¹ Yesus tong suang Roh Allah te kede da ngikah sunge Yordan. Roh Allah ngayak da tong padeng gurun. ² Te biro da nacoba ene iblis opat pulu olo ola ye.seola iro,da beloh naan man se - se.belalu te akhir ye da kesa keket lau. ³ Iblis ngulek tong da,"sasih,ko anak Allah.? ayu,siu batu ihe jaji rote." ⁴ Yesus ngulek,"te suang surat berasih nasurat. meresia beloh tau bolum je ke rote." ⁵ Belalu Iblis ngoit Yesus tong runa ye moo, belalu erai kewas,iblis nundru tong da kekawus kerajaan te denia. ⁶ Kekawus kekuasaan ali ketatau, ihe sagar nasarah ab tong ko, lek iblis tong Yesus, leka kawus ye apu naokoi tong ab nelang ab tau ngokoi ye tong dase leh ye ab kakan ngokoi. ⁷ Kawus iro sagar jaji milik ko aka ko tunduk nyambah ab. ⁸ Yesus ngulek, te suang surat berasih nasurat, sembah Tuhan Allah ko nelang layani da." ⁹ Belalu iblis ngoit Yesus tong Yerusalem pelos ngonok da te moo punsak belai Tuhan belalu ngulek tong da,sa sih ko anak Allah,? ayu tuyun ke ihe. ¹⁰ Leka tesuang surat berasih nasurat,"Allah sagar nyiu kawan malekat da nyaga ko bebuen. ¹¹ Nelang ade,kawan malekat sagar nyambut ko ali kami dali dian poo ko sika sa besatuk batu. ¹² Yesus ngulek, Te suang surat berasih nasurat,ya mecobai Tuhan Allah ko. ¹³ Demih uli iblis waa ngecoba Yesus makai kawan macam cara. da ngikah Yesus nelang ngemba olo ye buen. ¹⁴ Uli iro Yesus mulik tong Galilea; belalu da nakuasai ene Roh Allah kabar nget unuk da tesiar tong kawus daerah iro. ¹⁵ Da ngajar te kawan belai sembayang, belalu kawus ulun ngehormat da. ¹⁶ Yesus tulak mulik tong Nazaret,runa kedis empe solai da.te olo sabat,nget kebiasaan da,da tulak tong belai sembayang. da jakat kakan membaca surat berasih. ¹⁷ Belalu na okoi tong da buku Nabi Yesaya. da ngugah gulungan buku iro, belalu ahan da ayat ihe.: ¹⁸ Roh Tuhan naan te ab leka da apu mentahbis ab dian memberita kabar buen tong ulun susah da ngutus ab pakai ngulek kebebasan tong ulun tawanan nelang ngulek tong ulun posa dali sagar weres dian ngebebas ulun tetindas. ¹⁹ Nelang ngulek apu empe wayah ye Tuhan nyelamat umat ye. ²⁰ Yesus ngegulung buku iro mulik, pelos nempuli ye tong petugas, belalu tuet.kawus ulun tesuang belai ibadah iro neneng da. ²¹ Belalu Yesus mulai pander tong dali,nget ihe,"Kawan ayat surat berasih ihe te olo ihe apu tulus te kede kam ngeringa ye. ²² Kawan engan ye na ulek da buen bene,empe dali mandam pelos ngeruuh ye.dali ngulek, sasih da ihe anak Yosef.? ²³ Belalu Yesus ngulek tong dali,pasti kam sagar makai paribahasa ihe ngehadap ab.Dokter, pesehat unuk ko gegales.keajaiban ye dinga kain naene ko te Kapernaum,ene ade te jaa natar ko gegales. ²⁴ Yesus ngulek eso,ingat,beloh naan nabi ye nahormat te jaa natar da gales. ²⁵ Et dingalah : te jaman Elia,kede beloh naan uran yeola tolu setengah taun, belalu juju - lau tamam bene te geliling daerah, te kede iro deo kawan balu te Israel. ²⁶ Dion nget iro,Allah sa nyiu da Elia tulak neneng mudah erai keulun ke kawan balu iro,malah je neneng erai ulun balu te Sarfat te daerah Sidon. ²⁷ Nget iro ade te jaman Nabi Elisa naan deo ulun te Israel ye bekadan,et sa mudah erai keulun ke dali ye napebume, je da Naaman ulun Siria iro. ²⁸ Kawus ulun te belai sembayang iro bereket bene kede keringa hal iro. ²⁹ Dali jakat belalu ngusir Yesus tong luar jaa, pelos ngoit da tong diding gunung, te runa jaa dali nabangun.dali ngega nuyul da tong suang leba. ³⁰ Et Yesus keluar kebotuk ulun deo iro belalu tulak. ³¹ Uli iro Yesus tulak tong jaa Kapernaum te Galilea. Te biduh da ngajar kawan ulun te olo sabat. ³² Dali mandam kite cara da ngajar, leka da bepander ali bepengaruh. ³³ Te iro te belai sembayang naan erai keulun ye nakuas ene roh jahat. Ulun iro wawale nook. ³⁴ U Yesus, ulun Nazaret, se ye kakan na ene ko tong kain.? ko sulet laang ngebinasa kain.! ab ketoan dase ko,ko utusan ye berasih ke Allah. ³⁵ Menteng,! reket Yesus tong roh jahat iro, keluar ke ulun ihe." belalu roh jahat iro ngebanting ulun iro te hadapan dali kawus.uli iro da keluar ke ulun iro ali sa penare da. ³⁶ Kawus ulun wauh, pelos ngulek ali sameh dali. bene tamam kawan engan da. leka pengaruh ali kuasa, ye merentah kawan roh daat keluar,belalu dali ade keluar.! ³⁷ Belalu kabar iro Yesus tesiar geliling te wilayah iro. ³⁸ Yesus ngikah belai sembayang iro, tulak tong belai Simon. mena Simon ye bawe desung dongo,belalu kawan ulun iro ngulek hal iro tong Yeses. ³⁹ Yesus tulak tong runa turui ulun iro,belalu ngusir dongo da iro, dongo iro jaweh,belalu nemena Simon iro pelos buet belalu ngelayani dali. ⁴⁰ Kede mate olo apu leteng,kawus ulun sulet demasu Yesus ngoit kawan erai butung ye ngaret kawan macam penyakit.Yesus ngondok kami da te munan dali tiap unuk dali pelos bume dali. ⁴¹ Kawan roh daat ade keluar ke deo ulun,nelang ali engan wale ngulek," Ko anak Allah.et Yesus ngereket dali nelang sa kelewa dali bepander,leka dali ketoan mula da Raja Penyelamat. ⁴² Te kede mate olo mulai sulet Yesus ngikah jaa iro.belalu tulak tong runa ye ranai,Ulun deo mulai ngeto da belalu dali sengkeruku da.dali ngene akal dian da ya ngikah dali. ⁴³ Et Yesus ngulek,kabar buen nget me Allah merentah harus ab ngulek ade te kawan jaa bali.jaji leka iro Allah ngutus ab tong denia. ⁴⁴ Et leka iro Yesus bekhotbah tesuang kawan belai sembayang te gelilig tana Yudea.