakekusak nelang limpar tong kam.leka takaran ye na pakai kam tong ulun lain sagar napakai ene Allah tong kam. ³⁹ Uli iro Yesus ngesah tong dali peribahasa nget ihe, aka ulun posa desung ulun posa ye bali, pasti kekedue ye sagar lotu tong suang parit. ⁴⁰ Beloh naan ulun ye siut ye lewi solai ke guru ye. et ulun ye siut ye apu lulus belajar, sagar jaji sameh nget guru ye. ⁴¹ Kone me kam kite jure te mate erai butung ko. et balok ye te mate ko gegales beloh kam ketoan.? ⁴² Nget me kam tau ngulek tong erai butung kam, hayu, erai butung ab ngeluar jorek iro ke mate ko iro, et te mate ko gegales naan balok ye sa kam kite.? o,ulun ye pura - pura.! keluar one ye balok ye naan te mate ko gegales kado kam tau kite ali tarang belalu tau ngeluar jorek ke mate erai butung ko. ⁴³ Tonga ye buen sa mua bua ye boto.nget ro ade tonga ye sa buen sa mua bua ye buen. ⁴⁴ Sasenu tonga taru ke bua ye.juet ye beduii sa sagar mua bua ara,nelang juet ye beduii sa sagar mua bua anggur. ⁴⁵ Ulun ye buen ngeluar kawan hal ye buen leka ate da ponu ali ye buen. ulun ye jahat ngeluar kawan hal ye jahat leka ate ye ponu kejahatan. leka se ye na otus eni bowa iro ye limpar ke ate. ⁴⁶ kone me kam nook ab."Tuhan. et kam sa nampelos se ye na ulek ab tong kam? ⁴⁷ Ali dase taka tau ngintur ulun ye sulet demasu ab. nelang ngeringa engan ab, nelang nampelos ye.? ayu ab nundru ye. ⁴⁸ Da nget ulun ye kede nemuet belai ngali tana takei - takei, belalu ngene pondasi ye ke batu. te kede naan baah nelang danu sungei daras mepes kone belai iro, belai iro sa tau begoyang.leka apu na temuet te munan pondasi yebuen. ⁴⁹ Et ulun ye keringa engan ab nelang sa na tempelos ye,empe nget erai keulun ye nemuet belai ali sa bepondasi, aka tampuh baah banjir.belai iro jaoo tempong, nelang jabas ye tamam bene.