¹ Perayaan rote sa beragi ye na otus paskah apu dani. ² Kawan imam kepala ali kawan guru agama desung ngeto alan dion munu Yesus ali menteng - menteng.leka dali takut tong ulun deo. Penghianatan Yudas. ³ Uli iro iblis litep tong da Yudas ye naotus ade da Iskariot, ye iro erai keulun ke kedue belas ulun ye siut Yesus. ⁴ Leka iro da Yudas tulak laang begerayang ali kawan imam kepala ali kawan kepala penjaga belai Tuhan nget me da mahan nyarah Yesus tong dali. ⁵ Dali sanang bene nelang bejanji sagar ngokoi duit tong dali. ⁶ Da Yudas ade setuju belalu mulai ngeto kesempatan dion nyarah Yesus tong dali ali sa toan ulun. Nyedia pengokan paskah. ⁷ Empe olo perayaan rote sa beragi te kede iro ulun munu bebiri nget pengokan paskah. ⁸ Belalu Yesus nyiu da Petrus ali da Yohanes," alan sedia pengokan paskah tong taka. ⁹ Te kame kam kakan kain nyedia ye? situk dali. ¹⁰ Yesus nuing,kede kam litep tong jaa,kam sagar sengkeruku erai ke ulun upo desung ngoit erai kandi beisi danum.dasu da tong belai ye na engket da. ¹¹ Belalu ulek tong puun belai iro, Guru nyituk, te kame runa ab sendro kawan ulun ye siut ab man pengokan paskah.? ¹² Puun belai iro sagar nundru tong kam erai kamar loteng solai.sukup ali kawan perabot ye, sedia kawus ye te biro. ¹³ Da Petrus ali Yohanes tulak,belalu mahan kawus ye sameh nget ye na ulek ene Yesus. dali belalu nyedia pengokan paskah iro. Perjamuan paskah. ¹⁴ Demih apu empe kede ye nget man pengokan paskah iro,Yesus tuet sendro kawan ulun ye siut da te runa perjamuan. ¹⁵ Belalu da kate tong dali, ab kakan bene man pengokan paskah iro sendro ali kam sa male ab kune kenare.! ¹⁶ Leka,percayaklah. : Ab sa sagar man pengokan ihe eso empe arti ke pengokan ihe na petendre te denia kado na Allah. ¹⁷ Uli iro Yesus ngengkat sangkir anggur,belalu bedoa ngulek terimakasih tong Allah,uli iro ngulek,"epe ihe,nelang bagi. ¹⁸ Leka buen kam ketoan mulai ke nehe ab sa sagar isep anggur ihe eso empe Allah apu bekuasa ponu te munan kekawus ye. ¹⁹ Uli iro Yesus ngepe rote, nelang uli bedoa ngulek terimakasih, da meleng rote iro ali kami ye belalu ngokoi tong dali, nelang ngulek,"ihe unuk ab( ye nasarah tong kam,ene ihe pakai ngingat ab." ²⁰ nget iro ade uli man, da ngokoi sangker anggur iro tong dali nelang ngulek," sangker yero janji Allah ye kado,suang daya ab. Ngulek ulun ye nyarah Yesus. ²¹ Et ite.! ulun ye menghianat ab naan te ihe sendro ali ab. ²² Anak meresia puna sagar mate nget ye apu natetapkan ene Allah.; et silaka ulun ye ngehianat da.! ²³ Belalu dali mulai mengkesituk sameh dali, dase ke dali ye sagar ngene hal iro. Jajilah ulun ye melayani. ²⁴ Te botuk kawan ulun ye siut Yesus sulet perawekan,dali besual nget dase kedali ye harus naanggap penge tamam. ²⁵ Yesus ngulek tong dali," Raja -raja kawan bangsa ye saketaru Allah nindas rakyat ye,nelang kawan penguasa ye na otus:' Penyelindung rakyat.' ²⁶ Et kam sa ahan nget iro kebalikan ye, ulun sa penge tamam te botuk kam harus jaji nget ye penge hina, nelang pemimpin harus jaji nget pelayan. ²⁷ Dase ye lewi tamam; ulun ye tuet man ngehadap meja, atawa ulun ye melayani da.? betantu ulun ye tuet iro, et ab naan te botuk kam nget pelayan. ²⁸ Te suang kawan kesusahan ab,kam seleur sendro ali ab. ²⁹ Nget Ma apu ngokoi tong ab kuasa nget merentah, nget iro ade ab sagar ngokoi tong kam kuasa iro. ³⁰ Ali nget iro kam kate siut sendro ali ab te kede ab jaji Raja, nelang kam sagar tuet tai kedue belas tahta dian merintah kedue belas suku bangsa Israel. Petrus sagar menyangkal Yesus. ³¹ Simon,Simon, dinga.! Iblis apu naokoi ijin nget nguji kam.; nget pare na siau belalu ye buen napisah ke ape. ³² Et ab apu bedoa tong ko,Simon, dian iman ko ya mawah,nelang aka ko apu mulik demasu ab ko harus pekuat iman kawan erai butung ko. ³³ Da Petrus nuing,"Tuhan, ab besedia litep penjara nelang mate sendro Tuhan. ³⁴ Percaya,Petrus," ulek Yesus," Samale piak jagau mengkoko olo ihe, ko tolu kali menyangkal ab. Bersiap - siap lah ngehadap kesulitan. ³⁵ Uli iro Yesus ngulek tong dali," one diru kede ab ngutus kam ab sa nyiu kam ngoit dompet,tas atawa sandal, se kam kekurangan nget se - se.! Sa.! tuing dali. ³⁶ Et nehe,ulek Yesus, dase ye naan dompet atawa tas harus ngoit ye, nelang dase ye sa naan pedang, harus jemual jubah ye pakai moli pedang. ³⁷ Et percaya lah, ayat surat berasih ye ngulek nget ihe, Da na anggap nget erai keulun penjahat, harus jaji te munan unuk da.leka se ye na surat te suang surat berasih nget ab rahat tulus nehe. ³⁸ Tuhan,lek kawan ulun ye siut Yesus, ite, te behe naan due pedang. Cukup tuing Yesus. Yesus bedoa tai taman Getsmani. ³⁹ Yesus ngikah jaa belalu tulak nget biasa ye tong bukit Zaitun, nelang ulun ye siut da ade tulak siut da. ⁴⁰ kede empe te biro, da ngulek tong dali, ware kam bedoa dion kam ya bedosa aka kam naan cobaan. ⁴¹ Uli iro da tulak oro idis ke dali, nget oro sepenumuk. ⁴² Belalu tunuk pelos bedoa, "Ma. ulek da," aka ahan,pekoro ke ab kenare ye harus na inam ab ihe. et ya kehendak ab, melainkan kehendak Ma. ⁴³ Erai keulun malekat sulet nenre unuk da pelos menguatkan ye. ⁴⁴ Yesus nanggung kenare ate aseng tamam, da behimat bene bedoa,panas da nget pitek daya tong tana. ⁴⁵ Wa bedoa, Yesus mulik eso tong kawan ulun ye siut da, da kesurek dali desung turui leka bangat kenare aseng. ⁴⁶ belalu da ngulek tong dali. kone me kam turui,? buet belalu bedoa dion kam ⁴⁷ Desung Yesus sengke bepander, sulet erai kerombongan ulun. dali na pimpin ene Yudas, erai keulun ke ulun ye siut Yesus.uli iro da Yudas tulak nyerani Yesus belalu ngenok da. ⁴⁸ Et Yesus ngulek tong da,"Yudas,se makai ngenok iro ko kakan menghianat anak meresia.? ⁴⁹ Kede kawan ulun ye siut Yesus ye naan te iro kite nget ye sagar jaji. dali ngulek," Tuhan, kain nyarang ali pedang.! ⁵⁰ Belalu erai keulun ke dali nares pelayan imam solai ali pedang empe kelinge sila sanan bekat. ⁵¹ Et Yesus ngulek,"Wa.! belalu da mege kelinge ulun iro pelos pebome ye. ⁵² Uli iro Yesus ngulek tong kawan imam kepala ali kawan perwira penjaga belai Tuhan,nelang kawan pemimpin Yahudi ye sulet tong iro laang nulung da. se ab ihe penjahat, empe kam sulet ali pedang ali gagada laang nulung ab.? ⁵³ Nungku olo ab naan sendro kam te belai Tuhan.kam sa nulung ab. et ihe wayah ye kam betindak, te kede kuasa kegelapan mege kekuasaan ye. Petrus menyangkal Yesus. ⁵⁴ Dali nulung Yesus pelos ngoit da tong belai imam solai, da Petrus demasu ke oro. ⁵⁵ Te botuk natar iro apui simpuk dion bedere apu napedolan belalu da Petrus tulak tuet sendro kawan ulun ye tuet geliling apui iro. ⁵⁶ Erai keulun pelayan bawe kite da Petrus tuet te dani apui runa bedere iro. belalu pelayan bawe iro kite Petrus, uli iro ngulek, ulun ihe mei ade naan senro ali Yesus. ⁵⁷ Et da Petrus beloh mengaku. da ngulek, "Ab budas sa ketaru ulun iro.! ⁵⁸ Sa ola uli iro, erai keulun selain kite da Petrus belalu ngulek, ko ade erai keulun ke dali. et da Petrus nuing,sa, lain ab. ⁵⁹ Kira - kira erai jam uli iro, erai keulun ye bali ngulek ali engan wale,puna bene ulun ihe ulun ye siut Yesus, leka da ade ulun Galilea. ⁶⁰ Et da Petrus nuing, se maksud ko, ab sa ketoan. kede iro ade, kede da Petrus desung bepander, piak jagau mengkoko. ⁶¹ Yesus belalu bepaling pelos neneng da Petrus.belalu da Petrus teingat Tuhan apu ngulek tong da, Samale piak jagau mengkoko olo ihe, ko tolu kali nyankal ab. ⁶² Belalu da Petrus tong ongon nelang nangis ali nare aseng. Penjaga nyiksa Yesus. ⁶³ Kawan ulun ye desung durung Yesus, ngesese nelang mupuk da. ⁶⁴ Dali nutup mate da belalu nyituk tong da, coba kekira dase ye mupuk ko.? ⁶⁵ Deo eso kawan engan kesese ye na tuju dali tong da. Yesus tai hadapan pemimpin Yahudi. ⁶⁶ Tande ye,kawan pemimpin Yahudi, kawan imam kepala ali kawan guru agama bekumpul, belalu Yesus naoit tong hadapan pengadilan agama dali. ⁶⁷ Ulek tong kain, ulek dali tong da, se ko ihe Raja Penyelamat.? Yesus nuing, aka ab ngulek tong ko, kam sika sa sagar percaya. ⁶⁸ Nelang aka ab nyituk tong kam,kam sika sa sagar nuing. ⁶⁹ Et mulai kenehe anak meresia sagar tuet tai sila sana Allah ye beloh naan ares kuasa ye. ⁷⁰ Dali kawus ngulek, aka nget iro, ko ihe anak Allah.? Yesus nuing, nget iro lek kam. ⁷¹ Belalu dali ngulek, beloh perlu eso saksi,.! taka apu keringa ke bowa da gegales