¹ Te taun kelime belas ke pemerintahan Kaisar Tiberius,Pontius pilatus jaji gubernur te Yudea, nelang da Herodes merintah te Galilea. da Pilipus, erai butung da Herodes merintah te wilayah Iturea ali Trakhonitis, nelang da Lisanias merintah te Abilene. ² Ye menjabat jaji imam solai ye iro da Hanas ali da Kayafas.te taun iro Allah bepander ali da Yohanes,anak Zakaria te padeng gurun. ³ Belalu da Yohanes tulak tong me - me te geliling daerah sunge Yordan nelang ngema kabar ke Allah. Da Yohanes nook." Ware betobat ke kawan dosa kam nelang kam harus nabaptis, dian Allah ngampun kam. ⁴ Iro nget ye na surat suang buku Nabi Yesaya : Naan ulun nook - nook te padeng gurun,"Sedia alan tong Tuhan.sendro tengkoreng alan tong da. ⁵ Sasenu leba patut natimbun. sasenu gunung ali wungkur sagar naperata. alan ye belok - belok patut natengkoreng, nelang alan ye lebak mungkur naperata. ⁶ Kawan ulun te kawus denia sagar kite Allah nyelamat meresia. ⁷ Deo ulun sulet demasu da Yohanes dian nabaptis. Da Yohanes ngulek tong dali, kam ulun jahat.dase ye ngulek kam tau muntis kehukuman Allah one diruh.? ⁸ Petendre ali gawian kam ye kam bene apu betobat ke kawan dosa kam. ya kam kakan ngulek da Abraham ye iro datu nini kam,ingat : ke kawan batu ihe Allah ade sanggup ngene keturunan tong da Abraham.! ⁹ Kapak apu te sedia dian noweng tongga bua empe tong kawan wakat ye. sasenu tongga ye sa behasil mua buen sagar na toweng pelos na obet tong suang mate apui. ¹⁰ Jaji se ye harus na ene kain.! situk kawan ulun iro tong da Yohanes. ¹¹ Da Yohanes ngulek. Ulun ye naan due kelamar karut,harus ngokoi erai kelamar tong ye beloh naan karut. nelang bali ulun ye naan diokan harus ngebagi ye. ¹² kawan tukang tagih pajak pada siut demasu da Yohanes dian nabaptis. dali nyituk, "Guru se ye harus na ene kain.? Da Yohanes ngulek. ¹³ Ya nagih lewi deo ke ye apu na tentu. ¹⁴ Naan ade prajurit nyituk." nget me ali kain.? se ye harus na ene kain.! Da Yohanes ngulek," ya nipu ngakal dase - dase nelang ya ngerampas duit ali ngene dawaan palsu. cukup lei ali gajih ko.! ¹⁵ Te kede iro ulun deo mulai nyituk, se da Yohanes Raja Penyelamat ye na emba dali.? ¹⁶ Leka iro da Yohanes ngulek tong dali kawus,"Ab ngebaptis kam ali danum, et nende sagar sulet ye lewi solai ke ab. dian ngugah tali sapatu da ab sika sa patut. Da sagar ngebaptis kam ali Roh Allah nelang apui. ¹⁷ Te kami da naan siru dian nyiau kawus pare ye empe berasih. pare sagar na kumpul da tesuang upak kerangking,et kawus sekam sagar na suru da tesuang apui ye sa tau mate. ¹⁸ Nget iro da Yohanes ngokoi nasehat tong ulun deo makai deo macam cara,kede dali ngulek kabar buen. ¹⁹ Et da Herodes, penguasa te Galilea, na ulek ene Yohanes nget perkawinan da ali da Herodias, bane erai butung da, nelang nget kawus kejahatan bali ye apu na ene da. ²⁰ Et da Herodes makin nambeh kawan kejahatan da ali pesuma da Yohanes tong suang penjara. ²¹ Demih uli kawus ulun iro nabaptis, Yesus ade nabaptis kede da desung bedoa, langit tebuka. ²² Nelang Roh Allah dolui tong munan da nget tempulu merpati.belalu naan dingga engan Allah ngulek, ko anak ab ye nakasihi.ko pesanang ate ab. ²³ Te kede Yesus nyetela pengkoe da, da beumur nget tolupulu taun. nget lek ulun, da anak Yosef,anak Eli. ²⁴ anak Matat,anak Lewi,anak Malkhi,anak Yanai, anak Yosef. ²⁵ anak Matica,anak Amos,anak Nahum, anak Hesli, anak Nagai, ²⁶ anak Maat, anak Matica, anak Simei,anak Yosekh, anak Yoda, ²⁷ anak Yohanan,anak Resa,anak Zerubabel,anak Sealtiel,anak Neri. ²⁸ anak Malkhi,anak Adi, Anak kosam ,anak Elmadam,anak Er. ²⁹ anak Yesua,anak Eliezer,anak Yorim,anak Matat,anak Lewi. ³⁰ anak Simeon,anak Yehuda,anak Yosef,anak Yonam ,anak Elyakim, ³¹ anak Melea,anak Mina,anak Matata, anak Natan, anak Dawid ³² anak Isai,anak Obed,anak Boas,anak Salmon,anak Nhason. ³³ anak Aminadab,anak Admin,anak Arni,anak Hezron,anak Peres,anak Yehuda, ³⁴ anak Yakub,anak Ishak,anak Abraham,anak Terah,anak Nahor, ³⁵ anak Serug,anak Rehu,anak Peleg,anak Eber, anak Salmon, ³⁶ anak Kenan, anak Arpakhsad,anak Sem,anak Nuah,anak lamekh, ³⁷ anak Metusalah,anak Henokh,anak Yared,anak Mahalaleel.anak Kenan. ³⁸ anak Enos,anak Set, anak Adam,anak Allah.