¹ Kawus anggota sidang iro jakat. belalu ngoit Yesus tong hadapan da Pilatus. ² Te biro dali mulai ngedawa da. dali ngulek, kai kesurek ulun ihe nyentaang rakyat. da ngelamen ulun dion ya bayar pajak tong kaisar. leka ulek da da Kristus, erai keulun raja. ³ Belalu da Pilatus nyituk tong Yesus, me bene ko raja ulun Yahudi.? Yesus nuing, nget iro ulek ko. ⁴ Belalu ulek Pilatus tong kawan imam kepala ali ulun deo iro. Ab beloh ruku sunah erai kesalahan te ulun ihe empe ngehukum da. ⁵ Et dali ngedasak eso. makai ajaran ye, da menyesatkan ulun te kawus Yudea,asal da te Galilea, nelang nehe apu empe tai behe. Yesus na oit tong Herodes. ⁶ Kede da Pilaus keringa iro da nyituk, se ulun ihe ulun Galilea.? Demih na ulek,Yesus beasal ke daerah ye naan te wa kuasa Herodes, da Pilatus ngirim Yesus demasu da Herodes,ye kede iro naan ade te Yerusalem. ⁸ Da Herodes ego bene kede kite Yesus, leka apu usang da keringa nget da nelang kakan kite da. da percaya tau kite Yesus ngene keajaiban. ⁹ Leka iro da Herodes deo ye na nyituk da, et Yesus sa budas nuing. ¹⁰ kawan imam kepala ali kawan guru agama mengadap ade te biro nelang ali behimat dali ngedawa Yesus. ¹¹ DaHerodes ali kawan anggota tentara ye ngesese nelang ngehina Yesus, belalu masang tong da pakaian kebesaran,uli iro ngirim da mulik tong da Pilatus. ¹² Te olo iro ade da Herodes ali da Pilatus,ye one ye bepaut, belalu buen eso. Pilatus ore ngebebas Yesus. ¹³ Da Pilatus ngumpul kawan imam kepala, kawan pemimpin,ali rakyat, ¹⁴ Belalu ngulek tong dali, kam ngoit ulun iro demasu ab nelang ngulek da nyentaang ulun deo, nehe te hadapan kam ab apu meriksa da, et ab budas beloh ruku sunah erai kejahatan ye di na dakwa kam tong da. ¹⁵ Nget iro ade pendapat Herodes, leka da ade apu ngirim Yesus iro mulik tong kain,ulun ihe beloh naan sunah erai pengkoe da ye patut na hukum ali hukuman mate. ¹⁶ Leka iro ab sagar malale da uli iro ngelapas da. ¹⁷ Te tiap perayaan Paskah, da Pilatus harus ngelapas erai keulun tahanan tong rakyak. ¹⁸ Kawus ulun ye bekumpul te biro ali engan wale ngulek, bunu" da.! lapas da Barabas pakai kain." ¹⁹ ( da Barabas nepenjara ene leka pemberontakan te jaa nelang ene munu ulun.) ²⁰ Da Pilatus kakan ngelapas Yesus, leka iro da bepander sindai eso tong ulun deo. ²¹ Et dali ali engan wale ngulek,"salib da ! salib da!. ²² Belalu tong ketolu kali ye da Pilatus nyituk ali wale tong dali,"et se kesala da? Ab sa mahan sunah erai kesala te da ye patut nahukum ali hukuman mate.! ab sagar malale da, belalu ngelapas da." ²³ Et dali sengke behimat mengaras ali engan wale ngulek Yesus harus na salib, belalu akhir ye engan dali behasil. ²⁴ Belalu da Pilatus pelotu hukuman mate tong munan Yesus nget kehendak ulun deo iro, ²⁵ Nelang ngelapas ulun ye na aweng dali, ye iro ulun ye napenjara ene pemberontakan nelang munu ulun.uli iro Yesus na okoi tong dali dian dali nampelos se ye na ga dali. Penyaliban Yesus. ²⁶ Yesus belalu na oit dali, te botuk alan, dali sengkeruku erai keulun bearan da Simon,beasal ke Kirene,desung masuk tong jaa. dali demakep da, belalu ngemaksa da ngoson kayu salib iro tai odi lutuk Yesus. ²⁷ Deo ulun siut malan te odi lutuk Yesus ke dali iro naan ade sasenu keulun bawe iro nangis Yesus. ²⁸ Et Yesus ngelap tong dali pelos ngulek,"kawan bawe Yerusalem.! ya kam nangis ab, tangis lei unuk kan gegales ali kawan anak kam. ²⁹ Leka sagar naan waktu ye ulun sagar ngulek, bene leha untung ye kawan bawe ye sa pini entung,sa pini beanak nelang sa pini petete anak.! ³⁰ Te suang iro ulun sagar ngulek tong kawan gunung, lotu te kain! uli iro tong kawan bukit,tindu te munan kain. ³¹ Leka aka ali kayu ye bolum, ulun apu ngene nget ihe, lewi eso sa sagar na ene dali ali kayu pate.! ³² naan ade due keulun penjahat ye naoit dali dion nahukum mate sendro ali Yesus. ³³ Kede empe runa ye naotus"tengkorak,dali nyalib Yesus ali kedue penjahat iro erai keulun te sila sanan.erai keulun eso te sila sei Yesus. ³⁴ Belalu Yesus bedoa, "Bapa (ma),ampun dali.! dali sa ketaru se ye naene dali." ³⁵ Te kede dali bebagi pakaian Yesus ali undian.kawan ulun jakat iro menonton, kede kawan pemimpin Yahudi ngasese Yesus ali ngulek, da apu nyelamat ulun lain; coba nehe da nyelamat unuk da gegales, aka da bene raja penyelamat ye napeli Allah..! ³⁶ Kawan tentara siut ade ngesese da, dali sulet belalu ngokoi anggur semori tong da. ³⁷ nelang ngulek,"aka ko Raja ulun Yahudi, selamat unukko.! ³⁸ Te munan salib Yesus, nesurat kawan engan ihe : " Ihe Raja ulun Yahudi." ³⁹ Erai keulun pejahat ye nasalib te iro ngehina Yesus,da ngulek,Sa sih,ko raja penyelamat.? nah,selamat unuk ko ali kain ade.! ⁴⁰ Et pnjahat ye erai nagur uyang ye,ulek da," se ko sa takut tong Allah.? ko sameh nahukum mate nget da. ⁴¹ Et hukuman tedue puna setimpal nget pengkoe tedue. et da beloh naan kesala.! ⁴² Belalu da ngulek," Yesus,ingat ab, aka ko sulet nget raja.! ⁴³ Percaya leh,"ulek Yesus tong da,"olo ihe ko sagar senro ab te Firdaus." Pempate Yesus. ⁴⁴ Kede iro sekitar pukul due belas botuk olo, mate olo beloh besahaya, nelang kawus negeri iro jaji denem bene empe pukul tolu doyeng. ⁴⁵ Tenda ye jakat te suang belai Tuhan, bereset bagi due bagian. ⁴⁶ Belalu Yesus ngulek ali wale, " ya Bapa,! tong suang kami ko ab menyarah unuk ab!" Uli ngulek nget iro,da belalu mate. ⁴⁷ Kede komandan pasukan kite se ye apu jaji, da ngehormat Allah.belalu da ngulek, sebene ye da beloh naan kesala ye. ⁴⁸ Ulun deo ye sulet tong iro siut menonton,kite se ye apu jaji. dali kawus uli ali aseng ye bene - bene menyasal. ⁴⁹ Uli iro kawus kenalan Yesus, senro kawan bawe ye siut da ke Galilea, jakat ke oro neneng kawus ye iro. Yesus na lebeng. ⁵⁰ Naan erai upo bearan Yusuf, anggota dewan penesehat, ulun ye buen nelang bujur. ⁵¹ ( Da gegales ye sa setuju keputusan ali tindakan dali.) Yusuf asal ye ke jaa Arimatea, erai kota ulun Yahudi, da ade ulun ye ngema - ngema kerajaan Allah. ⁵² Da Yosef ihe tulak ngehadap Pilatus pelos kaweng dian bangkei Yesus na okoi tong dali. ⁵³ Uli iro da pedolui bangkei Yesus ke kayu salib belalu ngebungkus ye ali kain kafan ke lena.uli iro da ngelebeng Yesus tesuang lebeng ye na ene te bukit batu - lebeng iro beloh pini na pakai. ⁵⁴ Olo iro olo jemahat, nelang olo Sabat dani empe. ⁵⁵ Kawan bawe ye sulet senro Yesus ke Galilea siut da Yosef nelang kite lebeng iro, dali kite ade nget me leen bangkei Yesus na lebeng te suang lebeng iro. ⁵⁶ Uli iro dali uli belalu natap kawan bunge ali olau buen ewo dian na duru tong bangkei Yesus, te olo sabat, dali singah mengkoe dion nampelos hukum agama.